ناڤ: عەلی
ناسناڤ: عەلی کەمال
ناڤێ بابی: عەبدولڕەحمان
ڕێکەفتا ژدایکبوونێ: #02-12-1900#
ڕێکەفتا وەغەرا داویێ : #31-07-1998#
جهێ ژدایکبوونێ: #سلێمانی#
جهێ وەغەرا داویێ : لەندەن
$ژیاننامە$
ناڤی وی عەلی کوڕێ عەبدولڕەحمان کوڕێ حاجی قادر کوڕێ وەهاب کوڕێ قاسم ئاغایە و ب (عەلی کەمال) تێ نیاسین و (کەمال) ناسناڤێ وی بوو.
ل گەڕەکا دەرگەزێن یا باژێڕێ #سلێمانی# ژدایک بوویە.
خوەندنا سەربازیی ل سلێمانی و #بەغدا# و ئەستەنبوڵ تمام کرییە و وەکە ئەفسەر ل سوپایێ عوسمانی خزمەت کرییە.
ل دوماهیکێن ساڵا 1920دا کو فیرقەیا وانا ل باژێڕێ #ئورفە# یا باکوورێ کوردستانێ بوو، ب تۆمەتا پشتەڤانی ل ڤەلڤیانا کوردی بو ماوێ سێ‌ مەهان یێ دەستەسەر بوو.
ل #12-02 1922# ل تورکیا و ب ڕییا #شنگال#ێ ڤەگەڕیا ئیراقێ.
(عەلی کەمال) وەکە ڕێڤەبەرێ پۆلیس و قائیمقام ل باژێڕێن کوردستان‌ و ئیراقێ خزمەت کرییە و وەکە ئەندامێ پەرلەمان و نینەرێ باژێڕێ سلێمانی ل ئەنجوومەنا نینەرێن ئیراقێ ل ساڵێن 1935 هەیا 1958 پێنج خولان ب ئەندامێ پەرلەمان و وەکە نینەرێ سلێمانی هات هەلبژاردن‌.
ل پەرلەمانێ ژی ئەندامەک چالاک بوو و بەرگری ل مافێن گەلێ کوردستانێ کرییە و ب هەوڵا وی، بودجەیا ئاڤەدان کرنا پارێزگەهێن کوردستان زێدە کرن و ڕوڵێ سەرەکە هەبوویە کو یاسایا زمانێن ناوچەی هەڵنەوەشێن ، ژبەر هەڵویستێن نشتیمانی ل ساڵێن 1962-1965 ژ ئالێ دەسەڵاتدارێن ئەوی سەردەمەی هاتە دەستەسەر کرن.
(عەلی کەمال) سەرباری کار و خزمەتێن خوە، زور گرنگی ب بوارێ ڕەوشنبیری دایە‌ و پشتەڤانییا کار و پڕۆژەیێن کولتووری کرییە.
ل #26-01-1942# هەیا ساڵا 1949 هەمی خەرجیێن دەرکرنا گوڤارا گەلاوێژی لسەر وی بوون و ئەگەرێ سەرەکە یێ بەردەوامییا ئەوێ گوڤارێ بوو ل ئالێ داراییڤە.
ل هەمانکاتدا عەلی کەمال نڤیسەر بوو و ل دەستپێکا ساڵێن شێستا یا سەد ساڵا بوهری، گووتار ژبو پشتەڤانییا شوڕەشا کوردستانێ ل روژنامێن عەرەبی ل وڵاتێ لوبنانێدا بەڵاڤ کرینە و هەروەسا دوو پەرتووکێن چاپکری ژی هەنە، یا ئێکەم ڕەخنە و بدیفچوونا پەرتووکا (جووڵانەوەی نەتەوەیی کورد) یا ئەدمۆن غەریبە کو ساڵ‌ و جهێ چاپا وێ دیار نییە و یا دووهەم، یاداشتێن وی نە ب ناڤێ ( یاداشتەکانی عەلی کەمال عەبدولڕەحمان) کو جەمال بابان ئامادە کرییە و پێشەکی ژێرە نڤیسیە ل ساڵا 2001 ل بەغدا چاپ کرییە.
$تاخێ کەمالیە ل بەغدا$
عەلی کەمال وی دەمێ کو ل بەغدا ژیایە ل حکومەتا ئەوی سەردەمەی کار کرییە، موڵک و ماڵێ زور هەبوویە ل باژێڕێ بەغدا، کوو نێزی پێنجی دۆنەمێ نموڵکێ وی بخوە بوویە و چەند خانییەک لسەر درووستکرینە، عەرد و خانی بسەر خەڵکێ هەژار دابەش کرینە و ئەو جﮪ ب ناڤێ ( تاخێ کەمالیە) کوو لسەر ڕییا بەعقوبەیە هاتییە ناڤ نان.

فەیلەسووفێ گەلێ مە #پیرەمێرد# ێ نەمر دەربارێ (عەلی کەمال) دبێژیت:
عەلی کەمالی ئاوڕەحمان
ئەتسپێرین بە قورئان
یاری فەقیر و ھەژار
تۆ بۆمان کەوتویتەکار
دەسکەگوڵی کوردانی
بۆیە بۆنخۆش و جوانی

ناڤێ عەلی کەمال پتر وەکە کەسایەتییەک خێرخواز ل هزرا خەلکێ باژێڕێ سلێمانیدا مایە، لێ ژبلی کارێ خێرخازی ل زور بواراندە خزمەتا وڵاتێ خوە کرییە.
(عەلی کەمال بەگ) کەسایەتییەک مەزنێ سەربازی و پەرلەمانی و ڕووناکبیرەکێ کوردستان‌ و ئیراقێ بوو.
بایەخەک زور ب کارێ خێرخوازی دایە و چەند مزگەفت‌ و نەخوەشخانە‌یەک ل باژێڕێ سلێمانی درووستکرینە و هاریکارییا خوەندەکار‌ و هەژاران کرییە. هەروەسا گوتبو پشتی مرنا من یەک لسەر سێ یێ موڵکێ من ژبو ھاریکارییا خوەندەکاران بیت و وەسیەتا وی هات جیبەجی کرن.
(عەلی کەمال) ساڵێن دوماهیکا ژیانا خوە ل باژێڕێ لەندەن بسەر برینە و هەر ل وێرێ‌ ل شەڤا #31-07-1998# وەغەرا داویێ کر و لسەر ڕاسپاردەیا وی بخوە تەرمێ وی ل سلێمانیێ و ل مزگەفتا وی بخوە #مزگەفتا عەلی کەمال# هات بخاک سپاردن. [1] [2]