پاش ئەوەی بەشداریان لە پاڵەوانێتی کاراتێی یانە پاڵەوانەکانی وڵاتانی عەرەب لە شاری شاریقەی وڵاتی ئیمارات کردوو توانیان 4 میدالیا لەسەر ئاستی تیم و تاک لە یارییەکانی کاتا و کۆمێتە بەدەست بهێنن قەڵغانی پلەی سێیەمی تیمی کاتاش بەرز بکەنەوە، نیوەڕۆی ڕۆژی یەکشەممە #11-02-2024# و لە ڕێگەی فڕۆکەخانەی نێودەوڵەتی سلێمانییەوە شاندی کاراتێی یانەکە بە سەرۆکایەتی م.#شێرزاد محەمەد حەسەن#ی سکرتێری یانە گەڕانەوە شاری #سلێمانی#.
ئەمە و لەنێو فڕۆکەخانە و لەلایەن بەڕێز #کۆڵنەدەر کەریم ڕەحیم# سەرۆکی یەکێتی ناوەندی کاراتێی کوردستان و (هاوکار محەمەد و توانا سەعید) بە چەپکە گوڵ پێشوازی لە شاندەکەی یانەی پێشمەرگە کراو هەروەک لە وتەیەکدا سەرۆکی یەکێتی کاراتێی کوردستان پیرۆزبایی لە کچانی یانەی پێشمەرگە کرد بۆ ئەو دەست کەوت و سەرکەوتنەیان و ستایشی ڕۆڵی ڕاهێنەران و کارگێڕی یانەکەشیانی کرد کە پاڵپشت و هاوکاربوون بۆ ئەو دەست کەوت و ئەنجامانە.
لای خۆشییەوە م. شێرزاد محەمەد سەرۆک شاندی کاراتێی یانەی پیشمەرگە سوپاسی سەرۆکی یەکێتی کاراتێی کوردستان و هەردوو بەڕێزان هاوکار محەمەد و توانا سەعیدی کرد بۆ ئەو پێشوازیەیان و دووپاتی کردەوە کە یانەی پێشمەرگە گرنگی بە سەرجەم یارییەکان دەدات و تیمی کاراتێی یانەکەشیانی بە تیمێکی نموونەیی و پڕ دەست کەوت وەسف کرد.
جێگەی باسە پاڵەوانێتی کاراتێی یانەکانی وڵاتانی عەرەبی لە ڕۆژانی 08-02 تا #10-02-2024# و لە وڵاتی ئیمارات بەڕێوەچوو، تێیدا و تیمی کاراتێی یانەی پێشمەرگە بە نوێنەرایەتی وڵاتی ئێراق بەشداریان لە ڕکابەرییە بەهێزانەدا کرد.[1]