ناو: محەمەد
نازناو: مەلا سەعید
ناوی باوک: سەعید
ساڵی لەدایکبوون: 1957
شوێنی لەدایکبوون: #دێرێ#
$ژیاننامە$
محەمەد سەعید عەزیز ناسراوە بە (مامۆستا مەلا سەعید) ساڵی 1957 لەدایکبووە لە گوندی دێرێ.
مامۆستا لەلای باوکی ڕەحمەتی ئەخوێنێت و قورئانی پیرۆز خەتم دەکات ساڵی 1965.
لە فەقێیەتییەوە دەست پێ دەکات لە گوندی ڕەشەکانی، لە گوندەکانی #شارباژێڕ# لە گوندی (ڕەشەکانی، گۆڕەدێم و شارۆچکەی #ماوەت#)
پاشانیش دێتە #سلێمانی# بۆ #مزگەوتی مەڵکەندی#، دواتر دەچێتە مزگەوتی خوم خانە.
ساڵی 1970 دەچێتە شارەدێی بەرزنجە بۆ خوێندن پاشان دەگەڕێتەوە بۆ ماوەت دواتر دەچێت بۆ #گەڵاڵە#ی #شینکایەتی# و #سەفرە# دواتر بۆ تاقی کردنەوە دەچێتە #بیارە# دەرەچێت دوای ئەوە دێتەوە بۆ ماوەت لە ساڵی 1976 ئیجازەی مەلایەتی وەردەگرێت لە خانەقای مەولانا خالید لەسەر دەستی مامۆستا مەلا عەبدوڵڵا چروستانی.
هەموو عیلمەکانی (نەحو، سەرف، بەلاغە، تەفسیر، حدیس، اسول حدیس، شرع، عیلمى فەلەک، عیلمی عەقائید)ی خوێندووە.
دەچێتە سەربازی تاوەکوو ساڵی 1984 لای مامۆستای هێڵیب لە #مزگەوتی گەورە# دەست دەکاتەوە بە خوێندن.
ساڵی 1985 بەرەسمی دادەمەزرێت و دەبێتە ئیمامی #مزگەوتی عەلی کەمال#، ساڵی 2000 پەیمانگای پێگەیاندنی وتاربێژی تەواو دەکات و دبلۆم دێنێت.
مامۆستا بێ گوێ دانە تەمەن و زەمەن بەردەوام دەبێت لە خوێندن لە ساڵی 2004 بەکالۆریۆس دێنێت لە زانکۆی #بەغدا# لە هەمان ساڵدا بەرەسمی دەبێتە خەتیبی مزگەوتی عەلی کەمال لەگەڵ جەنابی مامۆستا (محەمەد نەسروڵڵا) پێکەوە مزگەوتەکە بەڕێوە دەبەن.
مامۆستا مەلا سەعید چەندین پلەی بڕیوە لەناو زانایاندا کۆتا پلەی ئێستایەتی (لێپرسراوی ناوچەی دووی #یەکێتی زانایانی ئایینی ئیسلامی کوردستان#). [1]