ناو: نازم
نازناو: هاوڕێ فاخیر
ناوی باوک: جەبار
ڕێکەوتی لەدایکبوون: #01-07-1966#
شوێنی لەدایکبوون: #ئیلنجاغی گەورە#
$ژیاننامە$
هاوڕێ فاخیر پێشمەرگەى دێرین.
نووسین و ئامادەکردنی: #ئاراس ئیلنجاغی#
ناوى تەواوى (نازم جەبار تۆفیق جومعە وسو)ە، نەوەى ئەلیاسى بن داسنییە، ساڵى 1966 لە خێزانێکى زەحمەتکێش و نیشتمانپەروەرى ئیلنجاغى گەورە هاتۆتە ژیانەوە، تاوەکوو سێیەمى ناوەندى لە گوندەکەى خۆى خوێندووە، ساڵى (1980) تەمەنى تەنیا (14) ساڵ بووە پەیوەندى بەئۆرگانەکانى حزبى شیوعى ئێراقەوە کردووە، لە بەهارى ساڵی 1981 پەیوەندى بە هێزى پێشمەرگەى حزبى شیوعیەوە دەکات لە لقى دەشتى #هەولێر#، لە پەلى #کۆیە#، ئەو کات شەهید مەحمود مەرزانى فەرماندەى بووە، ساڵى 1982 لە (#مەلەکان#) بۆ ماوەى یەک هەفتە بەشدارى خولى سەربازى دەکات، لە زستانى 1982 بەشدارى یەکەم چالاکى پێشمەرگانە دەکات لە لێدانى ڕەبیەکانى (#مام قلینج#) بە سەرپەرشتى موحسین یاسین، هەروەها لەنێوان ساڵانى (1982-1983) بەشدارى چەندین نەبەردى کردووە وەک (چالاکى نێوان ڕێگاکانى هەولێر-کۆیە، دێگەلە-کۆیە، #تەقتەق#-کۆیە ، هەولێر-#پردێ# و ڕەبیەکانى بانى داربەڕوو)، بەداخەوە لە شەڕى براکوژى لە ساڵى 1983 لەنێوان گوندى (بەردەسپى و #نێرەگین#)ەوە لەلایەن هێزەکانى #یەکێتیی نیشتمانیی کوردستان#ەوە پەلەکەیان بەفەرماندەیى (شەهید مەحمود مەرزانى) دەکەوێتە کەمینەوە و خۆى و 7 هاوڕێى زامدار دەبن و فەرماندەى پەلەکەیان شەهید دەبێت، بەهۆى ئەوەى برینەکەى سەخت بووە ماوەیەک لە کارى پێشمەرگایەتى دابڕاوە بۆ چارەسەرکردن لە (#بالیسان# و دەواجنەکانى تەکەور-#تەکەوڵ# و ئیلنجاغى گەورە)، دواتر ساڵى 1984 دەگەیەنرێتە ناوچەى (#بارزان#)، قاچى ڕاستى بەهۆى برینەکەوە 5 سانتیمەتر شکایە و بەخوارى گیراوەتەوە.
درێژە دەدات بە کاروانى خەبات و لە ساڵى 1985 دەبێتە فەرماندەى مەفرەزەى مەڵبەندى پارێزگاى هەولێرى حزبى شیوعى ئێراق ئەوێ ڕۆژێ هاوڕێ (ئەبوو حیکمەت) لێپرسراو مەڵبەند و هاوڕێ (ملازم عادل عەرەب) سەرپەلى بووە، بۆ چارەسەرى لەو ساڵەدا گواستراوەتەوە ئێران لە نەخۆشخانەکانى #ورمێ# (ڕەزاییە) بەڵام هیچ چارەسەریەکى سەرکەوتووى بۆ ئەنجام نەدراوە، دواتر گەڕاوەتەوە ناوچەکانى (#لۆلان# و سپیندارە و #خواکورک#)ى سەرسێ سنوور و ناوچەى (کافێ)ى زێبارییەکان، لە هاوینى 1986 دەگەڕێتەوە دەشتى کۆیە و بەتاڵیۆنى (31ى ئازار)، لە ساڵى (1987) لە هەمان بەتالیۆن لەدواى شەڕ و داستانى ئیلنجاغى گەورە دەبێتە (سەرپەل)، لە داستانى 12 ڕۆژەى بەنەباوێ و سماقوڵى بەشدارییەکى کاراى کردووە، ساڵى 1988 لە بنارى هەورێ و بەرەکەى شەقڵاوە و سوورێ فەرماندەى پەل بووە، دواتر بۆ ماوەى (40) ڕۆژ لەناو ئەنفالە بەدناوەکان گەیشتۆتە وڵاتى تورکیا و لە زستانى 1989 گەیشتووە بە وڵاتى ئێران، لە کۆتایى بەهارى 1990 بەڕێگاى ( تورکمانستان)ەوە دەگاتە وڵاتى ڕووسیا، لە ڕێگەى فڕۆکەوە لە مانگى (10ى1990) لە مۆسکۆوە دەگاتە وڵاتى نەرویج، ساڵى 1992 نەشتەرگەرى بۆ کراوە، ساڵى 1993 گەڕاوەتەوە کوردستان، ساڵی 1996 ژیانى هاوسەرى پێکهێناوە، لەنێوان ساڵانى (2000-2004) لێپرسراوى ڕێکخراوى (#حزبی شیوعی کوردستان#) بووە لە وڵاتى نەرویج، دواجار ساڵى (2008) گەڕاوەتەوە #باشوورى کوردستان# و بووە بە لێپرسراوى پێشمەرگە دێرینەکانى حزبى شیوعى کوردستان لە شارۆچکەى کۆیە، و نوێنەرى حزبى شیوعى کوردستانە لە لقى (کۆیەى پێشمەرگە دێرینەکانى کوردستان)، لە ساڵی (2014-2016) بەشدارى شەڕى چەکدارانى بەناو دەوڵەتى ئیسلامى کردووە (#داعش#) و مەدالیاى زێرینى خەباتیشى پێدراوە. [1]