باکووری کوردستان
- لە مەراسیمی یادی هەفتەی قارەمانێتیدا موڕاد قەرەیلانموڕاد قەرەیلان ڕایگەیاند، کە هەزاران عەگید درێژەپێدەری ڕێبازی فەرماندە عەگیدن، ڕاشیگەیاند، کە 2018 ساڵی شەڕی گەورەی کورد و داگیرکاریی تورکیایە.[2]
باشووری کوردستان
- خۆپیشاندانی ناڕەزاییی سەرتاسەری لە شارەکانی باشووری کوردستان بەردەوامیی هەیە.[1]
- لە هەولێر چەند رۆژنامەنووسێک دەستگیرکران، لەوانە هانا چۆمانیهانا چۆمانی. بەڵام پاش ماوەیەک ئازادکران.[1]
- ژمارەیەک چەکداری پاراستن و ئاسایشی پارتی دەیانەوێت ژمارەیەک مامۆستای خۆپیشاندەر دەستگیر بکەن، هێزەکانی پۆلیسی چالاکیە مەدەنیەکانیش رێگرییان لێدەکەن و بەهۆیەوە شەرو روبەروبونەوە لەنێوانیان دروست دەبێت.[5]
- شەوی رابردوو چوار بوومەلەرزە لە سنوری رۆژئاوای گەرمیان بە گوڕی جیاجیا روویاندا.[1]
- نێچیرڤان بارزانینێچیرڤان بارزانی، سەرۆکوەزیرانی هەرێمی کوردستان لەدوای کۆبوونەوەی ئەنجوومەنی وەزیران لە کۆنگرەیەکی رۆژنامەڤانیدا رایگەیاند: بڕیارێکی باشمان داوە لە بەرژەوەندی مووچەخۆرانی هەرێمی کوردستان، گۆڕانکاریی گەورەمان لە مووچە کردووە و لە ئاییندەیەکی نزیکدا کۆتایی بە سیستەمی پاشەکەوت دەهێنین.[4] هەروەها لە هەمان کۆنگرەدا رایگەیاند: ❞ئەگەر خۆپیشاندەر چەقۆ و دەمانچەی پێبێت، ئێمەش وەک ئەوان رەفتار دەکەین❝.[1]
- ئەنجومەنی خۆپیشاندەرانی هەڵەبجەهەڵەبجە دژی بڕیارەکانی ئەمڕۆی سەرۆکی حکومەت وەستانەوە و داوای نەهێشتنی بە تەواوی پاشەکەوتی موچەیان کرد.[2]
- لە زاخۆزاخۆ شیلان شاکرشیلان شاکر، جێگری سەرۆکی تەڤگەری ئازادیتەڤگەری ئازادی و چەندین ئەندامی تری تەڤگەر لەلایەن ئاساییشەوە دەستگیرکران.[3]
- لە سلێمانیسلێمانی پەردە لەسەر پەیکەری دڵشاد مەریوانیدڵشاد مەریوانی لادەدرێت.[1]
- ئەو هێزەی سوپای عێراق و حەشدی شەعبی کە چەند رۆژێکە چوونەتە شنگال، هێزێکی زۆریان کۆکردووەتەوە و دەیانەوێت بچنە نێو مەزارگەی شەرفەدین، بەڵام پێشمەرگە رووبەڕوویان وەستاون و رێگرییان لێدەکەن.[4]
رۆژئاوای کوردستان
- بروسک حەسەکە، وتەبێژی فەرمیی یەپەگە لە عەفرینعەفرین، ڕایگەیاند، کە چەند چالاکییەک لە گەڕەکە جیاوازەکانی عەفرین ئەنجامدرا، لە ئەنجامی ئەو چالاکییانەدا 16 سەرباز و چەتەی سوپای تورک کوژران.[2]
- شەڕڤانانی یەپەگە و یەپەژە لەسەر ڕێگەی نێوان عەفرین و جندرێسجندرێس چالاکیان ئەنجامدا و لە ئەنجامدا دوو سەرباز کوژران و پێنج سەربازی دیکەش بریندار بوون.[2]
دەرەوەی کوردستان
- شارەوانیی جنێڤ پێشانگایەکی لەسەر تاوانی جەنگی دەوڵەی تورکیا و بەرخۆدانی کوردان لە ناوچەی سووری ئامەدئامەد کردەوە.[3]
- کۆبوونەوەی ئەنجوومەنی ئاسایشی نەتەوەیی تورکیا کۆتاییهات و رایگەیاند، ئەگەر هێزەکانی هەسەدە لە منبج دەرنەچن دەستپێشخەردەبن لە بەکارهێنانی هێز. لەبارەی پەکەکەش دەڵێت، عێراق کۆتایی بە چالاکییەکانی پەکەکە نەهێنێت، هەڵوێستمان دەبێت.[4]
- ڕێکخراوی لێبوردنی نێونەتەوەیی ڕایگەیاند: هێزە ئەمنییەکانی هەرێمی کوردستان بێڕێزیی بە ئازادیی ڕادەربڕین دەکەن.[2]
- یونامییونامی نیگەرانی خۆی دەربارەی ڕاپۆرتەکانی بەکارهێنانی توندوتیژی دژی خۆپیشاندەران لە هەرێمی کوردستان دەردەبڕێت.[6]

#موڕاد قەرەیلان | #هانا چۆمانی | #نێچیرڤان بارزانی | #هەڵەبجە | #زاخۆ | #شیلان شاکر | #تەڤگەری ئازادی | #سلێمانی | #دڵشاد مەریوانی | #عەفرین | #جندرێس | #ئامەد | #یونامی |

بۆرای گشتی
هەروەک ئاشکرایە رۆژی 24ی ئاداری 2018 ئەنجومەنی هەڵوەشاندنەوەی پاشەکەوتی مووچە، کە لەمامۆستایان و فەرمانبەران و تەندروستیکاران و خانەنشینان پێکدێت، راگەیەندراو هاوشانی مامۆستایاتی ناڕازی بەمڕۆشەوە گردبوونەوەو ناڕەزایەتی مەدەنییانەی فراوانیان لەشاری هەولێر لەپارکی شانەدەرو چەند شوێنێکی دیکە بەبەشداری ئاپۆرایەکی فراوانی مووچەخۆرانی قووتبڕاو بەڕێوەبردو سەرەڕای فشاری هێزەکانی ئاسایش و رەشبگیری مامۆستاو فەرمانبەران و تەندروستیکاران و رۆژنامەنووسان و پارێزەران، جۆش و خرۆشی هاتنەمەیدانی خەباتی مەدەنی و پیشەیی بۆداواکردنی مافەکانیان گەرمتر دەبوو. بەهەموو لایەکی رادەگەیەنین هەرچەندە خواستی ئەنجومەنەکەمان هەڵوەشاندنەوەی تەواوی ستەمی پاشەکەوتی نایاسایی مووچە بوو، بەڵام راگەیاندنی ئەمڕۆی سیستەمی پاشەکەوتی مووچە، لەلایەن حکومەتی هەرێمی کوردستان، تارادەیەک هەندێک لەباری سەختی گوزەرانی خەڵک سووک دەکات، بۆیە رایدەگەیەنین:
1- دەبێت ئەو سیستەمە بڕیاردراوەی مووچە، لەو مانگەدا بخرێتە بواری جێبەجێکردنەوە.
2- هەموو مانگێک لەکاتی خۆیدا مووچە بدرێت و دوو مانگ جارێک مووچە ماڵئاوایی بکات.
3- وەک سەرۆکی حکومەت و وەزیری دارایی بەڵێنیان دا، لەگەڵ باشبوونی داهات و ئەو چاکسازییەی پەرلەمان لەمووچەدا بڕیاری لەسەر دەدات، ئەو پاشەکەوتەی ماویشە نایهێڵن، ئێمە چاودێری جێبەجێکردنی ئەو بەڵێنەش دەکەین.
4- قەرزی مووچەخۆران لای حکومەت بکرێتە چەکی بانقی و بەزووترین کات یاسای خانەنشینی، بەگۆڕاکارییەکانییەوە، لەبەرژەوەندی مووچەخۆران جێبەجێبکرێت.
5- داوا لەدەزگا ئەمنییەکانی شاری هەولێر دەکەین، هەرچی گیراوێکی گردبوونەوەکانی چوار رۆژی رابردووە، دەست بەجێ‌ ئازاد بکات، بەڵگەو زانیاری وردمان لایە، تا ئێستا چەندین کەس لەزیندان دان، بەپێچەوانەوە، پەنا دەبەینە بەر رێکاری یاسایی و ناوی گیراوانیش دەدەینە رێکخراوەکانی مافی مرۆڤ و دەزگای میدیایی و کونسڵخانەو لایەنە نێودەوڵەتییەکان.
6- دژ بەهەموو جۆرە رێکارێکی سزادان دەوەستینەوە، کەبەرامبەر مامۆستایان و کارمەندان لەدامودەزگاکانی حکومەت ئەنجامبدرێت، کەبەشداری خۆپیشاندان و گردبوونەوە ناڕەزایەتییەکان، یان بایکۆتی دەوامیان کردووە.
7- دەستخۆشی لەهێزەکانی پۆلیس و پۆلیسی چالاکییە مەدەنییەکان دەکەین، کە پارێزگاریان لەگردبوونەوەکان کردو سەرکۆنەی ئەو رەفتارە نزم و قێزەونانەش دەکەین کە کەسانێکی زۆر بەجلی مەدەنی هۆڤیانە مامۆستاو فەرمانبەرو تەندروستیکارو رۆژنامەنووسیان دەگرت و پەلاماریان دەدان و بەئۆتۆمبێلی نادیار دەیانبردن و رێگریشیان لەهەموو رووماڵێکی کاری دەزگا راگەیاندنەکان دەکرد.
8- ئەنجومەن لەو قۆناغەدا گردبوونەوەو ناڕەزایەتییەکانی رادەگرێت، بەڵام لەداهاتوودا لەژێر ناوو ئامانجی دیکەدا لەچالاکییە مەدەنی و دیموکراسییەکانی بەشێوازی خەباتی مەدەنی بەردەوام دەبێت.
سڵاوو رێز بۆتەواوی مامۆستاو فەرمانبەرو تەندروستیکارو خانەنشینان و پارێزەران و رۆژنامەنووسان کەبوێرانە داکۆکییان لەماف و خواستە پیشەییەکانیان کردو پاڵپشتی ئەو فشارو ناڕەزایەتییە شارستانیانە بوون، بەڵێ‌ بۆدادو ژیانێکی ئینسانییانەی شکۆمەند.
ئەنجومەنی هەڵوەشاندنەوەی پاشەکەوتی مووچە
28-03-201828-03-2018

#28-03-2018 |