تیمی شەتڕەنجی یانەی وەرزشی پێشمەرگەی سلێمانییانەی وەرزشی پێشمەرگەی سلێمانی خاوەن قەڵغان و میدالیا ئاڵتونییەکانی، پاڵەوانێتی شەتڕەنجی یانە پاڵەوانەکانی عەرەبی گەیشتنەوە خاکی نیشتمان.
ئێوارەی ڕۆژی پێنجشەممە ڕێکەوتی 10-10-202410-10-2024 و لە ڕێگەی فڕۆکەخانەی نێودەوڵەتی بەغداوە شاندی تیمی شەتڕەنجی یانەی وەرزشی پێشمەرگە بە سەرۆکایەتی ئەسعەد ئیسماعیلئەسعەد ئیسماعیل سەرپەرشتیاری گشتی تیمەکه و بە یاوەری یاریزانان (ئاکار عەلیئاکار عەلی، زۆزگ سەڵاحزۆزگ سەڵاح، ئاریان عەلیئاریان عەلی، ئەحمەد جەزا و موعەزەز زەهرا) گەیشتنەوە خاکی نیشتمان و دوای گەیشتنی شاندی یانەی پێشمەرگە لەلایەن هەریەک لە (زیاد حەسەن) جێگری سێیەمی سەرۆکی لیژنەی ئۆڵۆمپی ئێراق، (زافر عەبدول ئەمیر) سەرۆکی یەکێتی ناوەندی شەتڕەنجی ئێراق و (عەبدول هادی مەفتولی) جێگری و (حسێن نازمی) ئەندامیان و تەواوی ئەندامانی لقی بەغدای یەکێتی شەتڕەنجی ئێراق و جەماوەرێکی بەرچاوی یارییەکە پێشوازی کرا.
ئەمه و دوای پیرۆزبای لە تیمی شەتڕەنجی یانەی پێشمەرگە کە نوێنەرایەتی ئێراق یان لەو پاڵەوانێتییە دەکرد چەپکە گوڵیان پێشکەش کرا و هیوای سەرکەوتن و بەردەوامیان لە ئەنجامە کاریگەرەکان بۆ خواستن.
جێگەی وەبیرهێنانەوەیە تیمی شەتڕەنجی یانەی وەرزشی پێشمەرگە لە ڕێکەوتی 03-10-202403-10-2024 تا 09-10-202409-10-2024 و لە شاری سەلالەی شانشینی عەمان بەشداریان لە پاڵەوانێتی شەتڕەنجی یانە پاڵەوانەکانی عەرەبی کرد کە 10 یانە تێیدا بەشدار بوون و توانیان بە بێ‌ شکست و بە حەوت سەرکەوتنی یەک لە دوای یەک نازناوی ئەو پاڵەوانێتییە بۆ یەکەم جار لە مێژووی وەرزشی ئێراق بەدەست بهێنن.
ئەنجامەکانی تیمی شەتڕەنجی یانەی پێشمەرگە لەو پاڵەوانێتییەدا بەم شێوەیە بوون.

پێشمەرگە × مەسیرەی سەڵتەنە عەمان- 3,5 خاڵ بەرانبەر 0/5 خاڵ
پێشمەرگە × سوهامی یەمەنی- 4 خاڵ بەرانبەر 0 خاڵ
پێشمەرگە × شاریقەی ئیمارات- 2,5 خاڵ بەرانبەر 1,5 خاڵ
پێشمەرگە × بردی سووری- 3 خاڵ بەرانبەر 1 خاڵ
پێشمەرگە × ئەبوو زەبی ئیمارات- 3 خاڵ بەرانبەر 1 خاڵ
پێشمەرگە × سەلالەی سەڵتەنە عەمان- 3 خاڵ بەرانبەر 0 خاڵ
پێشمەرگە × جەمعییەی فەڵەستین بۆ شەتڕەنج- 3 خاڵ بەرانبەر 1 خاڵ
[1]