بە بۆنەی کۆچی دوایی هونەرمەند #عومەر چاوشین#، #نێچیرڤان بارزانی# پەیامێکی سەرەخۆشی بڵاوکردەوە، لە بەشێکی پەیامەکەدا هاتووە، هونەرمەند عومەر چاوشین، تەمەنێکى بە خزمەتکردنى هونەرى دراما و شانۆى ‏کوردى بەخشى و بە کار و بەرهەمە جوانەکانى، هەمیشە یادى بە زیندوویى ‏دەمێنێتەوە. یادى بە خێر و گیانى شاد بێت.‏
دەقی پەیام:
پرسەنامەیەک لە سەرۆکى هەرێمى کوردستانەوە‏
بۆ کۆچى دواییى خوالێخۆشبوو هونەرمەند عومەر چاوشین، پرسە و سەرەخۆشیى ‏قوڵم ئاڕاستەى خێزان و کەسوکار و هاوڕێیانى و هونەرمەندان و هونەردۆستانى ‏#سلێمانى# و کوردستان بەگشتى دەکەم. هاوسۆز و هاوخەمیانم. لە خواى مەزن ‏داواکارم گیانى خوالێخۆشبوو بە بەزەیى و میهرەبانیى خۆى شاد بکات و ئارامى و ‏دڵنەوایى بە هەمووان ببەخشێت.‏
هونەرمەند عومەر چاوشین، تەمەنێکى بە خزمەتکردنى هونەرى دراما و شانۆى ‏کوردى بەخشى و بە کار و بەرهەمە جوانەکانى، هەمیشە یادى بە زیندوویى ‏دەمێنێتەوە. یادى بە خێر و گیانى شاد بێت.‏ [1]

#نێچیرڤان بارزانى#
سەرۆکى هەرێمى کوردستان
#16-01-2023#

بەڕێز بنەماڵەی ﮪونەرمەندی
ناوداری کورد #عومەر چاوشین#

بەداخەوە هەواڵی کۆچی دوایی هونەرمەندی ناوداری کورد و ئەکتەری دیاری بواری فیلم و شانۆ (عومەر چاوشین) مان پێگەیشت.

عومەر چاوشین یەکێکبوو لە ئەکتەرە بە تواناکانی بواری شانۆ و دراما و سینەمای کوردی و لەو بوارەدا مێژوویەکی سەنگین و جوانی بۆ خۆی و نەتەوەکەی تۆمارکردووە و یەکەمین هونەرمەندی کورد بووە کە ڕۆڵی ئافرەتی بینیوە، بە داخەوە لە دەستدانی خەسارەتێکی گەورەیە بۆ ناوەندی هونەر و ڕۆشنبیریی کوردی.

بەم بۆنە خەمناکەوە، پرسە و سەرەخۆشی خۆمان ئاڕاستەی بەڕێزتان و کەس و کار و دۆست و هەڤاڵانی و سەرجەم هونەرمەندانی کوردستان دەکەین و خۆمان بەهاوبەشی خەمتان دەزانین.

لە خودای گەورە داواکارین سەبر و ئارامی و دڵنەوایی بە هەموو لایەک بدات و گیانی خوالێخۆشبوو بەردلۆڤانی خۆی بخات و بە بەهەشتی بەرینی شاد بکات. [1]
انا للە وانا الیە (راجعون)

#ئومێد خۆشناو#
پارێزگاری #هەولێر#
#2023-01-15#

پرسە و سەرەخۆشی لە بنەماڵە و کەسوکاری بەڕێزی هونەرمەندی ناسراوی بواری شانۆ و درامای کوردی #عومەر چاوشین# دەکەم کە لە ڕێگەی بەرهەمەکانییەوە ، خزمەتێکی زۆری هونەری کوردی کردووە.
لە خوای مەزن و دلۆڤان داواکارم خوالێخۆشبوو بخاتە بەر میهرەبانیی خۆیی و گیانی بە بەهەشت شاد بکات و دڵنەواییش بە بنەماڵە و دۆست و ئاشنایانی ببەخشێت. [1]

#مەسرور بارزانی#
سەرۆکی حکومەتی هەرێمی کوردستان
#2023-01-16#

بەناوی خودای مەزن و دلۆڤان

بەداخێکی زۆرەوە هەواڵی کۆچی دوایی کەسایەتیی ناسراو و هونەرمەندی کورد (#عومەر چاوشین#)م پێ گەیشت.
خوالێخۆشبوو عومەر چاوشین
لە بواری هونەری شانۆ و درامای کوردیدا دڵسۆزانە خزمەتێکی بەرچاوی بە هونەری میللەتەکەی کردووە، پرسە و سەرەخۆشیی خۆم ئاڕاستەی خانەوادە و کەسوکار و هونەرمەندانی کوردستان دەکەم و خۆم بە هاوبەشی خەمیان دەزانم.
لە خودای گەورە داواکارم گیانی خوالێخۆشبوو کاک عومەر چاوشین بە بەهەشتی بەرین شاد بکات و سەبر و ئارامی بە هەموو لایەک ببەخشێت. [1]

انا للە و انا الیە (راجعون)

#مەسعود بارزانی#
16ی کانوونی دووەمی 2023

بەناوی خوای بەخشندەی میهرەبان

بە دڵێکی ڕازی بە قەدەری خوای گەورە، بە بۆنەی کۆچی دوایی هونەرمەندی ناسراوی پارێزگای #سلێمانی#، بەناوی وەزارەتی کارو کاروباری کۆمەڵایەتی ، پرسە و سەرەخۆشی ئاڕاستەی خۆمان کەس و کارو خانەوادە و سەرجەم هاووڵاتیانی سنووری پارێزگای سلێمانی دەکەین.

کۆچی دوایی هونەرمەند خەسارێکی گەورەیە لە بواری شانۆو ئەدەب و ڕۆشنبیری کوردیدا، لە خوای گەورە دەپارێینەوە کۆچکردوو شوێنی بەهەشت بێت و سەبوری کەس و کارو بنەماڵەکەی بدات و دوا خەمیان بێت.

هیوادارین توانیبێتمان لەماوەی ئەو 4ساڵەی لە ماڵی بەساڵاچوانمان بووە لەپارێزگای #هەولێر#، خزمەتێکی شایستەمان بە کۆچکردوو کردبێت و شەرەفێکی گەورەیە خزمەتمان بە هونەرمەندێکی گەورەی بواری شانۆکردووە.[1]
انا للە وانا الیە (راجعون)

#کوێستان محەمەد#
وەزیری کار و کاروباری کۆمەڵایەتی
15ی1ی2023

$بەناوی خودای مەزن و دلۆڤان$
بەداخێکی زۆرەوە هەواڵی کۆچی دوایی کەسایەتیی ناسراو و هونەرمەندی کورد #عومەر چاوشین#م پێ گەیشت.
خوالێخۆشبوو عومەر چاوشین
لە بواری هونەری شانۆ و درامای کوردیدا دڵسۆزانە خزمەتێکی بەرچاوی بە هونەری میللەتەکەی کردووە، پرسە و سەرەخۆشیی خۆم ئاڕاستەی خانەوادە و کەسوکار و هونەرمەندانی کوردستان دەکەم و خۆم بە هاوبەشی خەمیان دەزانم.
لە خودای گەورە داواکارم گیانی خوالێخۆشبوو کاک عومەر چاوشین بە بەهەشتی بەرین شاد بکات و سەبر و ئارامی بە هەموو لایەک ببەخشێت. [1]
انا للە و انا الیەراجعون

#مەسعود بارزانی#
#16-01-2023#

ناو: عومەر
نازناو: عەمەر چاوشین
ساڵی لەدایکبوون: 1942
ڕۆژی کۆچی دوایی: #15-01-2023#
شوێنی لەدایکبوون: #سلێمانی#
شوێنی کۆچی دوایی: سلێمانی
$ژیاننامە$=KTML_Photo_Begin=https://www.kurdipedia.org/files/relatedfiles/2008/529/0005.JPG=KTML_Photo_Alt=عومەر چاوشین=KTML_Style=width:20%;height:20%;float:right;=KTML_Photo_Target_Link=https://www.kurdipedia.org/files/relatedfiles/2008/529/0005.JPG=KTML_Photo_End=
لە ساڵی 1942 لە گەڕەکی #گۆیژە#ی سلێمانی لەدایکبووە، لە ساڵی 1967 لە #تیپی نواندنی سلێمانی# بووەتە ئەندام.بەهۆی کەمی هونەرمەندی ئافرەت، لە ساڵانی شەستەکانەوە تاوەکوو کۆتایی هەشتاکانیش، زۆربەی جار ڕۆڵی ئافرەتی بینیوە. لەگەڵ هونەرمەند #مەکی عەبدوڵڵا#دا کۆمەڵێک چیرۆکی تەمسیلییان بۆ #تەلەڤزیۆنی کەرکووک# دەرکردووە.
ئێوارەی ئەمڕۆ یەکشەممە 15-01-2023، هونەرمەند عومەر چاوشین لە سلێمانی کۆچی دواییکرد.
کاتژمێر 9:00ی سبەی بەیانی تەرمی عومەر چاوشین لە مزگەوتی شێخ فەریدەوە بەرەو گۆڕستان بەڕێدەکرێت و لەوێ لە ڕێوڕەسمێکدا بە خاک سپێردرا..
$کارەکانی$
- پیسکەی تەڕ پیر
- جەنابی موفەتیش
- ژن بە ژن
- ماوتە کاولی کەی
- شایی خوێناوی
- گۆڕ هەڵکەن
- مشتەی ناو هەمانە
- مەکری ژنان
- لە چایخانەدا
- بلیت و زاوا
- کرێ گرتە
- مەلموس
- قڵیشایەوە
- کێچ
- سێ گوڵی ژاکاو
- چاوی ڤێتنام
- شێخی تەپڵە ڕەش
- دڵۆپی خوێن
- مامە خەمە

خاوەنی مەفرەزەی تایبەتی سەردەمی بەعس

ساڵی 1956 لەبنەماڵەیەکی هەژارو جوتیار چاوی بەژیان هەڵهێناوە، کەسێکی سادەو شوانێکی گوندی کەڵەکنی سەر بەشارەدێی سەرچنار بووە، بەرلەوەی ببێت بەپێشمەرگە هەر لەبەر هەژاری و کەمدەستی نەیتوایوە خوێندن تەواوبکات، لەبەرئەوەی خێزانەکەیان زۆربووە هاوکاری باوکی کردووە لەکارو فەرمانەکانی ڕۆژانەیدا، ساڵی 1974 بووە بەپێشمەرگەی بەتالیۆنی (6)ی هێزی ڕزگاری تا نسکۆی شۆڕشی ئەیلول لەساڵی 1975، دوای هەلایسانی شۆڕشی نوێ لەساڵی 1977 بووە بەپێشمەرگە لەهەرێمی (4)ی ئەوسا، دوای ماوەیەکی کەم لەبەر ئازایەتی و لێهاتوویی کراوە بەفەرماندەی مەفرەزە، پاشان پلەکانی پێشمەرگایەتی بڕیوە تا بۆتە فەرماندەی یەکێک لەکەرتەکانی تیپی47ی پیرەمەگرون، مایەی داخە تا ئێستا لەهیچ بلاوکراوەو میدیایەکدا باسی ئەم کەڵە شەهیدەی ڕۆژانی سەختی خەباتی کوردایەتی وەک پێویست نەکراوەو پێشم وایە هاوڕێکانیشی لەو ڕووەوە کەمتەرخەم بوون. ئەم کەڵە شەهیدە جگەلەوەی فەرماندەیەکی ئازاو بوێر بووە، تا بڵێیت کەسێکی دڵسۆزو سەنگین بووە لەناو هێزی پێشمەرگەی کوردستان و گوندنشینەکاندا، هەرکەسێک بۆ یەکەمینجار بیدیایە زۆر حەزی بەهاوڕێیەتی دەکرد، چونکە خۆی بەپێشمەرگەیەکی سادەو ساکار دەزانی و وەک فەرماندەیەک هەرگیز خۆی نیشاننەدەدا، بەلای هەرکەسێکدا بڕۆیشتایە نەیدەزانی فەرماندەیە، هەر بۆنموونە جارێکیان لەیەکێک لەشەڕەکانی دۆڵەروتددا زۆر بەلێبڕاوانەو ئازایانە شەڕدەکات و هەڵمەتی یەک لەدوای یەکی دەبرد بۆ دوژمن، پێشمەرگەیەکی هاوسەنگەری واتە وەک هاوڕێیەکی پێشمەرگایەتی کەنەیدەناسی لێی پرسی تۆ کێیت، بەلام شەهید عومەر چاوشین نەیووت من فەرماندەی کەرتێکم و پێیوت هێزی بەرگریم، ئەوندە خۆشەویستی ناو هاوسەنگەرو هێزی پێشمەرگەی کورستان بوو کەرتەکەی لەهەموو کەرتی تیپەکان پێشمەرگەی زیاتربوو، فەرماندەیەکی ئەوەندە بەتوانا بوو بۆ هەرکارێک ڕایان بسپاردایە چەند مەترسیدارو گرنگیش بوایە ئەگەر سەری خۆی دابنایە دەبوو جێبەجێی بکردایە، بەلام سەدمەخابن لەڕۆژی #24-03-1991# لەراپەرینە مەزنەکەدا لەچیمەن لەگەڵ چەندین هاوڕێی دیکەیدا شەهیددەبێت.
تائێستاش لاشەی پیرۆزی بزرەو نەدۆزراوەتەوە، ماوەتەوە بڵێین شەهید عومەر چاوشین برایەکی شەهیدەو برایەکی دیکەشی پێشمەرگەی کەمئەندامی سەنگەرە.

بەغداد - 22-03-1970