ئاو دەزانی ئاوەدانی لە کێیە؟
لە کوردەوارییدا وتەیەکی باو هەیە دەڵێت: ئاو و ئاوەدانی، بۆیە زۆربەی لادێ و گوندەکانی کوردستان لەسەر کانی و کانیاوەکاندا یان کارێز و ڕووبار و ڕووبارۆچکە و سەر چۆم و چەمە‌کاندا بوونیاتنراون و دامەزرێنراون، هەندێک لە ئاوەدانییەکانیش بەناوی کانیلە و کانییەکەوەن وەکوو: کانی سپیلکە، #کانی ڕەش#، کانی زەرد، ڕەشە کانی، کانی شۆک، کانی بی، کانی توو، کانی کەوان، کانی سوێسکە، کانی ئاسکان و ...تاد، ئەو ئیدیۆمەی سەرەوە بۆ ئەوە هاتووە کە هیچ ئاوێک نییە کە ئاوەدانی و گوند و ئاوایی و لادێ و شارەدێیەکی لەسەر درووست نەکرا بێت بۆیە وتراوە: ئاو دەزانی ئاوەدانی لە کێیە؟. [1]