ئەمڕۆ چوارشەممە، #21-02-2024#، لە ڕۆژی جیهانیی #زمانی دایک#دا، سەرۆکی هەرێمی کوردستان جەخت لە پاراستن و پێشخستنی زمانی کوردی و زمانى دایک بۆ هەموو پێکهاتەکان دەکاتەوە.
#نێچیرڤان بارزانی#، سەرۆکی هەرێمی کوردستان لە پەیامێکدا لە هەژماری خۆی لە تۆڕی کۆمەڵایەتیی ئێکس نووسیویەتی: جەخت لە پاراستن و پێشخستنی زمانی کوردی و زمانى دایک بۆ هەموو پێکهاتەکان و بەهێزکردنی فرەچەشنیی زمان و کولتوورەکان لە کوردستان و مافی خوێندن و پەروەردە و فێربوون و ئازادیی زمانی دایک لە هەموو شوێنێکی سەر زەوی، دەکەینەوە.
سەرۆکی هەرێمی کوردستان دەشڵێت: لەم یادەدا بە ڕێزەوە هەموو ئەوانە بە بیر دەهێنینەوە کە خزمەتیان بە زمانی کوردی و زمانی دایک لە هەموو پێکهاتەکانی کوردستان کردووە. دەستخۆشى لەوانەی له و خزمەتە پیرۆزە بەردەوامن لەپێناو پاراستنی گرنگترین ڕەگەز و بنەمای ناسنامەی نەتەوەیی و کولتووریدا کە زمانی دایکە. [1]
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=