ئاشوورییەکۍ _ کڵاوۍ ئاشووری
ساڵەو (2358) وەڵۍ زاینی، ئاشوورنامێ جە وەچەو ئاشووری کوڕو سامی کوڕو حەزرەتو نووحی جە نزیکو شارو موسڵی و قەراخو ڕۊخانەو دیجلەینە شارێش بنیاڎ نیان کە هەر بەنامۍ وېشۆ نریان. دماتەر (نینە کوڕو بلوز)ی، یاگۍ شارەکێش فاڕاوەو شارو نەینەوای (موسڵ) بنیاڎ نییا.
ئاشوورییەکۍ چڼەها سەڎۍ دەسەڵاتشان بییەن، شارەسانی و شارنشینیشان وەشکەردەن، بەڵام چەنی ئانەیچە فرە زاڵمۍ و وېرانکەرۍ بیېنۍ.
ساڵەو (646) وەڵۍ زاینی ئاشوورییەکۍ پەلامارەو شارو شوش (سوسە) پایتەختو عیلامیەکاشا داو وېرانشان کەرد. پاشاو ئاشووری (ئاشوور پانیپاڵ) جە تۊمارێ نویسیانە ماچۊ: ( شارەکەما بە نۊعێ وېران کەردەن بېجگە مار و مارەکۊڵی هیچ گیانەوەرێ چەنەش نمەژیۊون).
مادەکۍ، یووەم نەتەوە بېنۍ پەلامارەو ئاشورییەکاشا داو وېشا ڕزگار کەرد چەنەشان.
دەسەڵاتو ئاشوورییەکا فرەو یاگاش گرتەنەرە، هۆرامانیچ بېبەش نەبییەن جە زۊڵم و زۊرداری ئاشوورییەکا، (کڵاوۍ ئاشوری) نامۍ کەشێ بەرزینە کە مڎیۊ ملو بیارېرە، نموونەن پەی ئا هەقیقەتەیە.[1]
کوردیپێدیا بەرپرس نییە لە ناوەڕۆکی ئەم تۆمارە و خاوەنەکەی لێی بەرپرسیارە. کوردیپێدیا بە مەبەستی ئەرشیڤکردن تۆماری کردووە.
ئەم بابەتە بەزمانی (هەورامی) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە 685 جار بینراوە
ڕای خۆت دەربارەی ئەم بابەتە بنووسە!