یارییەکانی جەولەی دەیەم لە قۆناغی یەکەمی خولی نایابی تۆپی پێی یانەکانی ئێراق بەڕێوەچوون و لە کۆمەڵەی یەکەم، تیمی تۆپی پێی #یانەی وەرزشی پێشمەرگەی سلێمانی# لەسەر یاریگاکەی لە ناوچەی فەرماندەیی شاری #سلێمانی# میوانداری لە یانەی سامەرا کرد.
لەو یارییەدا و لە سەرەتاوە یاریزانانی پێشمەرگە بە ئاستێکی بەرز بینران و لە هەردوو گێمی یارییەکەدا کۆنتڕۆڵی تۆپی یاریەکەیان گرتە دەست.
لە گێمی یەکەمدا و دوایی فیکەی ناوبژیوان بۆ دەستپێکی یاری کوڕانی پێشمەرگە بە ئاستێکی بەرز و ڕۆحێکی گەرمەوە چوونە نێو کەشی یاری و لە خولەکی 20ی ئەو گێمە #چێنەر جەلال# یاریزانی یانەی پێشمەرگە توانی گۆڵی یەکەم و پێشکەوتن تۆمار بکات.
ئەمە و لە هەمان گێم و لە درێژەی هێرشە یەک لە دوایی یەکەکانی یاریزانانی پێشمەرگە و لە خولەکی کۆتایی ئەو گێمە (شەعبان مەحمود) گۆڵی دووەمی تۆمار کردوو گێمی یەکەم بەو ئەنجامە و بە دوو گۆڵی بێ وەڵام لە بەرژەوەندی پێشمەرگەکان کۆتایی هات.
گێمی دووەم لەگەڵ چەند گۆڕانکارییەک لە هەردوو تیم لەلایەن ڕاهێنەران بەڵام یاری لەو گێمە بە خاوێنی کۆتایی هات و سەرئەنجامیش پێشمەرگەی سەوز پۆش توانی 3 خاڵی گرنگی جەولەی دەیەم بەدەست بهێنێت. [1]