ناڤ: نیگار
ناڤێ بابی: حەسیب قەرەداغی
ساڵا ژدایکبوونێ: 1966
جهێ ژدایکبوونێ: #سلێمانی#
$ژیاننامە$
ساڵا 1966 ژدایکبوویە، دەرچویا ئەکادیمیایا هونەرێن جوان یا بەغدایە (1984-1988)، ل ساڵا 1991 ل دەرڤەی وڵات ژیان بسەر دبەت، سالا 2000 بواوەڕنامەیا ماستەر ل زانستێن شانو و ئەنترۆپۆلۆژیا ل زانینگەها ڤییەنا بدەستڤە ئانییە، ل 2006 باوەڕنامەیا دکتۆر وەرگرتییە، بەخشینا خەلاتا هونەری یا نەمسا بو ساڵا 2022، ژبو پڕۆژەیا لابۆرا شانۆ یا لالش بدەستڤە ئانییە.
[1]
1988 دەرچوویا ئەکادیمیایا هونەرێن جوان ل باژێڕێ بەغدا، پشکا نواندن.
1988-1991 ماموستایا شانۆ ل پەیمانگەها هونەرێن جوان یا سلێمانی پشکا شانۆ.
ل دوماهیکا 1991ێ ل باژێڕێ ڤییەنا یا پایتەختا نەمسا ئاکنجی یە.
ساڵا 2000 باوەڕنامەیا ماستەر و ل ساڵا 2006 باوەڕنامەیا دکتۆرا ل کۆلێژا زانستی یا شانۆ و کۆلێژا سۆسیۆ کولتور ئەنترۆپۆلۆژایا ل زانینگەها ڤییەنا.
دامەزراندنا لابۆری یا شانۆ یا لالش دگەل شەماڵ عومەرێ هەڤژینێ خوە ل ساڵا 1998.
ڤەکرن و ڕێڤەبرنا ماڵا شانۆیی یا تایبەت ب خوە ل ساڵا 2000 وە ل باژێڕێ ڤییەنا ب پاڵپشتییا دارایی یا پشکا شانۆ یا دەزگەهێ کلتوریێ ڤییەنا و وەزارەتا فەدەراڵ یا هونەر و کلتورێ وڵاتێ نەمسا.
بەشداری کرن ل چەندین فیستەڤاڵ و کۆنفرانسێن نێڤدەوڵەتی ل زۆرینەیا وڵاتێن ئەوروپا و وڵاتێن عەرەبی و یابان و ل هەرێما کوردستانێ، ب پێرفۆرمانس و ڕێڤەبرنا وۆرکشۆپ و کارێ لابوری. گوتنا وانەیان ل بوارێن شانۆ ل چەندین زانینگەهێن جیهانیدا. ساڵا 2012 نیگار و شەماڵ مێڤان دبن ل زانینگەها ئینسبروک ل نەمسا ل کۆلێژا Peace and conflict studies
و ئالوگۆڕا میتۆدی و پراکتیکیا چەندین گرووپ و هونەرمەندێن جیهانی، ژوانا ئویجینۆ بەربا، و هەروەسا مەڵبەندا گرۆتۆڤسکی و تۆماس ڕیچارد.
چەندین خەلاتێن نێڤدەوڵەتی ژێڕەهاتە بەخشین لسەر ئاستێ جیهانی.
خەلاتا باشترین کەچە ئەکتەر ل فیستەڤاڵا شانۆیا لاوان ل بەغدا ساڵا 1986 لسەر ئاستێ ئیراقێ.
خەلاتا باشترین کەچا ئەکتەر ل ئیراق 1988.
خەلاتا sound of mess ل فیستەڤاڵا نێڤدەوڵەتی ل سارایێڤۆ 2009
خەلاتا شانۆ وەکە دیالۆگ دناڤبەرا کلتوراندە، ل فیستەڤاڵا نێڤدەوڵەتی ل مەکدۆنیا 2012
خەلاتا باشترین نمایش ل فیستەڤاڵا نێڤدەوڵەتیی ڕیتوالی ل ئوردن 2012
خەلاتا ڕێزلێنانا ماڵا پەرتووک ل کوردستان .
خەلاتا ڕێزلێنان ل وەزارەتا ڕەوشنبیری و لاوان ل هەرێما کوردستانێ 2023
خەلاتا هونەرییا وڵاتێ نەمسا ساڵا 2022.
پتری شێست نمایشێن شانۆیی و پێرفۆرمانس و کارەکە تەلەفزیۆنی، زنجیرە درامایا ژاڵە . هەروەسا ل ڤان ساڵێن بەهریدا چەندین کارێن پێرفۆرمانسی ئێن ڤیدیۆیی ئەنجام داینە. [2] [3]