سوپای تورکی داگیرکەر و چەتەکانی بێوەستان هێرش و بوردۆمانەکانیان بەردەوامی پێدەدەن و لەو چوارچێوەیەدا:
13ی کانونی دووەم سوپای داگیرکەر و چەتەکانی گوندی مشرەفا و گوندەکانی دەوروبەریان بە چەکی قوڕس تۆپباران کرد.
گروپە چەتەکان و سوپای تورکی داگیرکەر بە چەکی قوڕس، هاوەن و ئۆبۆس، گوندەکانی سەیدا، ئەلهۆز، ئەریدا، بیر کینۆ، ئیبراهیم ئەلکوردی، مەردودا، خربت بەگەر و دەورەبەری ڕێگای ئێم4ی نێودەوڵەتیان بە سەختی تۆپباران کرد. لە ئەنجامی تۆپبارانی 15ی مانگدا #شەڕڤان#ێکمان بە سەختی بریندار بوو. دواتر شەڕڤانەکەمان بە هۆی سەختی برینەکەیەوە شەهید بوو. هەروەها زیانی مادی بەر هاوڵاتیانی ناوچەکە کەوت.
لە لایەکی ترەوە یەکینەکانی دژە تیرۆرمان 14ی کانونی دووەم لە دێرەزۆر لە چالاکیەکدا ئەبو ئەلوەرد ئەلعێراقیان کوشت کە بەرپرسی نەوت و ئابوری شانە نووستووەکانی #داعش# بوو و چالاکی چەتەکانی لە هەرێمەکە بەڕێوەدەبرد، هەروەها چەتەکی تریش کە ناوی نەزانرا کوژرا. دەست بە سەر ژمارەیەک چەک و تەقەمەنی و بەڵگەشدا گیرا.[1]
#19-01-2020#

ناوەندی ڕاگەیاندنی هێزەکانی سووریای دیموکراتیک (قەسەدە) ڕاگەیەنراوێکی بڵاوکردەوە و ڕایگەیاند، چەتەکانی #داعش# لە بەرەی هەجین هێرشیان کردووەتە سەر خاڵەکانی #شەڕڤان#انی قەسەدە، بەڵام شەڕڤانان وەڵامیان داونەتەوە و شەڕ هاتووەتە ئاراوە.
قەسەدە ئاماژەی بۆ ئەوە کردووە، شەڕڤانان هێرشی چەتەکانیان تێکشکاندووە و گورزی تووندیان لێ داون و 49 چەتەی داعش کوژراون.
دەقی ڕاگەیەنراوی قەسەدە:
بەرەی هەجین
(لە بەرەی هەجین تێرۆریستانی داعش هێرشی بنکەکانی شەڕڤانانی ئێمەیان کرد، شەڕڤانان وەڵامی هێرشەکانیان دایەوە و لەنێوان هێزەکانمان و تێرۆریستاندا شەڕێکی سەخت ڕوویدا. شەڕڤانان گورزی تووندیان لە چەتەکان دا و هێرشەکەیان تێکشکاند.
لە لایەکی دیکەوە فڕۆکەکانی هاوپەیمانەتیی نێونەتەوەیی چەند بنکەیەکی تێرۆریستانیان بۆمباران کرد. لێرەش ژمارەیەک تێرۆریست کوژران، هەروەها بنکەکانی فەرماندارەتی، تونێلەکان، سەکۆکانی تۆپهاویشتن و ئۆبوس تەقێنرانەوە. ئۆتۆمبێلێکی بۆمبڕێژکراوی چەتەکانیش تێکشکێنرا.
هاوکات لە لایەکی دیکەوە تێرۆریستان هەوڵیان دا خۆیان بگەیەننە خاڵێکی شەڕڤانانی ئێمە، بۆ ئه و مەبەستە چەکی قورس و ئۆتۆمبێلی بۆمبڕێژکراویان بەکارهێنا، بەڵام شەڕڤانانمان وەڵامیان دانەوە و هەژمارێک چەتە کوژران و ئەوانی دیکەش هەڵاتن.
فڕۆکەکانی هاوپەیمانان هێرشیان کردە سەر بنکەکانی تێرۆریستان، لە ئەنجامدا تونێل و چەند بنکەیەکی فەرماندارەتیی تەقێنرانەوە و ڕێگەی گەیاندنی هاریکاریی بە چەتەکان داخرا.
ئامار
- 49 تێرۆریست کوژران.
- 8 بنکەی تێرۆریستان تەقێنرنەوە، 2 ڕێگەی گواستنەوە داخران، 3 تونێل، 10 بنکەی بەرگری، ئۆتۆمبێلێکی بۆمبڕێژکراو و سە#کۆیە#کی هاوەن تەقێنرانەوە.
- فڕۆکەکانی هاوپەیمانان لە 27 شوێنیان دا.)[1]
#06-11-2018#

دەقی ڕاگەیەنراوی قەسەدە:
بەرەی باغۆز
بەیانیی ئەمڕۆ لە ناوچەکە چەتەکان دەستیان بە جموجۆڵ کرد. #شەڕڤان#انی ئێمە چەتەکانیان کردە ئامانج و لە 6 شوێن شەڕی سەخت ڕوویدا. تێرۆریستان چەکی سوک و قورسیان بەکارهێنا و هەوڵیان دا بە ئۆتۆمبێل هەڵبێن، بەڵام شەڕڤانان چەتەکانی نێو ئۆتۆمبێلەکەیان کردە ئامانج و کوشتنیان. هەروەها چەتەیەک کە چەکی بی کەی سی هەڵگرتبوو، کوژرا. لە هەمان کاتدا شەڕڤانانی ئێمە کۆبوونەوەیەکی تێرۆریستانیان بە هاوەن کردە ئامانج و جەخت لەسەر ئەوە کرایەوە کە 3 تێرۆریست کوژراون.
هەروەها تۆپهاوێژەکانی هاوپەیمانەتیی نێونەتەوەیی چەندین بنکەی تێرۆریستانیان کردە‌ ئامانج، بەڵام ئەنجام ڕوون نەبوویەوە. فڕۆکەکان بنکە و ناوەندەکانی تێرۆریستانیان بۆمباران کرد.
ئێوارەش چەتەکان هەوڵیان دا لە 2 قۆڵەوە هێرش بکەنە سەر خاڵەکانی شەڕڤانانمان لە ناوەندی شارۆچکەی سووسە، لە ئەنجامدا شەڕێکی سەخت ڕوویدا. ئەندامانی ڕێکخراوی تێرۆریستی هەوڵیان دا هێڵەکانی بەرگریی هێزەکانمان بشکێنن، بەڵام شەڕڤانەکانمان وەڵامیان دانەوە و لە ئەنجامدا ژمارەیەکی زۆری تێرۆریستان کوژران و ئەوانەی مابوونەوە هەڵاتن.
هەروەها ڕێکخراوی تێرۆریستی #داعش# جارێکی دیکە هەوڵی دا خۆی کۆبکاتەوە و هێرشێکی دیکەی لە دژی خاڵەکانی شەڕڤانانی ئێمە ئەنجام بدات، بەڵام شەڕڤانان وەڵامیان دانەوە و لەگەڵ تێرۆریستە هێرشکارەکان کەوتنە نێو شەڕێکی سەخت. لە هەمان کاتدا، فڕۆکەکانی هاوپەیمانان بۆمبارانی بنکە و ناوەندەکانی تێرۆریستانیان کرد. لە ئەنجامدا هێرشەکە تێکشکێنرا و ژمارەیەکی زۆری تێرۆریست کوژران و تەرمی 10 تێرۆریست کەوتە‌ دەستی شەڕڤانانی ئێمە.
جارێکی دیکە تێرۆریستان لە ڕێی ئۆتۆمبێلی بۆمبڕێژکراو و پانزێری سەربازییەوە هاتنە نێو هێزەکانی ئێمە. بەڵام شەڕڤانان ئۆتۆمبێلێکی ئەوانیان تەقاندەوە و ئەوانی دیکەش لە مەیدانی شەڕ هەڵاتن. هەروەها شەڕڤانانمان دوو تێرۆریستیان کردە ئامانج کە پشتوێنی بۆمبڕێژکراویان بەستبوو و نەیانهێشت بگەنە خاڵەکانی شەڕڤانان. شەڕڤانان دەستیان بەسەر چەک و پشتوێنە بۆمبڕێژکراوەکاندا گرت.
بەرەی هەجین
لەم بەرەیە جار جار شەڕ هەیە، هەروەها جار جار بە هاوەن تۆپبارانی ناوچەکە دەکرێت. ڕێکخراوی تێرۆریستی هەوڵ دەدات هێرش بکاتە سەر خاڵی شەڕڤانانی ئێمه، بەڵام هەموو هەوڵەکانیان شکستی هێنا. چونکە شەڕڤانانی ئێمە بەئاگان و چاودێری هەموو جموجۆڵێکی تێرۆریستان دەکەن.
ئامار
- 51 تێرۆریست کوژران، تەرمی 10 له و تێرۆریستانە کەوتنە دەستی شەڕڤانانی ئێمە.
- ئۆتۆمبێلێکی بۆمبڕێژکراو و ئۆتۆمبێلێکی سەربازی تەقێنرانەوە.
- چەکێکی بی کەی سی، 2 پشتوێنی بۆمبڕێژکراو و چەند چەکێکی کڵاشینکۆف لە لایەن شەڕڤانانەوە دەستیان بەسەردا گیرا.
- فڕۆکەکانی هاوپەیمانان 18 جار هێرشیان ئەنجام دا.
- 7 مووشەکی جۆری هایمەرز هاویشترانە بنکەکانی تێرۆریستان.[1]
#24-10-2018#