ئەمڕۆ 01-06-202201-06-2022 لە بارەگای مەکتەبی سیاسیی پارتی لە سەڵاحەددین، فازڵ میرانیفازڵ میرانی، سکرتێری مەکتەبی سیاسی، پێشوازیی لە ئولیڤیا دیکۆتینی، کونسوڵی گشتیی فەرەنسا لە هەرێمی کوردستان کرد.
لە دیدارەکەدا کە هۆشیار سیوەیلی، بەرپرسی مەکتەبی پەیوەندییەکانی دەرەوەی پارتی دیموکراتی کوردستانپارتی دیموکراتی کوردستان ئامادە بوو، فازڵ میرانی وێڕای بەخێرهێنانی میوان، سوپاسی سەرۆک و گەلی فەرەنسای کرد بۆ پشتگیرییە بەردەوامەکانیان لە هەرێمی کوردستان و پەیوەندییەکانی نێوان هەرێمی کوردستان و فەرەنسای بە بەرز نرخاند.
سکرتێری مەکتەبی سیاسی باسی لە بارودۆخی هەرێمی کوردستان و ئێراقیش کرد و ئاماژەی بە پێویستیی یەکدەنگى و یەکڕیزیى لایەنە کوردییەکان بۆ چارەسەرکردنی کێشە و گرفتەکانی نێوان هەرێمی کوردستان و بەغدابەغدا و ئامادەکارییەکان بۆ هەڵبژاردنەکانی پەڕڵەمانی کوردستان کرد.

دواتر میرانی باسی لە ئاڵنگارییەکانی بەردەم پێکهێنانی حکوومەتی ئێراق و گۆڕانکاری و پێشهاتە سیاسییەکان و چۆنییەتیی بەھێزکردنی پەیوەندیی نێوان لایەنە سیاسییەکان بۆ خزمەتکردنی پڕۆسەی سیاسی لە هەرێمی کوردستان و ئێراقدا کرد.
هەر لە دیدارەکەدا، ئولیفیا دیکۆتینی، کونسوڵی گشتیی فەرەنسا، خۆشحاڵی و سوپاسگوزاریی خۆى دەربڕی بۆ ئەم پێشوازییە گەرمەی کە لێی کراوە و پەیوەندییەکانی نێوان فەرەنسا و هەرێمی کوردستانی بە بەرز نرخاند و هیوای خواست کە کێشە و گرفتەکانی نێوان هەرێمی کوردستان و بەغدا بە گفتوگۆ چارەسەر بکرێت و لایەنە سیاسییە کوردییەکان بە یەکدەنگ لە بەغدا کار بکەن بۆ بەدەستهێنانی مافەکانی گەلی کورد. [1]