بە مەبەستی ئامادەکاری بۆ یارییەکانی قۆناغی کۆتایی خولەکانی پێشکەوتووان و لاوانی یانەکانی ئێراق و لەسەر یاریگەی فەرماندەیی تایبەت بە یانەی پێشمەرگە و ئێوارەی ڕۆژی پێنجشەممە #06-06-2024# بە یارییەکی دۆستانەی ئامادەکاری هەردوو تیمی پێشکەوتوان و لاوانی یانەی پێشمەرگە بەیەک گەیشتن.
یارییەکە بە ئامادەبوونی هەریەک لە بەڕێزان حاکم #مەحمود ئەحمەد موڕاد# جێگری سەرۆکی یانەی پێشمەرگە و #وسام محەمەد بازگ# سەرپەرشتیاری گشتی تیمەکانی تۆپی پێی یانەی پێشمەرگە بەڕێوەچوو تێیدا و هەردوو تیم لەژێر ڕێنوێنیەکانی ڕاهێنەرانیان پلانی یاریان بۆ قۆناغی کۆتایی خولەکانیان جێبەجێ کرد.
سەبارەت بەو ئامادەکاریانەیان و ئەنجام دانی ئەو یاریە دۆستانەیان وسام محەمەد بازگ سەرپەرشتیاری تیمەکانی تۆپی پێی یانەی پێشمەرگە وتی، دوای ئەوەی هەردوو تیمی پێشکەوتوان و لاوانمان توانیان لە قۆناغی یەکەم و دووەمی یارییەکانی خولی ئێراق ئاستێکی بەرز پیشان بدەن و سەرکەوتنیان بۆ قۆناغی چوارگۆشەی زێڕین مسۆگەر کرد لە ئێستادا 2024 تیمەکانمان بە شێوەیەکی چڕ لە ئامادەکاریدان و دەمانەوێت بە ئاستێکی بەرز لە قۆناغی کۆتایی دا ببینرێین.
وسام ئاماژەی بەوەشکرد کە تیمەکانیان ئامادەن و هیوادارن لە قۆناغی چوارگۆشەی زێڕینی خولەکانی پێشکەوتوان و لاواندا ئەنجامی کاریگەر و بەرچاو بەدەست بهێنن و لەم وەرزەدا بە خولی پیشەگەران شادبنەوە. [1]