ناو: حسێن
ناوی باوک: ساڵح خزر مەلاشێخ
ساڵی لەدایکبوون: 1938
ڕۆژی شەهیدبوون: 11-03-199111-03-1991
شوێنی لەدایکبوون: گوندی میربارییانی شارەدێی بجیلبجیلی سەربە شارۆچکەی ئاکرێئاکرێ
شوێنی شەهیدبوون: هەولێرهەولێر
ژیاننامە
حسێن ساڵح لە ساڵی 1938 لە گوندی میربارییانی شارەدێی بجیلی سەربە شارۆچکەی ئاکرێ لە دایکبووە، گوندنشین بووە و سەرقاڵی کاری جوتیاری بووە، ئاستی خوێندەواری سەرەتایی بووە، لە دوای نسکۆی شۆڕشی ئەیلوول ئاواری وڵاتی ئێران بووە و لە نشینگەی بابک نیشتەجێ کراوە و لە ساڵی 1976 گەڕاوەتەوە کوردستان. شەهید حسێن ساڵح خێزاندار بووە و خێزانی ناوی فاتمە ناسڕە و خاوەنی پێنج کوڕ و یەک کچ بووە بە ناوەکانی مستەفا، محەمەد، کەمال، جەمال، عەبدولقادر و هەنا.

خەباتنامە
شەهید حسێن ساڵح لە ساڵی 1965 بووەتە پێشمەرگە لە هێزی حەمرینحەمرینی پارتی دیموکراتی کوردستانپارتی دیموکراتی کوردستان، کە لەو کاتەدا عەبدولڕەحیم جەسیم فەرماندەی هێزەکە بووە، لە شۆڕشی ئەیلوول بەشداری لە شەڕی ئاکرێ، شەڕی سەردەریان و شەڕی پیرس کردووە، لە دوای نسکۆی شۆڕشی ئەیلوول ئاوارەی وڵاتی ئێران بووە و لە ساڵی 1976 گەڕاوەتەوە کوردستان و لەلایەن ڕژێمی ئەو کاتی ئێراق دوورخراوەتەوە بۆ خوارووی ئێراق و لە پارێزگای دیوانییە نیشتەجێ کراوە و لە ساڵی 1979 گەڕاوەتەوە پارێزگای هەولێر.
لە ساڵی 1980 لە شاری هەولێر بووەتە کادری ڕێکخراوی شەهیدانی قەندیلقەندیل کە سەربە لقی دووی پارتی دیموکراتی کوردستان بووە و خالید ڕەسوڵ بەرپرسی ڕێکخراو بووە، لە هەمانکاتدا بووەتە پێشمەرگەی باڵی سەربازی لقی دوو بۆ چالاکی ناو شاری هەولێر و سەرکەوتووانە لە کۆمەڵێک چالاکی تایبەت و گرنگ لەناو شاری هەولێر بەشداری کردووە.
لە ساڵی 1991 لە ڕاپەڕینە جەماوەریەکەی خەڵکی کوردستان چەکی هەڵگرتووە و بەشداری ئازادکردنی شارۆچکەی شەقڵاوەشەقڵاوە و شارۆچکەی پیرمامپیرمام و پارێزگای هەولێری کردووە.
لە ڕێکەوتی 11-03-1991 لە ئازادکردنی شاری هەولێر، لە گرتنەوەی قاتعی جەیش شەعبی هەولێر فیشەک بەر سەری حسێن ساڵح کەوتووە و شەهید بووە.[1]