بەهۆی ڕووداوێکی هاتووچۆ ڕۆژی #07-02-2019#، شەهید بووە.
ئارین شەنگال هەر خولەکێکی ژیانی خۆی بە فیداکاریی و تێکۆشان ڕازاندبووەوە، یەکێک لە ژنانی ئێزدیخان بوو، کە بە دیل کەوتە دەستی چەتەکانی #داعش#، بە زیرەکی خۆی، خۆی لە دەستی چەتەکان ڕزگار کرد و لەناو ڕیزەکانی بەرخۆداندا جێی گرت، هەڤاڵ ئارین کە لە هەموو قۆناغەکانی شەڕی دژی داعش ئامادە بوو، دوای شەڕی ڕەقە هاتە شەنگال و وەک پێشەنگ و بەڕێوەبەر بەشداری ڕیزەکانی یەژەشە بوو، لەسەر ڕێگای خاتوون فەرخا، زەریفە ئۆسە، بریڤان و ئارینەکان بووبە ڕۆحی بەرخۆدانی ژنانی ئێزدی.

دژایەتی و دوژمناکاریی دەوڵەتی تورکیا بەرامبەر هەموو کوردان و باوەڕدارانی ئێزدی بەردەوامە. فڕۆکە جەنگییەکانی دەوڵەتی تورکیا دوێنێ 15ی ئابی 2018 شەنگالیان بۆمباران کرد و چەندین کەسی ئێزدی بوونە قوربانی و ژمارەیەکی زۆریش بریندار بوون.
ئێمە ئەو هێرشە نامرۆڤانەیە بە توندی ڕیسوا و شەرمەزار دەکەین. هەمانکات سەرەخۆشی لە گەلی کوردستان و باوەڕدارانی ئێزدی دەکەین.
شەنگال کە مەڵبەندی ئێزدییەکانە، لە 3ی ئابی 2014ەوە لەژێر داگیرکاریی #داعش#دا بوو. لەو هێرش و داگیرکارییەدا دەیان هەزار کەس ئاوارەو دەربەدەربوون و بە هەزاران ئێزدیش بێ سەروشوێن بوون و کۆمەڵکوژ کران. هەزاران ژن ڕفێنران و لە بازاڕی کۆیلایەتیدا فرۆشران. تا ئێستاش هەزاران ژنی ئێزدی هەر بێ سەروشوێنن.
یەکێک لەو گوندانەی کە داعش داگیری کرد، گوندی کۆجۆ بوو. تێرۆریستەکانی داعش لە 15ی ئابدا دەستیان بەسەر کۆجۆدا گرت. زیاتر لە 400 ئێزدی لەوێدا کۆمەڵکوژ کران، کە زۆرینەیان ژن و مناڵ بوون. بەسەدان کەسیان ڕفاند. زیاتر لە 500 ژنیان گەمارۆدا و دواتر بەدیل بردیانن و تا ئێستاش شوێن بزرن.
دوێنێ لە چوارەمین ساڵوەگەری کۆمەڵکوژیی کۆجۆدا، کۆبوونەوەیەکی جەماوەریی بۆ بەبیرهێنانەوەی ئەو تاوانە بەڕێوەچوو. کەژاوەی مەراسیمەکە کەوتە بەر هێرشی فڕۆکە جەنگییەکانی تورکیا. ژمارەیەکی زۆر گیانیان لەدەستداو بریندار بوون. یەکێک لەو کەسانەی کە لە ئەنجامی بوردومانەکەدا شەهید بوو، زەکی شەنگالی (ئیسماعیل ئۆزدەن) بوو کە ڕێبەرێکی ئێزدییەکان بوو. زەکی شەنگاڵی لە 2014ەوە ئەو هەرێمەی بەجێنەهێشت. ڕێبەرایەتی خەڵکەکەی دەکرد و خاوەندارەتی لە گەلی خۆی دەکرد. زەکی شەنگالی هەر ڕێبەرێکی ئێزدی نەبوو، ئەو سیاسەتمەدارێک و شۆڕشگێڕێکی گەلی کوردستان بوو. ئەو هەموو ژیانی خۆی بۆ خزمەتی گەلی کوردستان تەرخان کردبوو. 35 ساڵی تەواو بێ وچان لە ڕێزی شۆڕشی کوردستاندا لە تێکۆشاندا بوو. تا دواجار گەیشتە کاروانی شەهیدانی کوردستان.
دەوڵەتی تورکیا بە سەرۆکایەتی #ڕەجەب تەیب ئەردۆگان#، تا ڕۆژی ئەمڕۆش هاوکاری تێرۆریستەکان بووە، لە پێشیانەوە داعش و ئینجا هەموو جیهادیستەکانی دیکەش. دەوڵەتی تورکیا بە ئاشکرا لە شەنگال و کۆبانێ هاوکاری ڕێکخراوی تێرۆریستی داعش بوو. بە هێرشەکەی دوێنێش، جارێکی دیکە دەوڵەتی تورکیا دوژمنایەتی خۆی بۆ خەڵکی ئێزدی دووپات کردەوە. ئەو هێرشە تەواوکەری هێرشەکەی داعشە، بەردەوامیی هێرشی 15ی ئابە، بەردەوامیی فەرمانی 73هەمینە.
شەنگال لەنێو خاکی عێراقدایە و 150 کیلۆ مەتر لە سنووری تورکیاوە دوورە. تورکیا بەو هێرشە جارێکی دیکە هەموو پەیمان و نۆرمە نێودەوڵەتییەکانی خستە ژێرپێی. ئەو دەوڵەتە بە ئاشکرا تاوانی دژ بە مرۆڤایەتی بەڕێوە دەبات. دەوڵەتی عێراقیش بە بێدەنگییەکەی و ئەرێکردنەکەی لەو هێرشە بەرپرسیارە. بە هەمان شێوە بێدەنگی و بێهەڵوێستی بەڕێوەبەرایەتی باشووری کوردستانیش جێی گومانە و دەبێتە هاندەر لەو جۆرە تاوانەدا. خەڵکی شەنگال کە بەشی هەرەزۆریان ئێزدین، ئەمڕۆ زیاتر ئاشکرا بوو کە ئەوان بەردەوام لەژێر هەڕەشە و هێرشی کۆمەڵکوژیدان.
لەو بارەیەوە ئێمە داوا دەکەین سەرەتا لە هاوپەیمانیی نێودەڵەتیی دژی داعش، لە هەموو هێز و ڕێکخراوە نێونەتەوەییەکان، لە هەموو ئەو کەسانەی بە خۆیان دەڵێن (من مرۆڤم)، لە بەرامبەر ئەم هێرشانەدا هەڵویستی جدیی پیشانبدەن و خاوەندارێتی لە باوەڕدارانی ئێزدی بکەن.
هەروەها بانگی هەموو هێز و پارت و ڕێکخراو و گەلی کوردستان دەکەین خاوەندارێتی لە شەنگال و خەڵکی ئێزدی بکەن و هەڵوێستی جدیی لەبەرامبەر ئەم هێرشانەدا بگرن.
#16-08-2018#
بڕۆکسل

شوێن: #شەنگاڵ#
رۆژ یان ساڵی گیرانی وێنەکە: 1977ی زایینی
ناوی وێنەگر: شەنگاڵ، کریس کۆچێرا گرتویەت.
لە ئەکاونتی شوان سلێمان وەرگیراوە.[1]

[1]

دەوڵەتی کۆنەپەرست و داعش پەروەری تورکیا ئەمڕۆ 25ی نیسان، لەرێگای 26 فڕۆکەی جەنگیەوە هێرشێکی ئاسمانی فراوانی کردە سەر شارۆچکەی شەنگاڵ و چیای قەرەجوخ و کانتۆنی جەزیرە کە بووە هۆی کوژران و برینداربوونی چەندین پێشمەرگەی پارتی و گەریلاو شەڕڤانی پەکەکە و پەیەدە.
ئامانجی ئەم هێرشە لەلایەن دەوڵەتی تورکیاوە بۆ دەرپەڕاندنی هێزەکانی پەکەکەیە لە شەنگاڵ و تەنگ هەڵچنینە بە پەیەدە کە بە درێژکراوەی پەکەکەی دەزانێت. هێرشەکەشی لە هەلومەرجێکدا ئەنجام داوە کە خەریکە جەنگی داعش بەرەو کۆتایی دەچێت و ئارایشی سەربازی و سیاسی ناوچەکە ئاڵوگۆڕی گەورەی بەسەردا دێت. بارگرژی و ئاڵۆزی زیاتر ڕوو لەناوچەکە دەکات بەهۆی ململانێ ی نێوان هێزە جیهانی و ئیمپریالیستیەکان و دەوڵەت و هێزە ناوچییەکانەوە، کە هەریەکەیان دەیەوێ بەشە غەنیمەی دوای شکستی داعش بۆخۆی بچنێتەوە. دەوڵەتی تورکیاش بە سەرۆکایەتی ئۆردوگان و حکومەتی ئاکەپە، دەیەوێ بەشێکی بەرچاوی لەو غەنیمەیە دەست بکەوێت!
بۆرژوازی تورکی بەسەرکردایەتی ئەکەپەو ئۆردوگان، لەپاڵ ئەوەی کە هەوڵ دەدات پێگەی تورکیا وەکو هێزێکی سیاسی- سەربازی ناوچەیی کاریگەر و ستراتیژی جێگیر بکات، هاوکات لە هەولێ ئەوەدایە لە دابەشکاریە ئابوریەکانی ناوچەکەدا پێگەیەکی گەورەی هەبێت و ئەو قەیرانە ئابوریەش کە ڕوبەرووی بوەتەوە بە ئاراستەی قایمکردنی دەسەڵات و سیستەمەکەی یەکاڵا بکاتەوە. بۆ گەیشتن بەم ئامانجەی دوو جەنگی هاوزەمانی دژی خەڵکی کرێکارو زەحمەتکێش و دژی نەیارە سیاسیەکانی لە ئاستی ناوخۆی تورکیا و لەئاستی دەرەوەو لە نزیک سنورەکانیدا بەرپاکردوە.
ئۆردوگان و پارتە کۆنەپەرستە ئیسلامیە نەتەوەپەرستە شۆڤێنیەکەی، لەدوای کۆدێتا سەربازیە سەرنەکەوتوەکەی تورکیاوە و بە بەکارهێنانی وەکو بیانویەک، دەستی داوەتە داپڵۆسین و سەرکوتی سیاسی و پڕکردنی زیندانەکان لە نەیارە سیاسیەکانی. کەشوهەوای جەنگی بەسەر ناوچە کوردنیشینەکاندا داسەپاندۆتەوە. بارودۆخێکی سیاسی میلیتاریزەکراوی بەسەر خەڵکی تورکیادا سەپاندوە. ڕیفراندۆمی گۆڕینی دەستوری تورکیاش کە دەسەڵاتێکی ڕەهای بۆ ئۆردوگان و پارتەکەی دەستەبەر کرد، پرۆسەی توندکردنەوەی سەرکوتی سیاسی بە سەرەنجام گەیاند. بۆرژوازی تورکی پێویستی بە سەرکوت و بێدەنگکردنی چینی کرێکارو بزوتنەوەی کرێکاری و یەکسانیخوازی و پێشکەتنخوازی ئەو وڵاتەیە، تا ڕۆژە ئالتونیەکانی سەرمایە لە تورکیا دەست پێبکاتەوە. هێرشە ئاسمانیەکەی بۆسەر شەنگاڵ و قەرەجوخ و کانتۆنی جەزیرە گۆشەیەک دەبێت لە سیاسەتی جەنگخوازی و هێزنیشاندانی دەوڵەتی تورکیا و ئامانجێکی کۆنەپەرستانەو دژی کرێکاری و دژی ئینسانی جێبەجێ دەکات کە هاوکات دەبێتە یەکێک لە فاکتەرەکانی ڕاکێشانی ناوچەکەش بۆ ناو گێژاوی سیاسی و نائارامی و جەنگی زیاتر. ئێمە لە حزبی کۆمۆنیستی کرێکاریی کوردستان ئەو هێرش و بۆرودمانە ئاسمانیە درندانەیەی دەوڵەتی فاشیست- ئیسلامی تورکیا کە بە ئاگاداری بارزانی ئەنجامی داوە بە توندی ئیدانەی دەکەین.
حزبی کۆمۆنیستی کرێکاریی کوردستان
25-04-2017