ئەئسیروو ئەرېنی و نەرېنی کەسی ساحیبکاریزما سەرو شۆڕش یان حەرەکەو ئازادیوازی گەلیەوە
1- کاریگەریە ئەرېنیەکا
* ئیلهام و کۆکەردی:
سەرکردیەوە کاریزماتیک مەتاوۊ ئێلهامبەخش و هاندەر بۊ پەی بەشداریکەرڎێ و یۊگېرتێ بەرفراوانوو خەڵکی پێ هەر حەرەکەتیەوە شۆڕشگېڕانێ. کاریگەری فرەش هەن پێ درۆسکەرڎێ فرەلایانە و جەماوەریانە کە زەروورەن پێ ئەرەفاڕیێ و سەرکۆتێ شۆڕشی.
* وەرچەمڕۊشنی و ئاراستەی ڕۊشن:
فرەجارێ سەرکردە کاریزماکا دیدیەوە قەناعەتکەر وزا ڕوە پەی ئاییندێ، مەرامیە ڕۊشن و هەستکەرڎێ بە مەرامی دابین کەرا. ئینەیچ یارمەتیدەرا پێ ئانێیە حەرەکەتەکە بە ئیتمینان و یۊگېرتێ مانۆوە، ململانە دلېیەکا کەمێ باوە، دڵنیایی بۊ چانێ کە هۆڵەکا پێلوای مەرامە هامبەشەکا ئاراستە مەکریا.
* پەیوەندی و دیپلۆماسی:
سەرکردە کاریزماکا مەتاوا بە شێویەوە کاریگەر پەیوەندی و هامپەیمانی درۆس کەرا، هەم جە دل وېشانەنە و هەمیچ جە ئاستۊ دۆڵەتەکانە. توانایی پەیوەندیکەرڎې و ڕازیکەرڎېشا مەتاوۊ پشتبەسێ و سەرچەمۍ چارەنووسساز پێ لاو وېش کېشۆ، پی جۊرە ئەروو سەرکۆتیی فرە بۊوە.
2- کاریگەریە نەرینیەکا
* وێپەرسې و وێپیرۊز کەرڎې، بە ئیدێئاڵکەرڎې و قارەمان و بی هەڵە (Cult of Personality):
سەرکردەی کاریزماتیک مەتاوۊ بۊ هۆکاروو پیرۊزکەرې ئا کەسە کاریزماتیکێ و حەرەکەتەکێ جە ڕادەبەدەر وابەستە کریۆ پا کەسېوە و هەر پاسە بۊ هۆکاری مەیلی وێسەپنێ، تێکدێ و جە بەیبەرڎې پرۆسەو دیموکرسی، ئاریچ جە بەینبەرڎې حەرەکەتە ئازادیوازەکێ.
* لەتلەت کەرڎې و شەڕ و ئاژاوە دلېوە:
سەرکردە کاریزماکا بەعزیە جارێ مەتاوا جەنگ و ئاژاوە و دووبەرەکی درۆس کەرا ئەر تەماحێ کەسی یان ئایدۆلۆژیەکاشا چەنی سەرکردە یا فراکسۆناکاوتەری دلې حەرەکەتەکێ ناکۆک بۊ یان پێوە یۆنەگېرا. ئینەیچ مەتاوۊ بۊ هۆکاروو شەڕی و پارچەپارچە بییێ دلېوە و هەر پاسە کاریگەری عموومی شۆڕشگېڕەکا زەعیف کەرۊ.
*** بە کۊرتی و خۆلاسە، جە کاتیەنە سەرکەردیەوە کاریزماتیک مەتاوۊ ئیلهام، یۆبېیێ و پەیوەندی کاریگەر بارۆ دلې شۆڕش یان حەرەکەتیەوە ڕزگاریواز، جە هەمانکاتەنە مەتاوۊ ترسەکاو پەیوەست بە پیرۊزکەردی کەسایەتی و پارچەکەرڎې چەمەروان نەکەرڎە ناراسەکانیچ درۆس کەرۊ. کاریگەری کاریزمای سەرو حەرەکەتیەوە بە شێویەوە وەرچەمکەوت پەیوەستەن بە توانائی ئا سەرکەرڎېیە پێ باڵانس یان هامسەنگکەرڎې کاریگەریەکاو وېش چەنی مەرامە بەرفراوانەکا و پرینسیپە دیموکراسیەکاو بزووتنەوەکێ.
ئاسۆ ئامێدیان.[1]