شوێن: بەرگەلوو
ڕۆژ یان ساڵی گیرانی وێنەکە: 1984ی زایینی
کەسایەتییەکانی ناو وێنەکە: لەوسەروبەندەدا دکتۆر #مارف عومەر گوڵ# پێشمەرگە بووە، لەڕاستەوە: #ئازاد خانەقینی#، عامر، مارف عومەر گوڵ، #فەرهاد پیرباڵ#، #مەزهەری خالقی#، مەدحی مەندەلاوی
وەرگیراوە لە: کامەران سوبحان[1]

دەقی پرسەنامەکەی ئاوات محەمەد، قائیمقامی #سلێمانی#:
بەڕێزان خانەوادە و بنەماڵەی دکتۆر مارف عومەر گوڵ
‎هەواڵی کۆچی دوایی پڕۆفیسۆر د. مارف عومەر گوڵ ڕووناکبیرو تێکۆشەری دیاری کورد لە ناخەوە نیگەران و دڵتەنگی کردین،
‎دکتۆر مارف عومەر گوڵ وەک پێشمەرگه و تێکۆشەرێکی دیار و هاوکات مامۆستای زانکۆ بە درێژایی چەندین دەیەی ڕابردوو یەکێک بوو لە کەسایەتی و ڕۆشنبیرە دیارەکانی کوردستان و لە زۆر بواری جیادا خزمەتی گەورەی کردووە، هەمیشە جێ دەستی دیار بووە و کار و خزمەتەکانی بۆ خەڵک و نیشتیمانەکەی جێگەی ستایشکردنه و بەشێکە لە مێژووی خەمخۆری و پڕخزمەتی ئه و کەسایەتییە دیارەی نیشتیمانەکەمان،
‎پرسه و هاوخەمی خۆمان ڕادەگەیەنین و داواکارین
‎خودای گەورە لەکۆچکردوو خۆش بێ و جێگای بەهەشتی بەرین بێت.
انا لله و انا الیەراجعون
ئاوات محەمەد
قائیمقامی سلێمانی[1]

دەقی پرسەنامەکەی #بافڵ تاڵەبانی#:
بەڕێزان بنەماڵە و خزمانی شێخانی هەشەزینی _ سەنگاو
بۆ کۆچی دوایی پێشمەرگەی دێرین و زیندانی سیاسی پڕۆفیسۆر (دکتۆر مارف عومەر گوڵ) ئەکادیمیستی ناوداری کورد، پرسە و سەرەخۆشی و هاوخەمی قوڵی خۆمان ڕادەگەیەنین.
کاک دکتۆر مارف عومەر گوڵ جگە لەوەی تێکۆشەر و پێشمەرگەی دێرین بوو لە هەمانکاتدا نووسەر و شاعیر و ئەدیبێکی ناوداری گەلەکەمان بوو، کە تەواوی تەمەنی تەرخانکرد بۆ خەبات و تێکۆشان و نووسین و لێکۆڵینەوە لە بواری جینۆساید، بەرهەمە زانستییەکانی بوونە سەرچاوەیەکی گرنگ بۆ هێشتنەوەی ئەو تاوانانەی دەرحەق بەگەلەکەمان کرا.
جگەلەوە زیندانیش چۆکی پێدانەدا و خۆڕاگرانە و سەربەرزانە بەپێوە مایەوە و درێژەی بە خزمەتەکانیدا هەربۆیە ناوبانگی لەناو میللەتەکەماندا بە نەمری و شانازییەوە دەمێنێتەوە و ژیانئاواییەکەشی هەمووانی خەمبارکرد.
لە خوای گەورە داواکارین ڕۆحی شادبکات و سەبووری و دڵئارامیش بە کەسوکار و خزمان و هاوڕێیانی بدات.
دڵسۆزتان
بافڵ #جەلال تاڵەبانی#
15ی 1ی 2022[1]

⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

دەقی پرسەنامەکەی #بەرهەم ساڵح#:
بۆ خانەوادە و کەسوکار و بنەماڵەی پڕۆفیسۆر مارف عومەر گوڵ
بەداخێکی زۆرەوە هەواڵی کۆچی دوایی مامۆستا و ئەدیب و نووسەر و پێشمەرگە و تێکۆشەری دیرێن و کەسایەتی نیشتمانپە ڕوە ڕ پڕۆفیسۆر (مارف عومەر گوڵ) مان بیست.
پڕۆفیسۆر مارف لە سەردەمی خەباتی شاخ و لە شاردا خزمەتێکی زۆر و بەرچاوی میللەتەکەمانی کردووە، یاد و یادەوەری هەمیشە بەزیندووی دەمێنێتەوە.
بەم بۆنەیە وە ، پرسە و هاوخەمی قووڵی خۆم ئاڕاستەی خانەوادە و کەسوکار و بنەماڵەی پڕۆفیسۆر مارف عومەر گوڵ دەکەم، داواکارم لە خودای گەورە خوالێخۆشبوو بە بەهەشت شاد بکات و سەبووری و دڵنەوایی هەموو لایەک بدات.
بەرهەم ساڵح
سەرۆک کۆماری عیراق[1]

دەقی پرسەنامەکەی تاهیری خەلیلی:
بنەماڵەی بەڕێزی کۆچکردوو دکتۆر مارف عومەر گوڵ
سڵاو و ڕێز
بەداخ و کەسەرێکی زۆرەوە هەواڵی کۆچی دوایی پێشمەرگەی دێرین و شاعیری هەست ناسک و مامۆستای زانکۆ و هاوڕێی لەمێژینەم دوکتۆر مارف عومەر گوڵم بیست، بەڕاستی کۆچی ئه و ئازیزە کەلێنێکی گەورەی خستە ناو زانکۆ و ئەدەبی کوردییەوە.
هاوڕێیەتی من و کۆچکردوو بۆ سەرەتای ساڵانی هەشتاکان دەگەڕێتەوە ئه و کاتەی کە من لەشاخ بووم و دکتۆر مارف شیعری خۆی بۆ دەناردم کە سروودی(کۆچی قوربانی وڵاتم، سووتەمەنی ڕێی خەباتم) یەکێکە لە شیعرەکانی جەنابیان.
لەناخی دڵەوە پرسە و سەرەخۆشی خۆم ئاڕاستەی ئێوەی ئازیز و خزمان و هاوڕێیانی دەکەم و لە خوا دەپارێمەوە کە ڕۆحی پاکی دکتۆر مارف بە بەهەشتی بەرین شاد بکات و سەبووری بە ئێوەش ببەخشێت.
هونەرمەند و پێشمەرگەی دێرین
تاهیری خەلیلی [1]

دەقی پرسەنامەکەی جوان ئیحسان، ئەندامی مەکتەبی سیاسیی #یەکێتیی نیشتمانیی کوردستان#:
بەڕێزان / خانەوادە و کەسوکاری خوالێخۆشبوو پرۆفیسۆر دکتۆر مارف عومەر گوڵ
بەداخێکی زۆرەوە هەواڵی کۆچی دوایی تێکۆشەرو پێشمەرگەی دێرین ومامۆستای زانکۆ پرۆفیسۆر دکتۆر مارف عومەر گوڵ-م بیست، ئەم هەواڵە لەناخەوە دڵگران و خەمباری کردم. پرۆفیسۆر دکتۆر مارف ڕۆڵی بەرچاوی هەبوە لەبەره و پێشبردنی ئاستی زانست و مەعریفە به و پێیەی مامۆستای زانکۆبوو چەندین خوێندکارو قوتابی لەسەردەستی پێگەیشتن، جگە لەوە نوسەرو ڕوناکبیرو شاعیرێکی ناوداری گەلەکەمان بوو، کەتەواوی تەمەنی تەرخانکرد بۆلێکۆڵینەوه و نوسین لەبواری جینۆسایدی کورد، نوسین وبەرهەمەکانی جێگایەکی گرنگی هەیە لەمێژووی گەلەکەماندا.هەربۆیە ناو و ناو بانگی لەناومیللەتەکەماندا بەنەمری و شانازییەوە دەمێنێتەوە، لەدەستدان و کۆچی دوایی پرۆفیسۆر دکتۆر مارف خەسارەتێکی گەورەیە بۆ میللەتی کورد، لەم ماتەمەدا هاوخەمی خۆم ئاڕاستەی خانەوادە و کەسوکار و هاوڕێ و هەڤاڵانی دەکەم، هاوبەشی خەم و پەژارەی بنەماڵە بەڕێزەکەیانم
لەپەروەردگار داواکارم ئەمە دوا کۆست و ناخۆشیان بێت خوالێخۆشبوو جێگای بەهەشتی بەرین بێت.
دکتۆر جوان احسان فوزی
ئەندامی مەکتەبی سیاسی یەکێتی نیشتمانی کوردستان[1]

⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

دەقی پرسەنامەکەی دەرباز کۆسرەت ڕەسوڵ:
بەخەم و نیگەرانییەکی قووڵەوە هەواڵی کۆچی دوایی نووسەرو شاعیرو ئەکادیمی و زیندانی سیاسی و تێکۆشەرو پێشمەرگەی دێرین و مامۆستای زانکۆ دکتۆر مارف عومەر گوڵم بیست، دڵگران و خەمباری کردم.
بۆ ئەم کۆسته و لەدەستدانی دکتۆر مارف عومەر گوڵ پرسه و سەرەخۆشی و هاوخەمی خۆم ئاراستەی خانەواده و کەسوکارو هاوڕێیانی دەکەم، ئومێدەوارم ئەمەدواکۆست و ناخۆشیتان بێت، خوای گەورە سەبووری هەموومان بدات و کۆچکردوو جێگای بەهەشتی بەرین بێت.
دەرباز کۆسرەت ڕەسول
کارگێڕی مەکتەبی سیاسی
#یەکێتیی نیشتمانیی کوردستان#[1]

دەقی پرسەنامەکەی #سەعدی ئەحمەد پیرە#:
بەداخ و پەژارەیەکی زۆرەوە هەواڵی کۆچی دوایی پڕۆفیسۆر (د. مارف عومەر گوڵ)، پێشمەرگەی دێرین و شاعیر و نوسەر و ئەکادیمیستی دیاری کورد -مان بیست
لە دڵەوە هاوخەمی تەواوی خانەوادە و خزمان و دۆستانی خوالێخۆشبوو د. مارف عومەر گوڵ-م، ناوبراو کەسایەتییەکی دیار و خاوەن پێگەیەکی کۆمەڵایەتی بوو خۆشەویستی ئێمەمانان و هەموو هاوڕێ و دۆست و ئازیزان بوو، لە خوای گەورە داواکارم گیانی خوالێخۆشبوو بەبەهەشتی بەرین شاد بکات و سەبوری بەخزمان و دۆستان و هەموو لایەک ببەخشێت، جارێکی تر هاوخەمی خۆم بۆ لە دەستدانی پڕۆفیسۆر (د. مارف عومەر گوڵ) دەردەبڕم و ئینشاڵا ئەمە دوا ناخۆشی و کۆستی بنەمالەکەیان بێت
‏‎إِنَّا لِڵّهِ ۆإِنَّا إِڵیْهِ ڕَاجِعُونَ
‏‎سەعدی ئەحمەد پیرە[1]

دەقی پرسەنامەکەی شاناز ئیبراهیم ئەحمەد:
بەرێزان خانەوادە و بنەماڵەی کۆچکردوو
بەرێزان نوسەر و شاعیر و ئەدیبانی کوردستان
بەداخ و پەژارەیەکی زۆرەوە هەواڵی کۆچی دوایی تێکۆشەری دێرین و شاعیر و نوسەرو ئەکادیمیست، پرۆفیسۆر دکتۆر مارف عومەر گوڵ-م پێگەیشت، بەم بۆنە غەمناکەوە پرسەو سەرەخۆشیتان ئاڕاستە دەکەم و خۆم بەهاوبەشی خەمتان دەزانم.
دکتۆر مارف عومەر گوڵ خاوەنی گەنجینەیەکی دەوڵەمەندبوو لەبابەتی ئەدەبی و زانستیدا، سەرباری لێکۆڵینەوەی لەسەر جینۆسایدی کورد و ڕۆڵی بەرچاوی وەک ئەکادیمیستێکی شارەزای کورد لەپێگەیاندنی نەوەی جۆشکراو بەزانست و زانیاری، بەکۆچکردنی ئەم پرۆفیسۆرە خەمێکی قوڵ بەرۆکی هەمووانی گرتەوە.
خوای گەورە سەبوریی و دڵنەوایی بەهەموو لایەکمان ببەخشێت و ئەمەش دوا کۆستی خانەوادەکەتان بێت و کۆچکردووش بەبەهەشتی بەرین شاد بکات.
شاناز ئیبراهیم ئەحمەد
کارگێری مەکتەبی سیاسی (ی.ن.ک) و سەرپەرشتیاری مەڵبەندی 1ی ڕێکخستنی #سلێمانی#[1]

دەقی پرسەنامەکەی #قوباد تاڵەبانی# بۆ کۆچی دوایی د. #مارف عومەر گوڵ# کە ئاراستەی خانەوادەکەی کردووە:
بەڕێزان خێزان و خانەوادەی کۆچکردوو دکتۆر مارف عومەر گوڵ
بەبیستنی هەواڵی کۆچی دوایی پڕۆفیسۆر د. مارف عومەر گوڵ، پێشمەرگەی دێرین و شاعیر و نوسەر و ئەکادیمیستی دیاری کورد دڵگران و نیگەران بوم.
بەم بۆنە غەمناکەوە پرسەو سەرەخۆشی لەئێوە و هاوڕێ و ئازیزانی و هەموو شاعیر و نوسەرانی کوردستان دەکەم.
بەکۆچکردنی دکتۆر مارف عومەر گوڵ، گەلی کوردستان پرۆفیسۆر و ئەکادیمیستێکی شارەزاو مامۆستای زانکۆ و نوسەر و شاعیرێکی دیار و قەڵەمێکی دەوڵەمەندی لەدەستدا کەتەمەنی خۆی تەرخان کردبو بۆ خزمەتی دۆزی ڕەوای گەلەکەی و توێژینەوەی زۆر گرنگیشی لەسەر پرسی جینۆسایدی کورد هە بوو کە لە ناوە ندە کاندا کە ڵکی زۆری لێوە ڕدە گیرا بۆ ئە و پرسە.
خوای گەورە لەکۆچکردوو خۆش بێ و جێگای بەهەشتی بەرین بێت و سەبوری و دڵنەوایی بەهەمولایەک ببەخشێت.
انا لله و انا اليه ڕاجعون
قوباد تاڵەبانی
جێگری سەرۆکی ئەنجومەنی وەزیران[1]