ژېڵە چېشەنە؟
ژېڵەو ئاییری، ئاییری خامۊشکریا چېرو بووڵېنە.
کاتێ سۊبەو دارا وزیېنە، پانەی هەکە قۊتەرە دارۍ وزیېنۍ دلۍ سوبەکەی و گڕ دریۍ. ئاییرو دلۍ سۊبەکەی کڵپە کەرۍ و هورگڕۍ، ئیتر وەرە وەرە قۊتەرەدارەکۍ بېنۍ بە خەڵووز. دماتەر کابانەو یانەی بە مەقاش، سکەڵو دلۍ سۊبەکەی خزنېرە پەی دلۍ ئارگاو وەردەمو بەرەو سۊبەکەی، هەر بە مەقاشەکەی وەڵاشکەرېوە، قۊری و کتری چایەکەی نیۍ سەرشۆ تاکو دەمش کېشتێ. دماتەر بەشێ جە سکەڵەکەی بۍ بە بووڵە، بووڵەکۍ دېنۍ ملو سکەڵەکەیرە، واتا چېرش سکەڵ و سەرش بووڵە، پەنەش واچېنۍ؛ ژېڵە.
بڕێ جار هېڵۍ وزېنۍ دلۍ ژېڵەکۍ پەی ئانەی وڵماوۍ بان، پېسە واتەنشان: هېڵۍ پەی دلۍ ژېڵۍ.
ژېڵە بە کوردی سۆرانی پەنەش ماچان ژیلەمۆ، کە ڕەنگە هەر جە واچۍ ژېڵۍ وەرگیرییێبۊ، ژېڵە _ ژېڵەمۆ _ ژیلەمۆ. ئی واچۍ دلۍ فەرهەنگی سیاسینە یاگېش هەنە، پېسە ماچان؛ ژېڵەو کۊششی، یام ژیلەمۆی خەبات.[1]