ئەنوەر قەرەداغی - موزیکژەن و ئاواز دانەر
$ژیاننامە$
ناڤێ وی (محەمەد ئەنوەر عومەر محەمەد)ە ساڵا 1946 ل #هەڵەبجە# ژدایک بوویە، دەستپێکێ ل حوجرەی فەقێیان یا مزگەفتا پاشا دانایە، لێ زور بەردەوام نەبوویە چونکی قوتابخانە هاتییە ڤەکرن و دگەل برایێن خوە چوویە قوتابخانێ، ل ساڵی 1954 ماڵا وانا چوویە #سلێمانی#، ل وێرێ پۆلا سێهەم ل قوتابخانەیا (فەیسەلیە) دخوینیت، وی دەمەی ل گرووپا سروودی قوتابخانەیێ ژ ئالێ ماموستا ولیەم یۆحەننا هاتییە دەستنیشان کرن ژبو گرووپا سروود ناڤەندی و پشترە خانەیا ماموستایان ل سلێمانیێ تمام کرییە ل #26-10-1964#، هەر ل وێ ساڵێ ب ماموستا هاتییە دامەزراندن و تیپا موزیکی یا (کۆمەڵی خۆشی و بەختیاری) و پشترە (تیپا موزیکا هیوا)یا دامەزراندییە، کوو پشترە ل #23-02-1967# بوو ب تیپا موزیکا سلێمانی، ل ساڵی 1966 هەیا 1971 ل چالاکییا قوتابخانەیێن سلێمانی وانەیا موزیکێ پێشکەشی فێرخوازان کرییە، ساڵا 1969 دەستەی دامەزرێنەرێن تیپا نواندن و موزیکا سلێمانی بوویە، ساڵا 1971 هەیا 1974 بەرپرسیارێ بەشا موزیکێ بوو ل زانیننگەها سلێمانی و تیپا زانینگەهێ درووست کر، ساڵا 1974 پەیوەندی ب شوڕەشا ئەیلولێ ڤە کر، ل وێرێ تیپا موزیکا شوڕەشێ درووست کر، پشتی ڤەگەڕیانا وی ل شوڕەشێ ل ساڵا 1975 ل زانینەهێ هات دویر خستن و ڤەگوهاستن بو باژێڕێ سەماوە یا باشوورێ ئیراقێ بو ماوێ دوو ساڵان وەکە ماموستا ل وێرێ مایەو تیپا موزیکا پەروەردەیا سەماوەی ژبو چالاکیێن قوتابخانەیان درووست کر، پشترە ڤەگەڕیا ژبو زانینگەها سلێمانی و وەکە بەرێ بوویە بەرپرسیارێ بەشا موزیکێ هەیا ساڵا 1981 کو زانینگەها سلێمانی هاتە ڤەگوهاستن ژبو #هەڤلێر#ێ، ساڵا 1973 ل بەرلین بەشدارییا ڤیستەڤاڵا لاوێن جیهانی کرییە، هەر ل ساڵا 1973 ژبو ئێکەمجار ل تەلەڤزیۆنێ (9) پارچە موزیک و ستران تۆمار کرینە و ساڵا 1974 بەشدارییا ڤیستەڤالا ئێکەم یا هونەرێ کوردی ل بەغدا کرییە و دامەزرێنەرێ پەیمانگەها هونەرێن جوان یا سلێمانیێ بوو، ساڵا 1998 بوویە ڕاوێژکارێ هونەری ل وەزارەتا ڕەوشنبیری.
ئەنوەر قەرەداغی ئێک ژ دامەزرێنەرێن تەلەڤزیۆنا (puk) بوو، ساڵا 2010 بوویە ڕاوێژکارێ هونەری ل مەکتەبا ڕاگهاندنا یەکێتیی نیشتمانیی کوردستان. [1] [2]