مەسنەد هەیە ئەمما بە هونەر عەقڵە مەقامات
شێخی هەیە لاکن بە عیباداتە کەرامات
دڵپاکی لەگەڵ هەم وەتەنت لازمە کوردە
حوببی وەتەنت ڕوکنە، لە ئەرکانی عیبادات
بۆ سوودی وەتەن خزمەتی خەڵقی وەتەنت کە
حب الوطنی تۆشەیە بۆ ڕۆژی موجازات
ئەم ئەمرە لەسەر کوللی کەسێ لازمە ئەمما
هێندێ بە بەدەن، هێندێ بە پووڵ، هێندێ خەیاڵات
بۆ ئیشی وەتەن دەوڵەتی خۆت سەرفی وەتەن کە
کەی نەقسی ئەبێ عیلمی مەلا قەت بە سوئالات؟
زەحمەت نییە لای ئەهلی ئەدەب زەحمەتی میللەت
کەی تاڵە لەبۆ دەفعی ئەلەم حوببی دەواجات
ئوستادی غەزەڵ حەیفە ئەگەر غەیری ئەدیبی
دەفتەر بگرێ، جەم ببەستێ شێعر و غەزەڵیات
قانع کە تۆ بۆ داکی وەتەن خزمەتێ ناکەی
ڕاستۆ بە بڕۆ مزگەوت و دەس کە بە موناجات
پەرتووک: #گوڵاڵەی مەریوان#
هۆزانەوان: #قانع# [1]