ناونیشانی بابەت: کنە و پشکنین بۆ قەڵا مێژووییەکەی نەنە دەستی پێکرد
ئامادەکردنی: ڕۆیا سەردارڕۆیا سەردار
عەلی بینەندە، توێژەر لە دامەزراوەی توێژینەوەی میراتی فەرهەنگی و گەشتیاری، باس لەوە دەکات، سەرەڕای گرنگیی بەرچاوی حەوزی دەریاچەی زرێبارزرێبار، بەداخەوە تا ئەمڕۆ لە ناوچەی مەریوانمەریوان چالاکیی لێکۆڵینەوەی شوێنەواریی سنووردار ئەنجام دراوە.
ئاماژەی بەوەش کرد، ئەو چەند توێژینەوەیەی ئەنجامدراون، ڕەنگە لەسەر بنەمای کەیس یان لەبەر پێویستی ئەنجام درابن.
بینەندە روونی دەکاتەوە، گردی قەڵای نەنە (نەنە-نێنێنەنە-نێنێ) دەکەوێتە ناو گوندێک بەهەمان ناوەوە، کە لەناوخۆدا پێی دەگوترێت قەڵا و بەدووریی 15 کیلۆمەتر لە باشووری شاری مەریوان هەڵکەوتووە.
بە گوتەی سەرۆکی کۆمیسیۆنی شوێنەواری مەریوان، ئەم گرده یەکێکه له گەورەترین شوێنەوارەکانی پارێزگای ڕۆژئاوای کوردستان و نیشانەکانی نیشتەجێبوونی بەردەوام له سەردەمی پێش مێژووەوه تا سەردەمی مۆدێرنی هەیه.
گرنگترین ئامانجەکانی ئەم بەرنامەی لێکۆڵینەوەیە بریتی بوو لە دیاریکردنی ڕیزبەندی چینایەتی و کرۆنۆلۆژیای شوێنەکە، لەئەنجامدا، تێگەیشتن لە کولتوورەکانی ناوچەی مەریوان، لێکۆڵینەوە لە ڕادەی کاریگەری و ئەگەری کاریگەریی کولتوورەکانی ناوچە دراوسێکان و لێکۆڵینەوە لە ڕێگاکانی پەیوەندیکردن لەگەڵ ناوچەکانی دراوسێ لەڕابردوودا.
هەڵدانەوەی گردی قەڵای نەنە لە شاری مەریوان، بە مۆڵەتی بەرپرسی دامەزراوەی میراتی فەرهەنگی و توێژینەوەی گەشتیاری بەردەوامە.
مەریوان شارێکە دەکەوێتە رۆژئاوای کوردستانەوە، بەدووریی 463 کم لە ڕۆژئاوای تاران و 78 کم لە باکووری ڕۆژئاوای سنە، لە ڕێگای سنە و سەروئابادسەروئاباد بۆ سەققز و بانە، 15 کم لە سنووری ئێران و عێراقەوە دوورە. [1]

تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!