- وەزیری کاروباری شەهیدان و ئەنفالکراوانی حکومەتی هەرێمی کوردستان ڕایدەگەیەنێت، دوایین لیستی بریندارانی چەکی کیمیایی 400 کەس بوون سەرجەمیان ڕەزامەندی مووچەی مانگانەیان بە بڕی 400 هەزار دینار بۆ دەرچووە، دەشڵێت: "هەر بریندارێکی چەکی کیمیایی کۆچی دوایی بکات بە شەهید هەژمار دەکرێت".
- بە هۆی کێشەی‌ زەوی و زارەوە لە شارۆچکەی کفری سەر بە ئیدارەی گەرمیان 4 برا دەکوژرێن و 4ی تریش بریندار دەبن.
- لیژنەی کۆچ و کۆچبەران لە ئەنجومەنی نوێنەرانی عیراق جەختدەکاتەوە کە گوزەرانی ئەو پەنابەرانەی ڕوویان لە هەرێمی کوردستان کردووە، زۆر لەوانە باشترە کە لە بەغدا نیشتەجێکراون.
- بە هۆی پرۆژە یاسایەکی کۆنگرێسی ئەمریکاوە سەبارەت بە پڕچەککردنی پێشمەرگە و سوننەکانەوە پشێوی لە ناو ئەنجومەنی نوێنەرانی ئێڕاق دروست دەبێت و ئاڵا تاڵەبانی ئەندامی ئەنجومەنی نوینەرانیش بە ناوی فراکسیۆنە کوردییەکانەوە وەڵامی ئەوانە دەداتەوە کە دژی پێشمەرگە لێدوان دەدەن.
- لیژنەی‌ هێزە چەکدارەکان لە ئەنجومەنی نوێنەرانی ئەمەریکا، پـرۆژە یاسای خەرجیـیەکانی ساڵی 2016 ی حکومەتی ئەمەریکای‌ بۆ وەزارەتی بەرگری و هێزە چەکدارەکان پەسەندکرد، و لە نێو ئەو پرۆژە یاسایەشدا، پـێشـنیارکراوە ڕاستەوخۆ یارمەتی لە سەربازیی‌ پـێشـکەش بە هێزەکانی پـێشـمەرگە و هێزە سووننەکان بکرێت کە لەئێستادا شەڕ لە دژی‌ داعش دەکەن.