شیرین ئامێدی
هەولێر-1998

پڕۆسەی دەنگدان لە کۆنگرەی نۆیەمی #یەکێتی ئافرەتانی کوردستان# بۆ هەڵبژاردنی دەستەی سکرتاریەت کۆتاییهات کە تێیدا حەوت ئافرەت بە ئەندامی دەستەی سکرتاریەت هەڵبژێردران و سێ دیکەیش بە یەدەگ دەستنیشان کران.
کاتژمێر دووی نیوەڕۆی ئەمڕۆ #22-12-2023# لە درێژەی کار و چالاکییەکانی کۆنگرەی نۆیەمی یەکێتی ئافرەتانی کوردستان پڕۆسەی دەنگدان بە بەشداری 142 ئافرەت دەستی پێ کرد و تێیدا حەوت ئافرەت بە ئەندامی دەستەی سکرتاریەت هەڵبژێردران و سێ دیکەیش بە یەدەگ دەستنیشان کران.

هەر یەک لە زیبا تەها لە #هەولێر# بە 100 دەنگ، شاناز محەمەد لە هەولێر بە 70 دەنگ، زەری نەوزاد بە 61 دەنگ لە #دهۆک#، سوهام سەڵاح بە 55 دەنگ لە دهۆک، لیا سەیفەددین بە 76 دەنگ لە #سلێمانی#، دلڤین خەلەف بە 82 دەنگ لە #نەینەوا#، کەژاڵ هیدایەت بە 61 دەنگ لە #کەرکووک# بە ئەندامانی دەستەی سکرتاریەتی یەکێتی ئافرەتانی کوردستان هەڵبژێردران.
هەروەها هەر یەک لە ڕێژین سیامەند لە هەولێر، دلڤین شەماڵ لە دهۆک و شاد ڕزگار لە سلێمانی بە یەدەگ هەڵبژێردران.
ڕۆژی پێنجشەممە #21-12-2023#، بە بەشداریی #مەسرور بارزانی#، سەرۆکی #حکومەتی هەرێمی کوردستان# و جێگری سەرۆکی #پارتی دیموکراتی کوردستان#، نۆیەمین کۆنگرەی یەکێتیی ئافرەتانی کوردستان لەژێر ناوی (هێز و توانای ئافرەت، بناغەی پێشکەوتنی ئاشتی و ئابوورییە) دەستی پێ کرد.
نۆیەمین کۆنگرەی یەکێتیی ئافرەتانی کوردستان لە ھۆڵی شەھید سەعد عەبدوڵڵا لە هەولێر دەستی پێ کرد و بۆ ماوەی دوو ڕۆژ بەردەوام بوو و ئێوارەی ئەمڕۆ 22-12-2023 بەکۆتاییهات. [1]

#مەسرور بارزانی#، جێگری سەرۆکی #پارتی دیموکراتی کوردستان# بەبۆنەی تەواوبوونی کارەکانی کۆنگرەی نۆیەمی #یەکێتی ئافرەتانی کوردستان# پەیامێکی پیرۆزبایی ئاراستەی زیبا تەها کرد کە دەنگی یەکەمی کۆنگرەکەی بەدەستهێنا.
=KTML_Bold=دەقی پەیامی پیرۆزبایی مەسروور بارزانی:=KTML_End=

بەڕێز خاتوو زیبا تەها سکرتێری گشتیی یەکێتیی ئافرەتانی کوردستان
بە بۆنەی سەرکەوتنی کۆنگرەی نۆیەم و هەڵبژاردنی بەڕێزتان بە سکرتێری یەکێتیی ئافرەتانی کوردستان، گەرمترین پیرۆزبایی ئاراستەی بەڕێزتان و ئەندامانی نوێی سکرتارییەت و سەرجەم ئەندامانی یەکێتیی ئافرەتانی کوردستان دەکەم.
هیوای سەرکەوتن و پێشکەوتنی بەردەوام بۆ ڕێکخراوەکەتان دەخوازم لە خەبات و تێکۆشانتاندا بۆ دەستەبەرکردنی مافەکانی ئافرەتان و بەهێزترکردنی ڕۆڵ و پێگەیان لە کۆمەڵگە و داکۆکیکردن لە پرس و دەسکەوتە نیشتمانییەکان، لەم پێناوەشدا، هەموو هاوکاریی و پشتیوانییەکی خۆمتان بۆ دووپات دەکەمەوە. [1]

مەسروور بارزانی
جێگری سەرۆکی پارتی دیموکراتی کوردستان
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

دەقی پەیامی پیرۆزبایی #مەسرور بارزانی#:
به بۆنەی شەست و نۆیەمین ساڵیادی دامەزراندنی یەکێتی ئافرەتانی کوردستان، گەرمترین پیرۆزبایی ئاراستەی سکرتێر و ئەندامانی مەکتەبی سکرتاریەت و سەرجەم ئافرەتانی کوردستان دەکەم و هیوای سەرکەوتنیان بۆ دەخوازم.
یەکێتیی ئافرەتانی کوردستان، مێژوویەکی گرنگ و جێی شانازی هەیە و یەکێکە لە دەستکەوتە گرنگەکانی خەباتی گەلی کوردستان کە ڕۆڵێکی دیاری هەبووە لە داکۆکیکردن لە مافەکانی ئافرەتان، بەتایبەتی لە هوشیارکردنەوە و پێگەیاندنی ئافرەتان لە سەردەمە جیاوازەکاندا. هیوادارم لە خەبات و تێکۆشانی ڕێکخراوەیییان بەردەوام بن لە خزمەتکردن و داکۆکیکردن لە مافەکانی ئافرەتان و بەرگریکردن لە پرسە نیشتمانییەکان.
مەسرور بارزانی
2021/12/11[1]

دەقی پەیامەکەی #مەسرور بارزانی#:
پەیامی پیرۆزبایی مەسرور بارزانی جێگری سەرۆکی #پارتی دیموکراتی کوردستان#، بە بۆنەی(70) ساڵەی دامەزراندنی یەکێتیی ئافرەتانی کوردستان
بەبۆنەی ( 70 )مین ساڵیادی دامەزراندنی یەکێتیی ئافرەتانی کوردستان، گەرمترین پیرۆزبایی لە سکرتێر و مەکتەبی سکرتاریەت و ئەنجوومەنی باڵا و گشت ئەندامانی یەکێتیی ئافرەتانی کوردستان دەکەم و ھیوای سەرکەوتن و بەردەوامیان لە خەباتی ڕێکخراوەییان لە پێناو داکۆکیکردن لە مافەکانی ئافرەتان بۆ دەخوازم .
یەکێتی ئافرەتانی کوردستان، مێژوویەکی پڕ سەروەری لە قۆناخە جیاوازەکانی خەباتی ڕزگاریخوازی گەلی کوردستان و بەتایبەتیش لە بەرگریگردن لە مافە ڕەواکانی ئافرەتانی کوردستان و ئازادی و یەکسانیدا ھەیە و ڕۆڵێکی دیار و پێشەنگی لە پێگەیاندنی چەندین ئافرەتی سەرکردەدا ھەبووە.
لەم یادەدا، بە ڕێز و پێزانینەوە خەبات و تێکۆشانی بێ پسانەوەی یەکێتیی ئافرەتانی کوردستان بەرز دەنرخێنین و پشتیوانیی خۆمان بۆ خەبات و کار و چالاکییان و داکۆکیکردنیان لە مافەکانی ئافرەتان دووپات دەکەینەوە.
پیرۆز بێت ساڵیادی دامەزراندنی یەکێتیی ئافرەتانی کوردستان
مەسرور بارزانی
جێگری سەرۆکی پارتی دیموکراتی کوردستان
2022/12/11[1]

تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی پەیامەکەی #مەسعود بارزانی#:
بەناوی خودای بەخشندە و میهرەبان
بەڕێزان سکرتێر و ئەندامانی مەکتەبی سکرتاریەتی یەکێتیی ئافرەتانی کوردستان،
به بۆنەی شەست و نۆیەمین ساڵیادی دامەزراندنی یەکێتییە کەتان، یەکێتی ئافرەتانی کوردستان پیرۆزبایی گەرم ئاراستەی ئێوە و هەموو ئەندامانی ڕێکخراوە تێکۆشەرەکەتان و سەرجەم ئافرەتانی کوردستان دەکەم.
یەکێتیی ئافرەتانی کوردستان، ئەزموونێکی سەرکەوتووی بەشداریی ئافرەت لە ژیانی سیاسی و کۆمەڵایەتیی کوردستان بووە، یەکێکە لە دەستکەوتە گرنگەکانی شۆڕش کە ڕۆڵی خۆی بۆ چەسپاندن و دەستەبەرکردنی مافی ئافرەتان لە قۆناغە جیاجیاکاندا بە باشی گێڕاوە.
یەکێتیی ئافرەتانی کوردستان ڕێکخراوێکی تێکۆشەری ناو شۆڕش و خەباتی گەلی کوردستانە، کە جگە لە پاڵپشتیکردنی شۆڕش و پێشمەرگە، ئەرکی خۆی لە پێگەیاندن و هۆشیارکردنەوەی ئافرەتان و بەرگریکردن لە مافەکانیان بەجێ گەیاندووە.
لە سەردەمی ئێستاشدا پێویستە یەکێتیی ئافرەتانی کوردستان لە چوارچێوەی کولتووری پێکەوەژیان و مەدەنییەت و یەکسانیخوازی و نەهێشتنی توندوتیژیی خێزانی و کۆمەڵایەتی، کار بۆ بەهێزکردنی بیری نەتەوەیی و نیشتیمانپەروەری و دیموکراسی لەنێو ڕیزەکانیاندا بکەن.
هیوای سەرکەوتنتان بۆ دەخوازم.
مسعود بارزانی
11ی کانوونی یەکەمی 2021[1]

دەقی پەیامەکەی #مەسعود بارزانی#:
بەناوی خودای بەخشندە و میهرەبان
بەڕێزان سکرتێر و ئەندامانی مەکتەبی سکرتاریەتی یەکێتیی ئافرەتانی کوردستان،
به ‌بۆنەی حەفتایەمین ساڵیادی دامەزراندنی یەکێتییە‌کەتان، یەکێتی ئافرەتانی کوردستان پیرۆزبایی گەرم ئاراستەی ئێوە و هەموو ئەندامانی ڕێکخراوە تێکۆشەرەکەتان و سەرجەم ئافرەتانی کوردستان دەکەم.
یەکێتیی ئافرەتانی کوردستان یەکێکە لە دەستکەوتە هەرە گرنگەکانی شۆڕش و ئامرازێکی گرنگ و کاریگەر بوو بۆ پێگەیاندن و هۆشیارکردنی ئافرەتانی کوردستان و فراوانکردنی بەشدارییان لە ژیانی سیاسی و خەباتی گەلی کوردستاندا و، لەو ڕێگەیەدا یەکێتیی ئافرەتانی کوردستان ماندووبوون و قوربانیی زۆریشیان داوە.
لە قۆناغی ئێستادا ئەرکی ئێوە لەڕووی هۆشیاریی نیشتیمانی و پێگەیاندنی ئافرەتان و داکۆکیکردن لە مافە مەدەنی و سیاسییەکانی ئافرەتان زۆر گرنگە و دەبێ لە ئاراستەی بەشداریی کارای ئافرەت لە ژیانی گشتیی کۆمەڵگەی کوردستاندا بێت. لەوەش دڵنیام یەکێتیی ئافرەتانی کوردستان هەر وەک قۆناغەکانی پێشووتری خەباتی خۆی، لە داهاتووشدا ڕۆڵی کاریگەر و پێشەنگی خۆی لە بەرەوپێشبردنی دۆزی ڕەوای گەلەکەمان و بەرگریکردن لە ماف و داخوازییەکانی ئافرەتان دەگێڕێت.
هیوای سەرکەوتنتان بۆ دەخوازم
مسعود بارزانی
11ی کانوونی یەکەمی 2022[1]

تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی پەیامەکەی #نێچیرڤان بارزانی#:
لە (70)هەمین ساڵیادی دامەزراندنيدا، بە گەرمى پيرۆزبايى لە یەکێتیی ئافرەتانی کوردستان و سەرجەم ئافرەتانی کوردستان دەکەم، هيواى سەرکەوتن و پێشکەوتنی بەردەواميان بۆ دەخوازم.
یەکێتیی ئافرەتانی کوردستان خاوەن مێژوویەکی پڕشنگدار و ڕۆڵێکی کاریگەرە لە خەباتی نیشتمانيدا و یەکێک لە پێشەنگانی خەباتی مەدەنی و ڕێکخراوەیى و هەمیشە ناوەندێکی ديارى پێگەیاندنی تێکۆشەران بووە لە ئافرەتانی قوربانیدەر و سەرکردە لە بوارى مەدەنی و سیاسی و پەروەردەیی و فەرهەنگيى کوردستاندا.
دامەزراندنی یەکێتیی ئافرەتانی کوردستان بەرلە (70) ساڵ، زادەى هەبوونی بیری یەکسانیخوازییە لە ڕوانگە و بیروباوەڕی بارزانیی نەمر و #پارتی دیموکراتی کوردستان#دا، هەروەها بەڵگەی بڕوابەخۆبوون و زیندوویەتیی ئافرەتانی کوردستانە لە بینینی ڕۆڵی بەرپرسیارانەیان لە مێژووی گەلەکەماندا.
ئافرەتانی کوردستان سەلماندوویانە کە لە سەرجەم بوارەکاندا خاوەن بەهرە و توانا و لێهاتوون، دەبێ پشتیوانیی زیاتر لە ڕۆڵ و بەشداریی کارايان بکرێت و دەرفەتی زیاتریان پێ بدرێت بۆ خزمەتکردنی زیاتری کۆمەڵگاکەمان.
هەر بەم بۆنەیەوە، پشتیوانیی تەواومان بۆ يەکێتيى ئافرەتانى کوردستان دووپاتدەکەينەوە لە خەباتی ڕێکخراوەیی و مەدەنیيان بۆ داکۆکیکردن لە ماف و خواستەکانی ئافرەتان و بەهێزکردنی بنەماکانی کولتووری یەکسانی لەپێناو کۆمەڵگایەکی پێشکەوتووی سەردەمیانەدا.
بەرز و پیرۆز بێت ساڵیادی دامەزراندنی یەکێتیی ئافرەتانی کوردستان.
سڵاو بۆ گیانی پاکی شەهیدانی یەکێتیی ئافرەتانی کوردستان و سەرجەم شەهیدانی کوردستان.[1]

تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

سکرتێری #یەکێتی ئافرەتانی کوردستان# ئاماژەی بۆ ئەوە کرد، بەپێی بڕیاری کۆنگرە ھەیکەلی یەکێتی ئافرەتانی کوردستان بەتەواوەتی گۆڕانکاری بەسەردادێت، دەشڵێت: ئۆرگانەکانی ئافرەتان ڕاستەوخۆ سەر بە مەکتەبی سکرتاریەت دەبن.
#زیبا تەھا#، سکرتێری نوێی یەکێتی ئافرەتانی کوردستان ڕایگەیاند: ئێمە وەک ستافی نوێی سکرتایەتی یەکێتی ئافرەتانی کوردستان بە پلان و نەخشەڕێگای نوێ دەست بە خزمەت دەکەینەوە، بەشێوەیەکی سەردەمیانە و بەپێی خواستی ئافرەتانی کوردستان کار دەکەین، لەگەڵ لایەنی پەیوەندیدار و حکوومەت ھەوڵدەدەین ئەو یاسایانەی پەیوەستن بە ئافرەتان ھەموار بکرێنەوە و ئەوانەیشی پێویستن یاسای نوێی بۆ دەربکرێت.

سکرتێری یەکێتی ئافرەتانی کوردستان وتیشی: یەکێتی ئافرەتانی کوردستان لەسەر ئەو بنەمایەی یەکێتییەکە لەسەری دامەزراوە بەردەوام دەبێت، بەتایبەتیی ئێمە بە گژ ھەموو ئەو داب و نەریتانەدا دەچینەوە لەگەڵ مافی مرۆڤ و مافی ئافرەت ناگونجێن، لەسەر بنەما دیموکراسییەکان بەردەوام دەبین و پرسی نیشتمانی لە ئەولەویەتی کارەکانی ئێمە دەبێت.
زیبا تەھا ئاماژەی بۆ ئەوە کرد: پەیڕەوی ناوخۆی یەکێتی ئافرەتانی کوردستان لە کۆنگرە گۆڕانکاری بەسەردا ھاتووە و دوای دەستبەکاربوونمان گۆڕانکاری گەورە دەکەین لە ڕێکخراوەکەمان، بەتایبەتیی بەپێی پەیڕەوی نوێ سکرتاریەت ڕاستەوخۆ پەیوەندی لەگەڵ ناوەندی چالاکی ئافرەتان دەبێت، ئورگانەکانی یەکێتی ئافرەتانی کوردستان ڕاستەوخۆ پەیوەندییان بە سکرتاریەتەوە دەبێت. [1]

سەر بە #پارتی دیموکراتی کوردستان# ە و ساڵی 1952 دامەزراوە. ڕێکخراوێکی جەماوەری مەدەنی ئافرەتانی کوردستانە، تێدەکۆشێت بۆ پاراستن و داکۆکیکردن و دەستەبەر کردنی سەرجەم مافەکانی ئافرەت و بەرز کردنەوەی هۆشیاری ژنان و چالاککردنی کێشەی ژن و چارەسەکردنیان. [1]