24-09-2020
باکووری کوردستان
- ئاگرەکەی چیای گابار ڕۆژ بە ڕۆژ زیاتر بڵاودەبێتەوە. سەربازە تورکەکان ڕێگری لە کوژاندنەوەی ئاگرەکە دەکەن.[1]
- علەی بۆچناک زنیدانیی نەخۆشی تەمەن 76 ساڵ لە زیندانی جۆی ئێڵ لە ناوچەی پاتنۆسی ئاگری شەهید بوو.[1]
رۆژهەڵاتی کوردستان
- محەمەد تەقی ئۆسانلو، فەرماندەی قەرارگای هەمزەی سوپای پاسدارانسوپای پاسداران کۆنفرانسێکی ڕۆژنامەڤانیی لەبارەی پرسەکانی ڕۆژهەڵاتی کوردستان لە شاری ورمێورمێ ئەنجامدا و ڕایگەیاند، خێزان و کەسوکاری پێشمەرگەکانی حیزبەکانی ڕۆژهەڵاتی کوردستانیان ڕاسپاردووە کە هەوڵی گەڕاندنەوەیان بدەن و گیانی ئەو خزمانەیان بپارێزن. لەبارەی بەرگریکردن لە کۆڵبەرکۆڵبەران هۆشداریی دایە نوێنەرانی پەرلەمان و بەرپرسانی خۆجێیی شارەکان و گوتی، کەسێک بەناوی کۆڵبەر نییە و ئەو کەسانەی کە لە سنوورەکان هاتووچۆ دەکەن قاچاخچین و خوێنیان لەسەر خۆیانە. هەروەها ئاماژەی بەوەش کرد، هەموویان لەگەڵ ئەوەدان کە ڕێڕەوە کۆڵبەرییە ڕێگەپێدراوەکان بکرێنەوە، بەڵام ژمارەیەکی کەم لە بەرپرسان لە تاران لەگەڵ ئەوەدا نین و دژایەتیی دەکەن.[2]
- بەپێی ڕاپۆرتی گەیشتوو بە ڕێکخراوی مافی مرۆڤی هەنگاو، زەینەب جەلالیانزەینەب جەلالیان بەندکراوی سیاسی کورد دوای سێ مانگ ڕاگیران لە بەندی کەرەنتینەی بەندیخانەی ناوەندیی کرمان بۆ بەندیخانەی دێزڵئاوای کرماشانکرماشان گوازراوەتەوە.[6]
باشووری کوردستان
- کارگەیەکی دروستکردنی بۆڕی کە لە ئاودێریدا بەکارهاتووە و مێژووەکەی بۆ زیاتر لە 1500 ساڵ بەر لە ئێستا دەگەڕێتەوە، لە سنووری پارێزگای دهۆکدهۆک دۆزرایەوە.[4]
- لە 24 سەعاتی ڕابردودا چوار هەزار و 634 پشکنینی کۆرۆناکۆرۆنا ئەنجامدراوه و 666 توشبوی نوێی ڤایرۆسی کۆرۆنا تۆمارکراون. هەروەها 20 توشبوش گیانیان لەدەستداوە.[3]
- بەهۆی ڕووداوێکی هاتووچۆ لەسەر ڕێگەی تاسڵوجەتاسڵوجە - سلێمانیسلێمانی چوار منداڵ گیانیان لەدەستداوە و چوار کەسیش برینداربوون.[2]
- لە سنوری گەرمیانگەرمیان بەڕێوەبەری ئامادەییەکان ڕایانگەیاند حکومەت و وەزارەتی پەروەردەوەزارەتی پەروەردە لەبەرامبەر پێدانی مافەکانیان بێباکەو ئەگەر لەکاتی خۆیدا مووچەیان بەبێ لێبڕین پێنەدرێت بایکۆتی پرۆسەی خوێندن دەکەن و ئامادە نین بچنەوە هۆڵەکانی خوێندن و خوێندنی ئۆنلاینیش ڕەتدەکەنەوە.[3]
- وەزیری کشتوکاڵ ڕایگەیاند، تاکە کەس بووە بەرگری لە جوتیاران کردوە بۆ ساغکردنەوەی بەرهەمەکانیان و ڕێگری لە بەرهەمی هاوردەکراوی قاچاغ له مەرزەکانەوە، بەڵام ئەمڕۆ بابەتی جوتیارانیش به سیاسی کراوه و له گردبوونەوەی جوتیاراندا قسەی سیاسی دەکرێت.[3]
- وەزارەتی سامانە سروشتییەکانی هەرێم بانگەشەکانی وەزیری دارایی عێراق ڕەتدەکاتەوە کە وتبوی، هەرێمی کوردستان بۆتە سەرچاوەی بەقاچاخبردنی نەوت و هۆکاری زۆربەی ئەو کێشانەیە کە عێراق نەیتوانیوە پابەندبێت بە داخوازییەکانی ڕێکخراوی ئۆپیک بۆ کەمکردنەوەی نەوت.[5]
- بەڕێوەبەری فڕۆکەخانەی نێودەوڵەتیی هەولێرهەولێر ڕایگەیاند، ئەمشەو گەشتە ئاسمانییەکانی نێوان هەولێر و تورکیا دەستپێدەکەنەوە.[2]
رۆژئاوای کوردستان
- دەوڵەتی داگیرکەری تورک لە بەرانبەر سنوری ناوچەی دربێسیێی کانتۆنی حەسەکەحەسەکە دەستی بە هەڵکەندی خەندەق کردووە. بەپێی سەرچاوەکان سەرلەبەیانی ئەمڕۆ لەژێر چاودێری سەربازانی تورک دەست بە هەڵکەندنی خەندەقەکان کراوە.[1](بڕوانە فایلی پەیوەندیدار)
- ئێوارەی ئەمڕۆ بۆمبێک بە ئۆتۆمبێلێکی بارهەڵگر لە خۆرئاوای سەرێکانیسەرێکانی تەقیوەتەوە و بەو هۆیەوە 10 کوژراو و برینداری لێکەوتووەتەوە.[3]
- لە ڕۆژاوا، 39 کەسی تر تووشی ڤایرۆسی کۆرۆنا بوون. ژمارەی ئەو کەسانەی تووشی نەخۆشییەکە بوون گەیشتنە هەزار و 343 کەس.[1](بڕوانە فایلی پەیوەندیدار)
دەرەوەی کوردستان
- کۆمیتەی پاراستنی ڕۆژنامەنووسان (CPJ) داوا دەکات، ئەو ڕۆژنامەنووسەی بەهۆی ڕەخنەگرتن لە بەرهەم ساڵحبەرهەم ساڵح لە سلێمانی دەستبەسەرکراوە، بەبێ هیچ مەرجێک ئازاد بکرێت.[4]
- بەهۆی دواکەوتنی تورکیا لە دانەوەی قەرزەکانی بە کۆمپانیاکانی دەرمانی ئەمەریکا و وڵاتانی دیکە، ئێستا بیرۆکەی ڕاگرتنی پرۆسەی فرۆشتنی دەرمان بە تورکیا لەئارادایە.[4]
- دەسەڵاتی فڕۆکەوانی مەدەنی عێراق، ئەمڕۆ ڕایگەیاند، لە سبەینێوە هیچ گەشتێکی ئاسمانی لە نێوان عێراق و ئێران ناکرێت و جووڵەی فڕۆکەوانی لەگەڵ ئێران ڕادەگیرێت.[4]