کورد سەپانی بابی کەس نییه
سەپان: کەسێکە کە دروێنە و گێرە و جیاکردنەوەی دان و کای دەکات بە بەش بۆ ئاغا و خاوەن بەرهەم، هەندێک جار لە دە تەنەکە گەنم یەک تەنەکە گەنمی پێدراوە، بەوە وتراوە: دە یەک و بەو شێوەیە پێنج یەک و شەش یەک و...تاد، ئەو کەسانەش لە کوردەوارییدا کە ئەو کارەیان کردووە بەسەپان و جارجارەش بە وەرزێر و جۆوان و ڕەنجبەر ناوەزەد کراون، ئەوانە هەمیشە هەژار و چەوساوە و زەحمەت کێشن، لە شۆڕشەکانی کورددا ئەوە بووە بە ئیدیۆم و وەکوو گوزارشتکردن لەوەی کە میللەتی کورد خاوەنی زەوی و زاری خۆیەتی و سەپان و ڕەنجبەری هیچ کەس و داگیرکەرێک نییە، بۆیە وتراوە: کورد سەپانی بابی کەس نییه. [1]