جاشکە مەڕییە
لەناو ڕان و مێگەلی شوانکارەکانی کوردەواری جاشوڵکەیەک هەبوو، کە هێشتا پشتی بۆ بارکردن نەکردبوو، بەڵام وەکوو دەستباری شوانەکە، تێڕکەیەکی بچووکیان دەخستە سەر پشتی لە هەردوولای تێڕکەکە تورەگەی توێشووی شوان و مەتارەی ئاوی خواردنەوە، جارجارە بەرخ و کارە ساوایان پێ هەڵدەگرت، ئەگەر جاشکەکە مێیەش بووایە لەلایەن شوانەکەوە لاقەدەکرا و دەگایرا، ئەوە بووە بە ئیدیۆم و بە کچی گچکەی خۆدەرخەر و حەز لە مێرد و بەناز و نووز و بەفک و فیک کە هێشتا بەتەواوەتی نەبوو بێتە کچە عازەب، کوڕە قەیرەکان بەتەوس و حەسرەت و چێژ لێ وەرگرتنەوە دەیانگوت: جاشکە مەڕییە.[1]