ناو: هیدایەت
نازناو: مام هیدایەت
ناوی باوک: خدر
ساڵی لەدایکبوون: 1934
شوێنی لەدایکبوون: گوندى #ئیلنجاغى گەورە#
ساڵی کۆچی دوایی: 2005
$ژیاننامە$
نووسینی: #ئاراس ئیلنجاغی#
مام هیدایەت خاوەنى نیو سەدە خەبات
ناوى تەواوى (هیدایەت حاجى خدر سمایل مەلاک)ە، ناسراو بووە بە (مام هییدایەت)لە ساڵى 1934 لە گوندى #ئیلنجاغى گەورە# هاتۆتە ژیانەوە، لە تەمەنى 20 ساڵیدا ساڵى 1954دەچێتە ڕیزەکانى حزبى شیوعى ئێراقەوە.
لە ساڵى 1967دەبێتە لێپرسراوى شانەکانى ڕێکخستنى ئەو حزبە لە گوندەکانى باکوورى خۆراواى #تەقتەق#.
ساڵى 1973ماوەیەک بەهۆى بارودۆخى سیاسى هەرێم و ئێراق دەچێتە (#کفری#)، پاش ماوەیەک لەکارى ڕێکخراوەیى و پێشمەرگایەتى دەگەڕێتەوە سنوورى لقى #کۆیە#ى حزبى شیوعى ئێراق بەردەوام دەبێت تا ساڵى 1975 نسکۆى شۆڕشى ئەیلول، دواتر لە ساڵى 1979وەک ئەندامێکى کاراى حزب لەلقى کۆیە دەست بەکار دەبێتەوە، دەبێتە یەکێک لەپێشمەرگە و کادیرە سەرەتاییەکانى قۆناغى خەباتى چەکدارى حزبى شیوعى ئێراق لەنێوان ساڵانى (1978-1991)، لە شەڕى نەگریسى ناوخۆى نێوان حزبە کوردییەکانى سەر گۆڕپانى کوردستان ساڵى 1983 بۆ ماوەى (20) ڕۆژ زیندانکراوە لەلایەن #یەکێتى نیشتمانى کوردستان#ەوە.
لە #05-06-1985#یش بەسەختى بریندار بووە لە شەڕى خۆکوژى نێوان یەکێتى نیشتمانى کوردستان و حزبى شیوعى ئێراق، لەدواى ڕاپەڕینیش ئەندامى چالاکى مەکتەبى قەزاى کۆیەى حزبى شیوعى بووە، دواى (51)ساڵ خەبات و زیاتر لە نیو سەدە تێکۆشان لە ڕیزەکانى گەل و بەرەى میللەت لە ڕێکەوتی (20-05-2005) دڵەگەورەکەى لە لێدان دەکەوێت و لە گۆڕستانى ئیلنجاغى گەورە بەخاک سپێردراوە.[1]