31-08-2017
باکووری کوردستان
- پارتی دیموکراتی گەلان- هەدەپەهەدەپە، لە چوارچێوەی تێکۆشان بۆ ئاشتی و دیموکراسیدا دووەمین قۆناغی خۆپیشاندانەکانی دەستپێدەکات و بڕیاریدا، لە شەش شاری گەورەی تورکیا و باکوری کوردستان گردبوونەوە و خۆپیشاندان ئەنجام بدات.[4]
- بە پاساوی دەستپێکردنی ئۆپراسیۆنی سەربازی، قەدەغەکردنی هاتووچۆ لە 17 ناوچەی سەر بە پارێزگای شرنەخشرنەخی باکوری کوردستان ڕاگەیەنرا.[5]
- بەهۆی تۆپبارانەکانی سوپای تورک بۆسەر گوندی شاپاتانی سەربە شەمزینانشەمزینانی جولەمێرگجولەمێرگ، ئاگر لە دارستانەکانی ئەو ناوچەیە کەوتووەتەوە و ماوەی دوو ڕۆژە ئاگر لەو دارستانانە کەوتووەتەوە و بەردەوام ئاگرەکە بەرفراوانتر دەبێتەوە.[4]
رۆژهەڵاتی کوردستان
- دوو هاوڵاتی کورد کە باوکێک و کوڕە تەمەن 10 ساڵانەکەی بوون، لە سەر ڕێگای جوانڕۆجوانڕۆ بۆ ڕوانسەرڕوانسەری سەربە پارێزگای کرماشانکرماشان درانە بەر دەستڕێژی گوللەی هێزە سەربازییەکانی ئێران و بە قورسی ببرینداربوون.[4]
باشووری کوردستان
- سێ خۆکوژی داعشداعش بە پشتێنەی بۆمبڕێژکراوەوە، هەوڵیان داوە دزە بکەنە نزیک سەنگەرەکانی پێشمەرگە لە گوندی بەشاری سەر بە شارەدێی عەیازییە لە شارۆچکەی تەلەعفەرتەلەعفەر. هێزەکانی پێشمەرگە بە پیلانەکەی داعشیان زانیوە و بەر لەوەی چەکدارە خۆکوژە تیرۆریستەکان بگەنە سەنگەرەکانیان، لێیان هاتوونە تەدەست و هەر سێ خۆکوژیان تەقاندووەتەوە.[1]
- یەکێتی کەمئەندامانی کوردستانیەکێتی کەمئەندامانی کوردستان خۆپیشاندانێکی بەرفراوانی لەشاری سلێمانیسلێمانی دەستپێکردو، سکرتێری یەکێتیەکەش ڕایدەگەیەنێت، کەمئەندامان جەژن ناکەن، چونکە پارەی پێویستیەکانی جەژنیان پێ نییە، دەشڵێت:36 مانگە کەمئەندامان برسی دەکرێن و هەشت مانگیشە موچە بەکەمئەندامان نەدراوە.[3]
- سەرۆک وەزیرانی عیراق پڕۆسەی کۆنترۆڵکردنەوەی موسڵموسڵ و تەواوی شارۆچکەی تەلەعفەر ڕاگەیاند و بەرپرسێکی یەکێتیش لەسنوری موسڵ ڕایدەگەیەنێت، هێشتا پێکدادانی کەم لە شارەدێی عەیازییەی سەر شارۆچکەی تەلەعفەر هەر ماوە.[3]
- فازڵ بەشارەتیفازڵ بەشارەتی، ئەندامی سەرکردایەتی پارتی دیموکراتی کوردستانپارتی دیموکراتی کوردستان بە وێستگە نیوزی ڕاگەیاند 31ی ئاب31ی ئاب کۆتایی بە خیانەت و شەڕی ناوخۆشەڕی ناوخۆ و براکوژی و دەستێوەردانی ئیقلیمی هێنا.[6]
- سەرۆکی لێژنەی فەتوالێژنەی فەتوا لە شاری سلێمانی، ئاماژە بەوە دەدات کە قوربانیقوربانیکردن یەکێکە لە بنەما سەرەکییەکانی ئایینی ئیسلام، بەڵام باشتر وایە لەبری قوربانیکردن هاوکاریی مادی کەسانی هەژار بکرێت.[1]
- بوومەلەرزەبوومەلەرزەیەک سنووری ناوچەی ڕاپەڕینی هەژاند و لە سەرجەم ناوچەکانی دەڤەری ڕاپەڕین هەستی پێکراوە، بەڵام تائێستا زیانی گیانی و ماڵی نەبووە.[7]
- بەهۆی خراپی کوالێتیانەوە، دەست بەسەر 23 تەنکەری سوتەمەنی ئێرانی گیرا کە هاتبوونە مەرزی نێودەوڵەتیی باشماخباشماخ.[1]
رۆژئاوای کوردستان
- نوێنەری تایبەتی نەتەوە یەکگرتووەکاننەتەوە یەکگرتووەکان بۆ کاروباری سوریا پێشنیاریکرد، ئەگەر سیستمی دەسەڵات لە سوریا ببێتە ناوەندی، ئەوە بۆ هەر بڕیارێکی ئەو حکومەتە دەبێت مافی ڤیتۆ بۆ کوردەکان هەبێت.[2]