مام ڕەسوڵ و قادسیەى سەدام
نووسینی: شێرزاد شێخانیشێرزاد شێخانی

لەسارانى پەنجایەکان کە ئینقلابى زابتە عەسکەرییەکانى میسر بەسەرکردایەتى جەمال عەبدولناسر سەرکەت بەسەر حوکمى مەلیکدا، ناسر تووشى مەغرورى بوو، ویستى خۆى بکاتە قائیدى هەموو جیهانى عەرەبى. لۆ ئەو مەبەستەش کارى لەسەر ئەوەکرد هونەرى میسرى بە گۆرانى و فلیمى سینەمایى و گشت مەجالەکانى ترى هونەر بخاتە خزمەتى گەورەکردنى خۆى. ئیدى لەو سەردەمەوە مەو‌زوعى گۆرانى وەتەنى (أناشید وطنیة) هاتە گۆڕێ و زۆربەى گۆرانبێژەکانى ئەو سەردەمە کەتنە سەر نەشید گۆتن بە بەژن و باڵاى جەمال عەبدولناسر. ئێستاش نەمزانى لۆ بەو گۆرانییە قۆڕانەیان دەگۆت (وەتەنى)، نەشمزانى عیلاقەى وەتەن بە عەبدولناسرەوە چیە و لۆ بەس عەبدولناسر وەتەنى بووە؟!
ئەو تەڕەماشخانەیە زۆربەى وراتانى عەرەبیشى گرتەوە، ئەوجا لە هەمووشى خۆشتر ئەوەیە کە دەسەراتدارانى ئەو سەردەمانە پێیان وابوو کە ئەو ئەناشید وەتەنییانە دەورەکى زۆر گەورەیان هەیە لۆ هاندانى جەماوەرەکانیان لۆ گیان فیدایى لەپێناو وەتەندا!.. تەبعەن ئەوەش هەمووى فشەخانە بوو، چونکى بەراى من ئەو جوندییەى لەجەبهەکاندا شەڕ دەکا، لەبەر ئەوە نییە گێى لەنەشیدەکى وەتەنى بووە و حەماس گرتیتى و شەڕ دەکا، بەرکو ئەو قوڕ بەسەرە لە ترسى ژیانى خۆى تەقە لەبەرامبەرەکەى دەکا نەوەک لەبەر نەشیدى (الله أکبر فوق کيد المعتدي)!.
لە سارانى پێش ئینقلابە عەسکەرییەکانى عێراق، گۆرانى لەناو چایخانه و ئوتێلەکان دەگۆترا، وەکى (سەلیمە موڕاد و عەفیفە ئەسکەندەر و یوسف عومەر و محەمەد گوبانچى و ڕەشید قندرچى و حەسەن خێوکە حزێرى، ئەبوو عەزیز و داخل حەسەن.) لە ئیزاعەش هەر ئەوانە بوون و لەکوردانیش (عەلى مەردانعەلى مەردان و سێوهسێوه و تایەر تۆفیقتایەر تۆفیق و ڕەسوڵ گەردىڕەسوڵ گەردى و عیسا بەروارىعیسا بەروارى و حەسەن جەزراوىحەسەن جەزراوى و محەمەد عارفمحەمەد عارف و تەحسین تەهاتەحسین تەها و فوئاد ئەحمەدفوئاد ئەحمەد و هتد ..)
کە بەعس هاتە سەر حوکم لەسارى 1968 ئەو مۆدیلەى ئەناشیدى وەتەنى لەعێراقیش پەیدا بوو. لەو سەردەمەدا یەکەم کەس کە نەشیدى وەتەنى گۆت داود قەیسى بوو کە بە گۆرانى (هلهولة للبعث الصامد) و (أمة أمة عربیة، وحدة وحدة .. حریة) بەوەش دەرکەى لەسەر ئەو نەشیدانە کردەوە.. لەسەردەمى حەربى عێراق و ئێرانیشدا هەزاران نەشیدى لەو بابەتە بەسەر و گێلاکى سەدامدا گۆترایەوە، بەشێوەیەک هەر گۆرانیبێژەک ئەگەر نەشیدەک یان دووانى نەبایە، دژایەتییان دەکرد و نەیاندەهێشت هیچ گۆرانییەکى عەڕز بکرێ!.
لە سارانى هەشتایەکانیش کە حەربەکە تووند بوو، دەیان نەشیدى تازە دەرچوون وەک: (العزیز انتە، بیت بیت زار الشعب، ماقصرتوا، تسلم تسلم یاریسنا ویاقائدنا، دایمین دایم وطننا بیکم، هی یا اهل العمارە، یاگاع ترابچ کافورى، انە امک گالت للگاع وانت ولیدی، هاولکم وین، صگر الحومە، هیه یاسعد یا جدنە، الله أکبر فوق النصر خطواتنا، احنا مشینا مشینا للحرب.)
و سەدان نەشیدى تر کە هەموویان فشقییات بوون و بایى یەک فلس تەئسیرى لەسەر جوندییەکانى ناو شەڕەکە نەدەکرد!.. بەس بەینى خۆشمان بى، هەندەک لەو نەشیدانە ئاوازەکانیان زۆر خۆش بوون، ئەگەر چى ناوەرۆکەکانیان پڕوپووچیش بوون.
وەکى پێشتر گۆتم هەر گۆرانیبێژەک گۆرانى یان نەشیدى لۆ قادسیە نەگۆتبایە دژایەتیان دەکرد و نانیان دەبڕى، حەتا سەعدى ئەلحلى قوڕ بەسەریشیان ئیجبار کرد دوو سێ گۆرانى تەسجیل بکا، ئەویش وەکى ئەوەى قەشمەرى بە ئیشەکەى‌ بێ، لەجیاتى ئەوەى بچى جلکى عەقید ڕوکن لەبەر بکا، چوو جلکى ڕەئیس عوڕەفاى لەبەر کرد و گۆرانییەکانى تەسجیلکرد.
لەو سەردەمە گۆرانیبێژەکان بەتایبەتیش کوردەکانمان لەئیزاعەى بەغدا معاشیان هەبوو، لۆیە ئەوانیش مەجبوور بوون هەندەک گۆرانى لۆ سەدام و قادسیە شوومەکەى بڕێن، یەک لەوانیش مامۆستاى گەورە ڕەسوڵ گەردىڕەسوڵ گەردى بوو. ئەوجا لە هەمووى خۆشتر زۆر جار لەتەلەفزیۆنى دەماندیت مام ڕەسوڵ بەخۆى و جلکە کوردییەکەوە لە پشتى پشتەوە لەگەر تاقمى کۆرسى نەشیدەکان ڕاوەستایە، بەس ڕاوەستانەکەى وەکى سەنەمى بوو نە دەوى دەجولا نە دەستى، کەواتە بوون و نەبوونى وەکى یەکبوو!.
لەوانەیە هەر لەبەر ئەوەى مام ڕەسوڵ حەماسى سەربازە کوردەکانى شەحن نەدەکرد، لۆیە بەسەدان هەزار جو‌ندى کوردى ئەو سەردەمە لەعەسکەرى فیراریان دەکرد.[1]

باقى وەلسەلام...
تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!