بەرپرسی بەشی ڕۆشنبیری و ڕاگەیاندنی #پارتی دیموکراتی کوردستان#، پێشوازی لە سەرۆکی گشتی پارتی ماف و ئازادییەکان و شاندی یاوەری کرد.
دکتۆر #سالار عوسمان#، ئەندامی کۆمیتەی ناوەندی و بەرپرسی بەشی ڕۆشنبیری و ڕاگەیاندنی پارتی دیموکراتی کوردستان، پێشوازی لە دوزگون کاپلان، سەرۆکی گشتیی ھاک-پار، پارتی ماف و ئازادییەکان و جیھان بایکەر، جێگری سەرۆکی گشتی و محەمەد شیرین، جێگری سەرۆک و شاندی یاوەری کرد.
لە کۆبوونەوەکەدا باس لە ڕەوشی ئێستای ناوچەکە بەگشتی و ھەرێمی کوردستان کرا و شاندی میوان پێزانینیان ھەبوو بۆ ھەوڵی میدیایی پارتی دیموکراتی کوردستان لەپێناو پاراستنی یەکڕیزیی کورد و گەیاندنی پەیامی کوردستانییان بۆ خزمەتکردنی دۆزی گەلی کوردستان. [1]