ناو: نەسڕوڵڵا
نازناو: نەسڕوڵڵا ئیلنجاغی
ناوی باوک: عەلی
$ژیاننامە$
نەسروڵڵا ئیلنجاغى فەرماندەى دانەبڕاو
پێشمەرگەیەکى قارەمان، خۆنەویست، فەرماندەیەکى دڵسۆز و پاکى شۆڕشى نوێ ناوى تەواوى (نەسروڵڵا عەلى مەحمود سۆفى محەمەد دەروێش خدر)ە، ناسراوە بە (نەسروڵڵا ئیلنجاغى)، ساڵى 1955 لە بنەماڵەیەکى دەروێش و ئایینپەروەر و نیشتمانپەروەرى بن داسنییەکانى ئیلنجاغى گەورە هاتۆتە ژیانەوە، قۆناغى خوێندنى سەرەتایى لە قوتابخانەى #ئیلنجاغى گەورە# تەواو کردووە، لە تەمەنى (18) ساڵیدا لە شۆڕشى ئەیلول ساڵى (1973) بە نووسراوى (عەلى مەولود داربەسەرى) دەبێتە پێشمەرگە لە ڕیزەکانى (#پارتى دیموکراتى کوردستان#) لە ناوچەکانى (#چۆمان# و #ناوپردان#)، پاش ماوەیەک لەگەڵ (مستەفا مەولود)ى خوشکەزاى (عەلى مەولود داربەسەرى) دەگوازرێتەوە هێزى (کۆسرەت) کە شەهید (دکتۆر خالید) فەرماندەیى کردووە، لە سنوورى (هەرتەڵ و #بێتواتە#) بەشدارى چەندین چالاکى و نەبەردى کردووە لە چیاى (شیشار و ماکۆک و #خۆشناوەتى# و #کۆیە#) تانسکۆى 1975 بەردەوام دەبێت لە خەباتى پێشمەرگایەتى.
لەگەڵ هەڵگیرسانى شۆڕشى نوێى گەلەکەمان لە ساڵى (1976) لە ڕێگەى (شەهید عەلى ساڵح سێگردکانى)یەوە لە ڕیزەکانى (کۆمەڵەى مارکسى لینینى کوردستان) ڕێکدەخرێت، ساڵى (1981) پەیوەندى دەکات بەهێزى پێشمەرگەى کوردستان لە (قوەتى 8ى دەشتى هەولێر) چەکى پێشمەرگایەتى لە شان دەکات، ئەوێ ڕۆژێ هەرکەس ببوایە پێشمەرگە دەبوایە (تەزکییە)ى پشتگیرى ڕێکخستنى شارى هەبوایە، چەند جارێک شەهید (شاخەوان عەباس) پێى وتووە تۆ (تەزکییەت) نەهێناوە، ئەو کات (عەلى ساڵح) لە ناوچەکە نەبووە، ململانێى شەهید (عەلى ساڵح)یان دەکرد، شەهید عەلى ساڵح گەڕایەوە ناوچەکە وتى: (بابە نەسروڵڵا زۆر لە مێژە کۆمەڵە)یە، ئینجا ڕەزامەندى لەسەربوون بە پێشمەرگەى دراوە و ڕەوانەى سەرکردایەتى کراوە لە خولى (مالیمۆز) بەشدار بووە، دواى ئەم خولە گەڕاوەتەوە سنوورى (هێزى 8ى دەشتى هەولێر) بەڵام ئەو کاتە کراوە بە (تیپى 86ى دەشتى هەولێر) پێکهاتەى تیپەکە لەو ڕۆژەدا بەو شێوەیە بووە:
1-شەهید شاخەوان عەباس فەرماندەى تیپ و مەفرەزەى تیپ.
2-شەهید هاوڕێ کاوە مەخمورى فەرماندەى کەرتى (1).
3-شەهید ئەحمەد قەمبەرى فەرماندەى کەرتى (2).
4-شەهید وشیار عەبدولکەریم ڕابەرسیاسى تیپ.
لە سنوورى هەولێر و باڵەکایەتى و خۆشناوەتى و قەندیل دەستبەکاربووە و لە کۆتایى ساڵى 1981 کراوە بە فەرماندەى (مەفرەزە) لە هەمان تیپ، لە ساڵى (1982) فەرماندەى مەفرەزە و جێگر کەرت بووە، بەشدارى هێزى (پشتیوانى) کردووە لە ڕۆژهەڵاتى کوردستان لە کەرتى (3)ى تیپى 86ى دەشتى هەولێر لەو پشتیوانییەدا جێگر کەرت بووە، لە ساڵى (1983) دوو جار بریندار دەبێت لە شەڕى (بێتواتە و #بالیسان#) هەر لە ساڵى (1983) لە تیپى 86ى دەشتى هەولێر دەبێتە فەرماندەى کەرت، بەشدارى چالاکییەکانى سنوورى #هەولێر# و #کەرکووک# و جافەتى و #باڵەکایەتى# و #قەراج# و #کەندێناوە#)ى کردووە، بەهۆى برینەکانییەوە ساڵێک لە وڵاتى (ئێران) بۆ چارەسەرى نێردراوە.
ساڵى (1985) دواى داستانى (ئازیانە) و شەهیدبوونى شەهید باقى بارزانى دەکرێتە فەرماندەى کەرتى (2)ى شەهید ئەحمەد قەمبەرى لە تیپى 86ى دەشتى هەولێر، ساڵى (1987) وەک فەرماندەیەکى لێوەشاوە یەکێک بووە لە (#دوازدەسوارەى مێرجاڕ#) و بەهاوکارى شیوعییەکان گەورەترین سەروەرى لە مێژووى خەباتدا تۆمار دەکات لە لێدانى سوپاى داگیرکەر و جاشەکانیان لە ئیلنجاغى گەورە، ساڵى (1988) دەگوازرێتەوە تیپى 87ى قەرەچوغ بە پلەى فەرماندەى کەرت و لە شەڕى (کونە کۆتر)ى بنارى چیاى قەندیل لە (#31-08-1988#) بۆ جارى سێیەم بەخەستى بریندار دەبێت و بەو هۆیەوە (2) مانگ دەگوازرێتەوە نەخۆشخانەى #ورمێ# (ڕەزاییە) لە وڵاتى ئێران، دواى ئەم شەڕە بەماڵ و منداڵەوە دەچنە وڵاتى ئێران و لە شارى (#نەغەدە# و #خانە#) ماونەتەوە، ئەو کات (بۆکان و کوێستان)ى هەبووە، بەڵام (سۆما) لە پەنابەریى ساڵى (1990) هاتۆتە ژیانەوە، لە ڕاپەڕینى بەهارى (1991) بەشداریکردووە و دواى ڕاپەڕینیش لەم پۆست و پلانە کاری کردووە:
1-ساڵى (1991) فەرماندەى بەتالیۆنى (8)ى هێزى (10)ى #یەکێتیی نیشتمانیی کوردستان# بووە.
2-ساڵى (1992) دەبێتە فەرماندەى (فەوجى پاراستنى هەولێر).
3-لە ساڵى (1993) لە سوپاى یەکگرتووى کوردستان دەبێتە (یاریدەدەرى فەوج).
4-ساڵى (1994) دەکرێتە (جێگر لەشکر)ى (18)ى بەڕانەتى.
5-دواى کارەساتى (#31-08-1996#) دەکرێتە (جێگر)ى فەرماندەیى (2)ى هەولێر.
6-ساڵى (2000) لە خولى (ئەفسەرانى قەڵاچوالان) پلە بەرزکردنەوەى سەربازى بەشداریکردووە.
7-لە خولەکانى پلە بەرزکردنەوەى سەربازى بە مەرسومى ژمارە (185) لە (#28-12-2006#) پلەى (عەمید)ى پێدراوە.
8-لە ساڵى (2013) پلەى سەربازى بووە بە (لیوا) و جێگرى لیواى (108)ى هەولێرە.
9-دوو مەدالیاى زێڕینى پێ بەخشراوە: (مەداڵیاى زێڕینى پێشمەرگەى دانەبڕاو لەلایەن (#مام جەلال#) لە ساڵى 2007 و مەداڵیاى زێڕینى مەڵبەندى کەرکووک لە شەڕى دژى تیرۆرى چەکدارنى دەوڵەتى ئیسلامى (#داعش#) لە ساڵى 2016ز.
نووسینی: #ئاراس ئیلنجاغی#. [1]