نان بە نێوچاوانە نەک بە سمێڵ
ڕسق و ڕۆژووی مرۆڤ ئەوەندەی پەیوەندی بە هەوڵ و تێکۆشان و کاسبییەوە هەیە ئەوەندەش پەیوەندی بە بەخت و نێوچەوانەوەیه، هەندێکجار کەسێک زۆر هەوڵ دەدات و خۆی پێ کەسێکی تەواو و شایستەیە، خاوەنی سمێڵێکی بابڕ و دەست وقام و بازووە، بەڵام هیچی ئەوتۆی دەست ناکەوێت، بەپێچەوانەشەوە خەڵکانێک لاواز و بێ تەنگ وتووش و بێ هێزن کەچی ڕسق و ڕۆژووی باشیان دەست دەکەوێت، بۆیە ئەوە کراوە بە ئیدیۆم و دەوترێت: نان بە نێوچاوانە نەک بەسمێڵ.[1]