$باکووری کوردستان$
- ڕۆژنامەوان و شێوەکار #زەهرا دۆغان# کە بەهۆی سازکردنی هەواڵ و شێوەکارییەکانی دەربارەی دڕندەیی دەوڵەتی تورک لە نسێبین دەستگیرکرابوو، ئەمڕۆ ئازاد کرا.[1]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2019/182394/0010.JPG=KTML_ImageCaption_Title=ڕۆژنامەوان و شێوەکار زەهرا دۆغان ئازاد کرا=KTML_ImageCaption_CaptionStyle=000000=KTML_ImageCaption_Caption=ڕۆژنامەوان و شێوەکار زەهرا دۆغان ئازاد کرا=KTML_ImageCaption_End=
- 3 کەس بە ناوەکانی س.د، ب.ب و م.ک لە چوارچێوەی ئۆپەراسیۆنی بەشی (دژەتێرۆر)ی فەرماندارەتیی جەندەرمەی #ئامەد# لە شارەکانی ئیزمیر، چاناککالە و ئیستەنبووڵ دەستگیر کران و ڕەوانەی دادگەی ئامەد کران. دادگەکەی دەوڵەتی تورک بە تۆمەتی (ئەندامەتیی ڕێکخستن) بڕیاری زیندانی کردنی بۆ س.د و م.ک دەرکرد. کەسەکەی دیکەش بە مەرجی کۆنتڕۆڵی دادی ئازاد کرا.[1]
- ئەمرۆ لەبەردەم 'شاروانی 3' لە شاری #هەولێر#، ژمارەیەک لە دانیشتووانی گەڕەکی هەولێری نوێ، بە هۆی نەبوونی خزمەتگوزاریی ڕێگاوبان و کەمی ئاو و کارەبا، گردبوونەوەیەکیان ئەنجامدا.[2]
$رۆژهەڵاتی کوردستان$
- شەش لاوی خەڵکی گوندی #هانەگەرمەڵە#ی شاری #پاوە#، لە لایەن مەئموورانی حکوومەتییەوە دەسبەسەر کراون. سەرچاوەیەکی ئاگادار شوناسی ئەو شەش هاووڵاتییە کوردەی بە ناوەکانی هونەر محەممەدی، مەجید لەهۆنی، هەژیر قادری، دیار بەکری، میلاد محەممەدئەمینی و بەهمەن ڕەحمانی ڕاگەیاندووە. ئەو سەرچاوەیە هەروەها دەڵێت: ئەو شەش هاووڵاتییە کوردە، لە لایەن مەئموورانی حکوومەتییەوە لە کاتی دەسبەسەر کردنیاندا، ئازار ئەشکەنجە دراون و لەو پەیوەندییەدا، هونەر مەجیدی لووتی بریندار و مەجید لەهۆنی لاقی بە بریندار بووە. ئەو شەش هاووڵاتییە کوردە، پاش دەسبەسەر کردنیان بۆ کڵانتەری شاری #نۆدشە# ڕاگوێزراون.[6]
- هێزە چەکدارەکانی ڕژیمی ئێران لەسەرسنوورە دەستکردەکانی نێوان باکوور و ڕۆژهەڵاتی کوردستان لە ناوچە سنوورییەکانی خوی گروپێک لە #کۆڵبەر#انیان داوەتە بەر دەستڕێژی گوللە و لە ئەنجامی ئەو هێرشە کۆڵبەرێک بە ناوی مەجید عەزیمی کە تەمەنی 26 ساڵە بە سەختی بریندار بووە.[1]
$باشووری کوردستان$
- لە ئەنجامی داڕوخانی سەقفی بینای فەرمانگەیەکی حکومی لە #هەڵەبجە# 14 کرێکار برینداربوون و بەرپرسێکی تەندروستیش ڕایدەگەیەنێت: زۆربەی برینەکان شکاوییە و مەترسی لەسەر ژیانیان نییە.[4]
- لەیلا عەلی خان هاوسەری #تاکور زەردەشتی# و یەشاری کوڕی، بۆ بەدواداچوون لە دۆخی چالاکوان تاکور زەردەشتی، کە ماوەی 27 ڕۆژە لە ڕەشبگیرییەکەی #دهۆک#دا دەستگیرکراوە و تا ئێستا لە زینداندایە، سەردانی نوێنەرایەتیی سلێمانی ڕێکخراوی خاچی سووری نێودەوڵەتییان کردووە.[2]
- چەند ڕۆژێکە بەهۆی داواکردن بۆ دامەزراندن لە کارگەیەکی گوندێکی سەر بە شارەدێی #بازیان#ی سنوری پارێزگای #سلێمانی# پشێوی لەنێوان دانیشتوانی گوندەکە و بەرپرسانی کارگەکە دروست بووە و تەقەش لە کارگەکە کراوە و بەڕێوبەری شارەدێی بازیانیش دەڵێت: گرفتەکان چارەسەرکراون.[4]
- ئێوارەی ئەمڕۆ لە گوندی خەربەندەلووی سەر بە شارۆچکەی #ئاخجەلەر# لە سنووری شارۆچکەی #چەمچەماڵ# کچێک بەناوی (ک.ئ.م) تەمەن 21 ساڵ بە گوللەیەک کۆتای بە ژیانی خۆی هێنا.[5]
- نیوەڕۆی ئەمڕۆ ژنێک بە ناوی (م، ع، ق)، لەدایکبووی ساڵی 1951 لە ماڵەکەی خۆی لە گەڕەکی شەهیدانی ئازادی لە شاری سلێمانی، بە چەقۆ خۆی بریندار کرد، دوای گەیشتنی هێزەکانی بنکەی پۆلیسی ئازادی و تیمەکانی بەشی پۆلیسی بەڵگەی تاوان، کەشف و هێڵکاری شوێنی ڕووداوەکە کرا و بریندارەکە بۆ نەخۆشخانە گواسترایەوە، بەڵام بەهۆی سەختی برینەکەیەوە گیانی لەدەستدا.[2]
$رۆژئاوای کوردستان$
- شەوی ڕابردوو، لە کۆگەی بوتڵی غاز لە کەمپی هۆلێی باشووری شاری #حەسەکە# تەقینەوەیەک ڕوویدا. به و هۆیەوە 14 کەس بریندار بوون.[1]
- شەوی ڕابردوو سوپای تورک بە قووڵایی پێنج کیلۆمەتر لەسەر سنووری #کۆبانێ# لە ڕۆژئاوای کوردستان، تۆپبارانی گوندی زۆرئاڤای کرد.[2]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2019/182394/0011.JPG=KTML_ImageCaption_Title=بەهۆی تەقینەوەیەک لە حەسەکه 14 کەس بریندار بوون=KTML_ImageCaption_CaptionStyle=000000=KTML_ImageCaption_Caption=بەهۆی تەقینەوەیەک لە حەسەکه 14 کەس بریندار بوون=KTML_ImageCaption_End=
$دەرەوەی کوردستان$
- #فەوزی ئەتروشی# بریکاری #وەزارەتی ڕۆشنبیری# عێراق، بەهۆی جەڵتەی دڵەوە لە بەغداد کۆچی دوایی کرد.[3]
- بەبۆنەی 21ی شوبات ڕۆژی جیهانی زمانی دایکی بە دەسپێشخەری ئەنیستیتۆی کوردو پلاتفۆرمی یارسان لە شاری ستۆکهۆڵم-ی سوید دەربارەی مێژوو و ئایینی یاری (یارسان)سمینارێک بەڕێوەچوو.[1]
- نرخی تمەن بەرامبەر دۆلار تادێت بەرەو دابەزین دەڕوات و لە ئێستادا هەر دۆلارێک بەرامبەر 13 هەزار و 700 تمەن مامەڵەی پێوەدەکرێت.[4]
- ڕژێمی ئێران ڕایگەیاند، لە چوارچێوەی تاقیکردنەوەی سەربازیدا لە کەنداوی هورمز، مووشەکێکی ژێردەریایی بەشێوەیەکی (سەرکەوتوو) تاقی کردووەتەوە.[1]
- لە کۆنفڕانسی نێونەتەوەییی گەلاندا کە له ڤەنزوێلا لە لایەن بزووتنەوەی گوندنشینانی بێخاک ساز کراوە، یادی ژنەشۆڕشگێڕی کورد #ساکینە جانسز# کرایەوە.[1]
- لە کۆنگرەی پارتیی چەپی ئەڵمانیادا لە شاری بۆن، پشتگیری بۆ بەرخۆدانی مانگرتوان ڕاگەیەنرا. هاوکات هاوشارەداری جزیر لەیلا ئیمرەت لە کۆنگرەکەدا گوتەیەکی پێشکەش کرد.[1]
کوردیپێدیا، ڕۆژانە بێلایەنانە مێژووی کوردستان تۆماردەکات...
کڕۆنۆلۆژیای ڕووداوەکان