بە مەبەستی ئامادەکاری بۆ قۆناغی کۆتایی خولی بێچووە شێرانی سەر بە فێرگەکانی هەرێمی کوردستان قۆناغی هەشت تیمی، بێچووە شێرانی فێرگەی #یانەی وەرزشی پێشمەرگەی سلێمانی# بە شێوەیەکی چڕ ئامادەکارییەکانی دەستپێکرد و لەو چوارچێوەیەشدا و پاش نیوەڕۆی ڕۆژی سێشەممە #06-02-2024# و لەسەر یاریگەی خۆیاندا لە ناوچەی فەرماندەیی، میوانداریان لە بێچووە شێرانی فێرگەی یانەی ڕانییە کرد کە بە هەمان مەبەست ئامادەکاری بۆ ئەو خولە دەکەن.
ئەمە و لەو یارییە دۆستانەیەدا و دوای پیشان دانی ئاستێکی بەرز، بێچووە شێرە پێشمەرگە سەوز پۆشەکان توانیان بە ئەنجامی گۆڵێکی یەکلایەنە بردنەوە بەدەست بهێنن.
ئامادەکاری تیمی بێچووە شێرانی تۆپی پێی یانەی پێشمەرگە بەردەوام دەبێت و بڕیارە لەو ئامادەکاریە فەرمیانەی دا چەند یاریەکی دۆستانە ئەنجام بدات.
جێگەی ئاماژە بۆ کردنە لە قۆناغی کۆتایی خولی بێچووە شێرانی فێرگەکانی هەرێمی کوردستان و لە کۆمەڵەی یەکەم تیمەکانی (ئاشتی، باوەنور، هەولێر و ڕانییە) بەشدارن و هەرچی لە کۆمەڵەی دووەمدایە تیمەکانی (بروسک، شێروانە، پێشمەرگە و پەیام) بە یەک دەگەن و یارییەکانیش لە ڕێکەوتی #01-03-2024# لە شاری #سلێمانی# دەست پێدەکەن.[1]