شوێن: #خارپێت#
ساڵی گیرانی وێنەکە: 1873
کەسایەتی ناو وێنەکە: (شازادە خانمێکی کورد)
ناوی وێنەگر: نەزانراو
[1]

جهێ وێنەی: #خارپێت#
ساڵا گرتنا وێنەی: 1873
کەسایەتیا دناڤا وێنە: (شەهزادە خانمەکە کورد)
ناڤێ وێنەگر: نەناس
[1]

قەڵای خارپێت یان قەلای هارپیت، یەکێک لە شوێنەوارە گرنگ و ناسراوەکانی باکووری #کوردستان#ە کە دەکەوێتە پارێزگای ئەلعەزیز.
ئەم شوێنەوارە لە لیستی شوێنەوار و کەلەپوورە جیهانییەکانی یونسکۆ تۆمارکراوە و مێژووەکەی بۆ سەردەمی #ئورارتییەکان# دەگەڕێتەوە.
سەبارەت بەم قەڵایە کە لە (ساڵی 2005) ەوە کاری کنە و پشکنینی شوێنەواریی بۆی ئەنجام دەدرێت، سەرچاوەکان ئاماژە بەوە دەکەن کە زۆربەی سەردەمە مێژووییەکانی باکووری نشتیمانی بەخۆیدا بینیوە و وەک قەڵایەکی بەهێز و سترارتیجی بەکارهاتووە.
ئەم قەڵایە لە دوو بەشی دەرەوە و ناوەوە درووست بووە و لە ڕووی ئەندازەییەوە شوێنێکی پەیت و قایمە، هەر ئەمەش وایکردووە کە لە سەردەمە جیاوازەکان بەردەوام بەکار بهێنرێت بە مەبەستی سەربازی و بەرگری. ئەم قەڵایەوەک ناوەندێکی گرنگ بۆ کۆبوونەوەی فەرماندە و سەرکردەکانی سوپا (لە سەردەمە جیاوازەکان) و سەربازەکان بەکارهاتووە لە چەندین بەشی جیاواز پێکهاتووە وەک: بەندیخانە، بنکەی تەندرووستی، شوێنی حەوانەوە و ئیسراحەت، شوێنی مەشقی سەربازی، بەڵام لە ئەم ساڵدا (2023) شوێنێکی جیاواز و گرنگ لەم قەڵایە دۆزرایەوە کە ئەویش بەشێ چێشتخانەکەی بووە کە کۆمەڵێک قاپ و قاچاقی گڵینە و چەند پارچەیەک لە ئێسک و پەروسکی ئاژەڵ کە دیارە بە مەبەستی لێنان و خواردن بۆ سەرباز و فەرماندەکان ئامادەکراوە، دۆزراوەتەوە. هەر سەبارەت بەم دۆزینەوەیە لە ناو مەنجەلێکی گڵینەدا کە ئێسک و پەروسکی ئاژەڵێکی تێیدا بووە، دانەیەک گولەی تۆپی مێژوویی دۆزراوەتەوە کە دیارە کاتێک ئەم قەڵایە لەلایەن دوژمنەکانییەوە هێرش دەکرێتە سەری، ئەم تۆپە دەکەوێتە ناو ئەم مەنجەلە و بەهۆی بەجێ هێشتی قەڵاکە لەلایەن سەربازەکانەوە و دواتر نەگەڕانەوەیان ئەم تۆپە هەر لەوێ دەمینێتەوە و بۆ ئێستا دەبێتە شوێنەوارێکی مێژوویی.
=KTML_ImageCaption_Begin==KTML_StyleDiv=width:20%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2023/518185/0001.JPG=KTML_ImageCaption_Title=تۆپێکی جەنگی لە مەنجەلێکی چێشتخانەی وەڵای خارپێت=KTML_ImageCaption_CaptionStyle=000000=KTML_ImageCaption_Caption=تۆپێکی جەنگی لە مەنجەلێکی چێشتخانەی وەڵای خارپێت=KTML_ImageCaption_End=
ئەم قەڵایە کە لە سەردەمی ئورارتییەکان لە سەدەی 8ی پێش زایین درووستکراوە بە (قەڵای شیر) یش بەناوبانگە و هۆکارەکەی بۆ ئەوە دەگەڕیتەوە کە ئورارتییەکان لەکاتی درووست کردنی ئەم قەڵایە لە جیاتی ئاو، شیریان بەکارهێناوە بۆ تێکەڵ کردنەوەی کەلوپەلی بیناسازییەکە. سەرچاوە مێژووییەکان هۆکاری ئەمە بۆ دوو شت دیاری دەکەن: یەک، کەمی ئاو لەو ناوچەیە (کە هەڵبەت ئەمە دەکرێت دوور بێت لە ڕاستی، چونکە ئەو ناوچەیە کە قەڵاکە درووستکراوە ناوچەیەکی پڕ ئاوە بە تایبەت لە سەدەکەنی پیش لادایکبوونی مەسیح) .
دووەم: شیر لە ئاو بە هێزترە بۆ ڕاگرتنی دار و بەرد لەسەر یەک، بۆیە بە درووست کردنی ئەم قەلایە شیر بەکارهاتووە.[1]

گەریلاکانی #هەپەگە# لە گەڤەر، #شەمزینان#، باگۆک و خارپێت لەدژی سوپای تورک چالاکییان ئەنجامدا و لەو چالاکییانەدا حەوت سەرباز و ئەندامی تیمی تایبەت کوژران.
ئەمڕۆ، ناوەندی ڕاگەیاندنی هێزەکانی پاراستنی گەل- هەپەگە، لەبارەی چەند چالاکییەکی گەریلاکانییان لەچوارچێوەی هەنگاوی شۆڕشگێڕانەی شەهید پیرۆز و شەهید ئاگریی و شەهید دەلال ئامەد و شەهید بەستا، ڕاگەیەندراوێکی بڵاوکردەوە و وردەکارییەکانی ئاشکراکرد.
لە ڕاگەیەندراوەکەدا ئاماژەدرا: هێزەکانمان دوێنێ کاتژمێر 12:10 خولەکی شەو گەریلاکانمان لەدژی بارەگای سوپای تورک لە شەمزینانی سەربە جولەمێرگ چالاکییەکیان ئەنجامدا، ژمارەی کوژراو و بریندارەکانی سوپای تورک لەو چالاکییەدا نەزانرا، سوپای تورک پاش ئەو چالاکییە ئۆپەراسیۆنێکی لە ناوچەکەدا دەستپێکرد و شەڕێک لەنێوان گەریلاکانمان و سوپای تورک ڕوویدا، لە ئەنجامدا سێ ئەندامی تیمە تایبەتەکانی سوپای تورک کوژران و هەشت ئەندامی دیکەیان برینداربوون، لەو شەڕەدا دوو لە هەڤاڵانی ئێمەش کە قارەمانانە شەڕیان کرد شەهدیبوون، دواتر ناسنامەی ئەو شەهیدانە بە ڕای گشتی ڕادەگەیەنین.
لە بەردەوامیدا هەپەگە ڕایگەیاند: نیوەشەوی ڕابردوو کاتژمێر 12:10 خولەک گەریلاکانی یەژاستار لەسەر گردی هارونی سەربە شەمزینان دوو چالاکییان ئەنجامدا، لەو چالاکییانەشدا دوو سەربازی سوپای تورک کوژران.
هەروەها، هاتووە: 25ی ئایار کاتژمێر 02:30 خولەکی پاش نیوەڕۆ لە دەوروبەری گەڤەری سەربە جولەمێرگ چالاکییەکی دیکە ئەنجامدرا، لەو چالاکییەشدا سەربازێکی سوپای تورک کوژرا.
هەپەگە، هەروەها ئاشکرایکرد: 25ی ئایار کاتژمێر 07:10 خولەکی ئێوارە لەسەر ڕێگای چەولیگ بۆ خارپێت چالاکییەک ئەنجامدرا، لەو چالاکییەدا گورزی سەخت لە پێگەکان و ئۆتۆمبێلە سەربازییەکانی سوپای تورک درا، ژمارەی کوژراو و بریندارەکانی سوپای تورک لەو چالاکییەدا نەزانرا.
لەکۆتایی ڕاگەیەندراوەکەی هەپەگەدا هاتووە: لە هەنگاوی شۆڕشگێڕانەی شەهید دەلال ئامەد و شەهید بەستادا، گەریلاکانمان 25ی ئایار کاتژمێر 06:00ی پاشنیوەڕۆ لە دەوروبەری باگۆک چالاکییەکیان لەدژی سوپای تورک ئەنجامدا، لەو چالاکییەشدا سەربازێکی سوپای تورک کوژرا.[1]
#27-05-2018#

یەک لە شارۆچکەکانی پاڕێزگای خارپێت - ئەلعەزیزی باکووری کوردستانە.

بوومەلەرزە لە شاری خارپێت بووە هۆکاری گیان لەدەستدان و بریندار بوونی هەزاران کەس و زامێکی دیکەیە بە سەر لاشەی برینداری نیشتمان.
بوومەلەرزە لە شاری خارپێت بووە هۆکاری گیان لەدەستدان و بریندار بوونی هەزاران کەس و زامێکی دیکەیە بە سەر لاشەی برینداری نیشتمان. لەسەر ناوی کۆمەڵگای دیمۆکراتیک و ئازادی ڕۆهەڵاتی کوردستان - کۆدار پرسە و سەرەخۆشی خۆمان ئاراستەی گەلی کورد و تایبەت کەس و کاری ئەو ڕووداوە دڵتەزێنە دەکەین و هیوای چاکبوونەوەش بۆ سەرجەم برینداران دەخوازین.
ئێش و ئازاری خەڵکی بوومەلەرزە لێدراوی خارپێت، ئێش و ئازاری هەموومانە و گەلی ڕۆژهەڵاتی کوردستانیش خۆی بە هاوخەمی گەلی باکوور دەزانێ. جۆگرافیای کوردستان لە لایەن دەسەڵاتدارانەوە بەردەوام وەکوو جۆگرافیایەیکی داگیرکراو سەیرکراوە، چ کات و سەردەمێک پێویستیان هەبووە، دەرفەتە ئابووریەکانی کوردستان تاڵان و چەپاو کردووەو بێ ئەوەی ئاوڕێک لە ئاوەدان کردنەوەی ئەم جۆگرافیایە بدەنەوە، سیاسەتی کاوڵکاری کوردستان وەک بەنداوسازی یان پەرە پێ داوە.
لە بوومەلەرزەی سەرپۆل زەهاب لە#کرماشان#، هەروەها لافاوەکەی لۆڕستان و#ئیلام# و خوزستان و سیستان و بەلووچستان، سیاسەتی دەوڵەتە ناوەندەکانمان سەبارەت بە جۆگرافیای کوردستان و گەلانی بن دەستی دیکە بینی. ئێستاش لە باکووری کوردستان سەرەڕای ئەوەی کە هەموو کارناسانی زەوی ناسی سەبارەت بە هەبوونی هێڵی بوومەلەرزە لەناوچە کوردنشینەکان ئاگادارن، بەڵام کاربەدەستانی دەوڵەتی تورکیا هیچ کات ئەوەیان بەلاوە گرینگ نەوبووەو کاری پێویستان لەچوارچێوەی بیناسازی ئەنجام نەداوە، تا گەل کەمتر تووشی خەساری گیانی و ماددی ببن. بە پێچەوانەوە هێزە داگیرکەرەکان تەنیا بە ڕوانگەی ئاسایشیەوە سەیری کوردستان دەکەن، لەم چەند دەهەی ڕابردوودا بە هیچ شێوازێک لە بواری بیناسازیەوە سەرنج نەدراوە و ئەمڕۆ تەنیا گەلە کە تاوانی ئەم بێ پلانیەی دەسەڵاتداران دەدات.
داگیرکەرانی کوردستان نەتەنیا نەبوونەتە مەرهەمێ بۆ زامەکان بەردەوام هەوڵ دەدەن لەئازاری گەل بۆ بەرژەوەندی خۆیان کەڵک وەربگرن. گەلەکەمان لە کرماشان و سەرپۆل زەهاو لە نزیکەوە سیاسەتی داگیرکەرانیان بینی کە چؤن لە بێ دەرەتانی خەڵکی لێقەومای ئەو هەرێمە بۆ گەیشتن بە ئارمانجەکانیان کەڵکیان وەردەگرت. بۆ ئەوەی کە بتوانیین ئەم برینە سارێژ بکەین، پێوێستی بە هەستێکی نەتەوەیی هەیە و گەل بە دەستی خۆی دەتوانێ زامەکانی تیمار بکات. بەم بۆنەوە لە گەلی نیشتمانپەروەری کوردستان داوا دەکەین تا بە ڕۆحێکی مرۆڤ دۆستانەوە، بە وێنەی ئەو هاودەردیەی کە لەگەڵ لێقەوماوانی بوومەلەرزە لێدراوی کرماشان و سرپۆل زەهاب کردیان، لەم وەرزەی پڕ لە سەرماو سۆلەوە، باوەشی گەرمی خۆیان بۆ لێقەوماوانی بوومەلەرزەی خارپێت بکەنەوە و بە هاوکاری خۆیان مەرهەمێک بن لە سەر برینی گەلەکەمان لەو بەشەی وڵات. دیسان هاوخەمی خۆمان ئاراستەی گەلی لێقۆماوی خارپێت دەکەین و لە پێچانی زامەکانیان لەگەڵیان دەبین. [1]
#27-01-2020#

کۆمەڵگەی ئیسلامی کوردستان (جیک -CÎK) لەو بارەیەوە ڕاگەیاندراوێکی بڵاوکردەوە ئاماژەی بەوەدا: خوشک و برا ئیماندارەکانمان، بەگوێرەی باوەڕمان پێیوستە هاوکاری کەسانی لێقەوماو بکەین. بەهۆی ئەو بوومەلەرزەیەی کە لە وڵاتەکەمان ڕوویدا و بەو هۆیەوە لە خارپێت و مەلاتێ چەندین کەس گیانیان لەدەستدا و چەندین خانووش ڕووخان. هەزاران کەس پێویستی بە هاوکاریی هەیە.
ماڵەکانیان ڕووخاوە، کەلوپەلەکانیان لەژێر داروپەردووی ماڵەکانیان ماوەتەوە، خەڵکێکی زۆر بریندار بوون و شەهید بوون. بۆیە پێویستە ئێمە هاوکاری خوشک و براکانمان بکەین. لەو بارەیەوەش خودا فەرمانی پێکردووین. بەناوی کۆمەڵگەی ئیسلامی کوردستان (جیک -CÎK) لەسەرمانە ئەو ئەرەکەی سەرشانمان جێبەجێ بکەین. هەم دۆست و هەڤاڵانمان، هەم کۆمەڵگەکەمان بەدڵ و گیان بەشداری ئەو کەمپینەی هاوکاریکردن ببن و دەستی هاوکارییان بۆ کەسانی لێقەوماو درێژ بکەن.
ئەو هاوکارییەی کۆ دەکرێتەوە، بە سەرپەرشتی بەشی دارایی ناوەندەکەمان بەسەر لێقەوماوان دابەش دەکرێت.
پێویستە هیچ مزگەوت و ئەرکدارەکانمان سەربەخۆ هاوکاری نەنێرن. هەموو هاوکارییەکان لە ڕێگەی ناوەندەکەمانەوە دەگەنە لێقەوماوان.
بۆ خوا با هاوکاری کەسوکارەکانمان بکەین!
لەبەر خوا هاوکاری لێقەوماوانی بوومەلەرزەکە بکەن و خاوەنداریان لێ بکەین!
هاوکارییەکە لە مزگەوتەکان و نوێنەراتییەکانمان بەپێدانی پسوولە کۆدەکرێنەوە.[1]
SPARKASSE DORTMUND
IBAN: DE85440501990131023383”
#26-01-2020#

هاوسەرۆکایەتی دەستەی بەڕێوەبەری #کەجەکە# لە سەرەتای ڕاگەیەنراوەکەیدا سەرەخۆشی لە خانەوادە و خزمانی قوڕبانیانی بوومەلەرزەکەی #خارپێت# کرد و هیوای زووچاکبوونەوەی بۆ برینداران خواست.
ڕاگەیەنراوی کەجەکە بەم شێوەیەیە:
پێویستە وەک ڕابردوو گەلەکەمان چۆن لە کارەساتە سروشتیەکاندا هاوکاری پێشکێش کرد، بەو شێوەیە هاوکاری پێشکشی بە زیانلێکەوتووانی خارپێت بکات. چالاکبوون و مرۆڤبوون بەرلەهەموو شتێک لە دۆخێکی بەم شێوەیەدا خۆی دەسەپێنێت. بەهاکان کە لە سەردەمە مێژووییەکاندا خوڵقاوم ئەم هەڵوێستە لەسەرمان دەسەپێنێت. زۆر گرنگە بێ ئەوەی هیواتان بە دەوڵەت بێت، بێ ئەوەی درەنگ بێت، یەکسەر پشتگیری لە زیانلێکەوتووانی بوومەلەرزەکە بکەن. لەبەرئەوەی ئەگەری هەیە کارەساتی وەک بوومەلەرزە، لافاو و کارەساتە سروشتیەکانی تر بەسەر هەر کۆمەڵگایەکدا بێت. بۆیە پێویستە هاوکاری و پشتگیری بەرلەهەموو کەسێک لە کۆمەڵگاوە دەستپێبکرێت.
زۆر جار ئاشکرابووە، دەوڵەت لە خەمی تەندروستی و ئاسایشی گەلدا نییە. دوای بوومەلەرزەکەی مەڕمەڕە لە ساڵی 1999 بەدیان هەزار کەس گیانیان لەدەستدا، ئەو باجەی بۆ بوومەلەرزە کۆکرایەوە، بۆ ڕێوشوێنی بوومەلەرزە خەرجنەکرا. بە ملیۆنان لیرەی تورک و دۆلار بۆ پڕکردنەوەی بودجە و بۆ کاروباری بورژوازی بەکارهێنران. ئەو باجەی بۆ بوومەلەرزە کۆکرایەوە، بۆ ڕێوشوێنی بوومەلەرزەکە کۆنەکرایەوە کە ئەوەش کارەکتەری دەسەڵاتی ئاکەپە پیشاندەدات.
بێ ئەوە پشت بە دەوڵەت ببەستن، ڕێوشوێنی پێویست وەربگرن و پشتگیریەکی بەهێز بکەن
لە 5 و 6 کاتژمێری دوای بوومەلەرزەکەی خارپێکدا ڕاگەیەنرا ژمارەی قوڕبانیان 10 کەس تێپەڕاندووە. بەڵام لەبەرئەوەی دەوڵەتی تورک هەموو کاتێک ژمارەی قوڕبانی و بریندارەکان ئاشکرا ناکات، گەل باوەڕ بەو ئامارانە ناکات. بێگۆمان ئێمە هیوادارین ژمارەی قوڕبانی و بریندارەکان کەم بێت. بە بۆنەی ئەم بوومەلەرزەیەوە دەمانەوێت ئەوە ئاشکرا بکەین، ئەگەر دەسەڵاتی ئێستا نەگۆڕدرێت و لەبارەی بوومەلەرزەوە ڕێوشوێنی پێویستە وەرنەگیرێت، ئەگەری هەیە لەناو گەلەکەماندا لە ساڵەکانی داهاتوودا بە هەزاران قوڕبانی و بریندار بە هۆی کارەساتەکانەوە لێبکەوێتەوە. بەرلەهەموو شتێک پێویستە گەل هیوای بە دەوڵەت نەبێت. خۆی ڕێوشوێن بگرێتە بەر و لەم دۆخەدا پشتگیری لە یەکتری بکەن.
بەرپرسیاری و خەمساری دەوڵەت و دەسەڵات لەبەرامبەر کارەساتە سروشتیەکان بە شێوەیەکی ئاشکرا پیشان دەدات کە پێویستە گەل لە دەوڵەت ڕزگاری ببێت، خۆی بە شێوەیە سیستمی کۆنفدڕالی دیموکراتیک بەڕێوەببات. گەل بە تەنها بە بەڕێوەبەرایەتی خۆی لەبەرامبەر بوومەلەرزە و هەموو کارەساتەکان دەتوانیت خۆی ئامادە بکات.
جارێکیتر سەرەخۆشی لە گەلەکەمان دەکەین و هیوای زووچاکبوونەوە بۆ بریندارەکان دەخوازین و باوەڕمان وایە گەلەکەمان بە شێوەیەکی بەهێز هاوکاری یەکتری دەکات.[1]
#27-01-2020#

هامسەرۆکایەتی کۆنسەو ڕاوەبەری کۆما جڤاکێن کوردستانی - کەجەکە سەبارەت بە بومەلەرزەکەو شارو #خارپێت#-و سەر بە سەرنیشت (باکور)و کوردستانی جە ئەرەیاونیێوەنە سەرەتا سەرەوەیش جە خانەوادێ و کەسوکارەکێ گیان جەدەستدایەکانش کەردەن و وازیارەن بریندارەکێ هەرچی زووەن تەندروستیشان بەدەست باوەرانێوە.
کەجەکە جەختیچش کەردەنەوە: باگەلەکەمان هیوا و چەمەڕاییش جە دەوڵەتی نەبۆنە و بە وێش هامکاری بومەلەرزەونەدریاکانو خارپێت-ی بکەرۆنە.
تەمامی ئەرەیاونایەکەو هامسەرۆکایەتی کۆنسەو ڕاوەبەری کەجەکە-ی:
ئاساییش و تەنسروستی خەڵکی غەمو دەوڵەتی
پنەوازەن چوون ویەردە گەلەکەمان چەنی جە کارەساتە سورشتیەکانە هامکاریش پێشکەش کەردەن، بەهەمان شێوە هامکاری پێشکەش بە بومەلەرزەوندریێکێ خارپێت-ی بکەرۆنە. چونکە ئاشکران کە فرە جارێ ئاساییش و
خەڵکی غەمو دەوڵەتی نەبییەن و نییەن و ئانەیچە جە بومەلەرزەکەو 1999 مەڕمەڕە- یەنە کە هەزاران کەسێ بیێ قوربانیێ سەلەمیان و تەنانەت ئا پوڵ و هامکاریە دارایە کە کۆکریاوە پەی خەڵکە بومەلەرزەونەدریاکەی خەرج نەکریا و ئانەیچە بەد کەردەیی ئاکەپەی نیشانە مەدۆنە.
ئامارەکێ دەوڵەتی یاگێ باوەڕی نییەنێ
جە دمای 5-6 سەعاتێ جە بومەلەرزەکەی ئاشکرا کریابێ کە تەنها 10 کەسێ بینێ قوربانێ، بەڵام چونکە دەوڵەت ژمارەو تەمامو قوربانیەکان ئاشکرا نمەکەرۆنە پەوکەی گەل و ڕای گردین باوەڕی بە ئامارەکانیش نمەکرانێ. بێگومان ئێمە هیوادارێنێمی کە ژمارەو قوربانیەکان کەمتەر بۆنە، بەڵام کەمتەرغەمی و کێماسی دەسەڵاتی دیارەن و حاشانەکریان، ئەگەر دەسەڵاتداری ئیسەی نەفاڕیۆنە و پەی کارەساتە سروشتیەکان ڕاوجا نەگیریۆنەوەر، ئەگەر هەن تا جە ئایندەنە بە کارەساتە سروشتیەکان دلێشەنە بومەلەرزە هەزاران کەسێ تەرێ ببانە قوربانیێ. جە چنین بارودۆخێوەنە فرە گرنگە تا گەل بەوێش ڕاوجا بگێرۆنەوەر و هامکاری و پەشتیوانی هەنتری بکریۆنە.
پنەوازەن گەل وێش جە دەوڵەتی ڕزگار بکەرۆنە
شانە هاڵیکەردەی دەوڵەتی جە وەرپرسیاری و کەمتەرغەمی و کەموکوڕیەکێش بە ئاشکرا سەلەمنۆنەش کە پنەوازی هەن تا گەل وێش جە دەوڵەتی ڕزگار بکەرۆنە و بە سیستمی کۆنفدڕالی دیموکراتیک کاروبارش ڕاوەبەرۆنە و تەنها بەوی تەورە مەتاوۆنە ئامادەکاری پەی کارەساتە سروشتیەکان و ڕووبەڕووبەیشان بکەرۆنە و بپارێزنۆنە.
هامکاری یەکتری و بومەلەرزەوندریێکێ خارپێت-ی بکەردێ
چوون هامسەرۆکایەتی کۆنسەو ڕاوەبەری کۆما جڤاکێن کوردستانی - کەجەکە جارێوی تەر سەرەوەی جە خانەوادێ و کەسوکارێ گیان جەدەستدایەکان مەکەرمێنە و وازیارێنمێ هەرچی زووەن بریندارەکێ تەندروستیشان بەدەست باوەرانێوە و باوەڕمان هەن کە گەلەکەمان بە شێوازێوی فراوان و کارا هامکاری هەنتری و بومەلەرزەونەدریاکانو خارپێت-ی مەکەرانێ.[1]
#27-01-2020#