نامۍ: شەماڵ
نازنام: شەماڵ سائیب
نامۊ تاتەی: سائیب
ساڵەو پېڎابییەی: 1930ز.
تاریخو مەرڎەی: #07-11-1986#ز.
یاگۊ پېڎابییەی: سلېمانی
یاگۊ مەرڎەی: هۆلېر
ژیۋاینامە
ئی هونەرمەڼەو کوردی، ساڵەو (1930ز.) دلې شارو سلېمانی ئامان پېڎا، چوونکەتی تاتەش قائیمقام بییەن، ئېڎیچ فرەو شارەکڵەکانو کورڎەسانی گېڵان. دمای وانای سەرەتایی لوان دلې کۊلیژو مەلیک فەیسەڵی جە شارو بەغڎای، چاگە وانای قۊناغە میانییەکانیش بڕیەن و هەرچاگۆ لوان پەی پێمانگاو هونەرە جوانەکانی. ساڵەو (1951ز.) کۊلیژو ئادابی بەشو تاریخی هەر جە زانکۊ بەغڎای وەرگیریان و دمای چوار ساڵا تەمامنانش. دماتەر پەی وانای بەرزتەری ساڵەو (1963ز.) لوان پەی ئەمەریکای و چاگە ماستەرش جە ئەدەبەنە گېرتەن. ساڵەو (1971ز.) گېڵانۆ پەی سلېمانی و پېسە مامۊسای دلې زنکۊ سلېمانینە وانەش واتەنۆ.
ئی هونەرمەڼە دەنگ وەشە، پەی یەکەمین جاری گۊرانیەی کوردیەش بەردە دلې تەلەفزیۊنی، هەرچن بەرهەمەکېش ساڎې و لۆکاڵیې بېنې، بەڵام بە زوویی نیشتې دلې دڵو خەڵکی.
چن بەرهەمێ ئی گۊرانیواچەیە:
(شوانە هۆ شوانە، بەردە بەردە، هاتی بۆ هاتی، هاتم هاتم، ئەرێ لەیلێ، جوان ئێمە جوانین، بارزانی، زولەیخای دانا) بەدەنگە وەشەکەیش چڕیېنې.
گۊرانیواچی تازەگەرو هونەرو گۊرانیا کوردی، شەماڵ جەلال سائیب، تاریخو (#07-11-1986#ز.)، ئەنجامو نەوەشیێ درېژخایەنی جە شارو هۆلېری کۊچی دمایینش کەردەن. دماتەر مەیتەکەشا ئاردەنۆ پەی سلېمانی و دلې قەبرسانو بنەیانەکەیشانە بە خاکیشان ئەسپاران. [1]