$رۆژهەڵاتی کوردستان$
- لافاوی گەورە زیانی بە ژمارەیەک گوندی ڕۆژهەڵاتی کوردستان گەیاند، لافاو بە بڕی، 14 ملیار تمەن زیانی بە ماڵ، کشتوکاڵ و ژێرخانەکانی گوندی پەسوێی سەر بە #پیرانشار# گەیاندووە. دانیشتووانی گوندەکە داوا دەکەن حکومەت قەرەبوویان بکاتەوە.[1]
$باشووری کوردستان$
- ئەمڕۆ لە زۆربەی وڵاتانی جیهان و لە شار و شارۆچەکانی هەرێمی کوردستان خۆپیشاندان و ناڕەزایی دژی داگیرکارییەکانی دەوڵەتی تورک ئەنجام دەدرێت، له و چوارچێوەیەشدا #تەڤگەری ئازادی#ی هەرێمی #کەرکووک# و #گەنجانی وڵاتپارێز# لێدوانێکی ناڕەزایی هاوبەشیان خوێندەوە.[2]
- هاوشێوەی بەشێک لە شار و شارۆچکەکانی دیکەی هەرێمی کوردستان، دژی داگیرکارییەکانی دەوڵەتی تورک لەسەر ڕۆژئاوا و باشوری کوردستان، لە شاری #هەولێر# و شارۆچکەی #کەلار# گردبوونەوە و ڕێپێوان ئەنجامدران.[2]
- لە بەندیخانەی چاکسازی گەوران لە #دهۆک# (چاکسازی زرکا) بەهۆی شەڕی لە نێوان زیندانییەکانی عەرەب و کورد 7 کەس کوژران و دەیان کەسی دیکە برینداربوون. سەرەتا زیندانییەکی بە ڕەگەز عەرەب، هێرشی کردە سەر پولیسێکی چاکسازی و دواتر شەڕ دروستبوو و ئەو کارەساتەی لێکەوتەوە.[3]
- ئاگر لە بەشە ناوخۆییەکی #زانکۆی سلێمانی# لە قلیاسان کەوتەوە و بەهۆی ئاگرەکەشەوە کارەبای سەرجەم بەشە ناوخۆییەکە بڕدرا.[3]
- وەسفی شێخ عاسی، فەرماندەی حەشدی عەشایەری حەویجە لەگۆڕەپانی مانگرتنەکانی تورکمانەکان کۆنگرەیەکی ڕۆژنامەوانی ئەنجامدا و ڕایگەیاند، ماوەی 15 ڕۆژە ئێمە لەگۆڕەپانی مانگرتوانی کەرکووکین، بەڵام هیچ لایەنێک بەدەنگ داواکارییەکانمانەوە نەهاتوون، دەستبەرداری داواکارییەکانیشمان نابین تاوەکو هەڵبژاردنەکان دوبارەدەکرێنەوە.[3]
- #مستەفا ساڵح بامەڕنی#، چالاکوانی مەدەنی لەشاری دهۆک دەستگیرکرا.[4]
- وتەبێژی کۆمسیۆنی باڵای هەڵبژاردن و ڕاپرسی، شێروان زرار ڕایدەگەیەنێت ئەو کەسانەی تەمەنیان گەیشتوەتە 90 ساڵ مافی بەشداریکردنیان لەپرۆسەی هەڵبژاردنی هەرێمی کوردستان نامێنێت، ئاماژە بەوەش دەکات لە ئایندەیەکی نزیک ناوی دوبارە و مردوان بڵاو دەکەنەوە.[5]
$دەرەوەی کوردستان$=KTML_Photo_Begin=https://www.kurdipedia.org/files/relatedfiles/2018/147943/0016.JPG=KTML_Photo_Alt=لایەک لە پشێویی نێوان کورد و عەرەب لە یۆنان=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/147943/0016.JPG=KTML_Photo_End=
- لە کەمپێکی یۆنان ژمارەیەک عەرەبی سووری و عێراقی بە بۆریی ئاسن لەگەڵ ژمارەیەک کۆچبەری کورد بەشەڕ هاتوون، لەئەنجامدا چوار کۆچبەری کورد کوژراون و ژمارەیەکی دیکەش بریندار بوون. لە تۆڕە کۆمەڵایەتییەکان بەشێکی خەڵک باس لەوە دەکەن شەڕەکە بەهۆی کێشەی نێوان کورد و عەرەبەوە بووە، بەشێکی دیکەیشیان دەڵێن بەهۆی ئەوە بووە کە گەنجە کوردەکان بەڕۆژوو نەبوون، بۆیە هێرشیان کراوەتە سەر.[1]
- حکومەتی تورکیا نیگەرانی خۆی نیشاندا بەرامبەر بەبڕیارێکی حکومەتی ئەڵمانیا، بەرێگەدان بە پارتی دیموکراتی گەلان - #هەدەپە# کە لە شاری کۆڵن کۆنفرانس ببەستێت، لەکاتێکدا پێشتر ڕێگەیان بەپارتی داد و گەشەپێدان نەدا کۆنفراس ببەستێت.[2]

لە ڕاگەیەندراوێکدا، #هەپەگە# کات و شوێنی چەند چالاکییەکی گەریلاکانی لە دژی سوپای تورک ئاشکراکردوو کوژران و برینداربوونی چەندین سەربازی ڕاگەیاند.
دەربارەی دوایین دۆخی سنوورەکانی شەڕ لە باکوری کوردستان، کەمێک لەمەوبەر، ناوەندی چاپەمەنی و ڕاگەیاندنی هێزەکانی پاراستنی گەل-هەپەگە، ڕاگەیەندراوێکی بڵاوکردەوە.
هەپەگە ڕایگەیاند: لەهەنگاوی شۆڕشگێڕیی شەهید دەلال و شەهیدانی بەستادا، گەریلاکانمان لە 21 تا 23ی ئەم مانگە، لە هەرێمی بەستای سەربە شرناخ چالاکییەکیان دژی سوپای تورک بە سەرکەوتوویی ئەنجام داوە، لە ئەنجامیدا چەند سەربازێک کوژراون و برینداربوون، بەڵام ژمارەیان ئاشکرا نەبووە.
ڕاشیگەیاند: لە هەنگاوی شۆڕشگێڕانەی شەهید پیرۆز و شەهید ئاگری، دوێنی لە کاتژمێر 11:00سەرلەبەیانی لە گردی شەهید زەردەشت لە جولەمێرگ، گەریلاکانمان لە دژی سوپای تورک چالاکییەکیان ئەنجامدا، لەو چالاکییەدا گورزی کوشندە لە سوپای تورک درا و کوژراو و برینداریان هەیە، بەڵام ژمارەیان ڕوون نەبووەتەوە.
هەپەگە ڕاشیگەیاندووە: لە 24ی ئەم مانگەدا، گەریلاکانمان لە هەرێمی بەستا چالاکییەکیان دژی سوپای تورک ئەنجامداوە، لە ئەنجامدا سەربازێکی سوپای تورک کوژراوە، لەپاش ئەو چالاکییە سوپای تورک ئۆپەراسیۆنێکی بەپاڵپشتی هەلیکۆپتەرەکانی لە سبنوورەکە دەسپێکردووە، بەڵام پاش چەند کاتژمێرێک بەبێ هیچ ئەنجامێک کۆتایی بە ئۆپەراسیۆنەکە هێندراوە.
هەپەگە لە کۆتاییدا ئاماژەی بەوەکردووە، هێزێکی سوپای تورک کە بەشداریی ئۆپەراسیۆنێکن لە سنووری هەرێمی بەستا، کراونەتە ئامانجی گەریلاکان و چالاکییەک لە دژیان پێکهاتووەو چەند سەربازێکیان لێ کورژراوەو برینداربووە، بەڵام ژمارەکەیان ئاشکرا نەبووە.[1]
#26-05-2018#