$باکووری کوردستان$
- بە تۆمەتی پروپاگەندە بۆ ڕێکخستنی قەدەغە و هەوڵدان بۆ پێکهێنانی دوژمنایەتی لە ناو گەلان دا، داواکاری گشتیی دادگای ئەنقەرە داوای لێپرسینەوەی لە #پەروین بوڵدان#، هاوسەرۆکی #هەدەپە# و سری سورەیا ئوندەر، پەرلەمانتاری هەدەپە کرد.[4]
$باشووری کوردستان$
- خۆپیشاندانی مامۆستایان لە #سلێمانی# دەستیپێکرد کە دیارترین داواکارییان لەسەر پرسی دابەشکردنی #مووچە#یە.[1]
- لە شاری سلێمانی 8 حیزب بۆ شکاندنی بایکۆتی مامۆستایان کۆبوونەوە. پاشان لە کۆنگرەیەکی ڕۆژنامەڤانیدا یاداشتێکی سێ خاڵییان ئاراستەی حکومەت و پەرلەمان و ڕای گشتی کرد. هاوکات مامۆستایان بە ئەنجامدانی گردبوونەوە و بڵاوکردنەوەی ڕاگەیێندراو جەختیانکردەوە لە بایکۆت بەردەوام دەبن. یەکێتیی مامۆستایانیش دەڵێت ئیدارەی سلێمانی لە دواکەوتنی مووچەی مامۆستایان بەرپرسە.[3]
- سەرلەبەیانیی ئەمڕۆ، دانیشتوانی گەڕەکی سەربازگەی خالید لە شاری #کەرکووک# خۆپیشاندانێکیان لەبەردەم بەڕێوبەرایەتیی پۆلیسی شارەکە ئەنجامدا. خۆپیشاندەران ڕایانگەیاند، کە پاش ئاوارەبوونیان بەهۆی هاتنی #حەشدی شەعبی# و سوپای عێراق بۆ شارەکەیان لە #16ی ئۆکتۆبەر#ی ساڵی ڕابردوو، خانووەکانیان لەلایەن چەند گروپێکی تورکمانییەوە، کە لەلایەن دەسەڵاتی بەڕێوەبەریی ئێستای کەرکووکەوە پشتیوانیی دەکرێن داگیرکراوە و داوایانکرد، کە خانووەکانیان بۆ بگەڕێندرێنەوە.[4]
- سەلیم جبووری، سەرۆکی پەرلەمانی عێراق لە کۆنگرەیەکی ڕۆژنامەڤانیدا ڕایگەیاند، پڕۆژەیاسی #بودجە#ی ساڵی 2018 ی عێراق کە لەلایەن #حەیدەر عەبادی# و ئەنجوومەنی وەزیرانی عیراق ئامادەکراوە، یاسایی و دەستووری نییە، بۆیە وەکو سەرۆکایەتیی پەرلەمان ڕەتیدەکەنەوە.[3]
- وەزیری دەرەوەی فڕەنسا گەیشتە فڕۆکەخانەی هەولێر و لەلایەن سەرۆکی حکومەتی هەرێم و ژمارەیەک لە بەرپرسان پێشوازی لێکرا.[2]
- بۆ پشتوانیکردن لە بەرخۆدانی عەفرین و شەرمەزارکردنی هێرشەکانی سوپای تورک و چەتەکانی بۆ سەر ئەو کانتۆنە، لە شارەدێی #تەقتەق#-ی سەر بە شارۆچکەی #کۆیە# ڕێپێوانێک بەڕێوەچوو.[4]
$رۆژئاوای کوردستان$
- بە ئامادەبوونی ژمارەیەک فەرماندەی باڵای یەپەگە و ژمارەیەک ئەندامی پەرلەمانی کوردستان لە سەنتەری شاری عەفرین ژمارەیەک شەهیدی یەپەگە بەخاکسپێردرا.[1]
- ئەمڕۆ شاندی پەرلەمانی هەرێمی کوردستان لە ناوەندی شاری عەفرین لە کۆنگرەیەکی ڕۆژنامەنووسیان ئەنجامدا. لە کۆنگرە ڕۆژنامەنووسییەدا تیشک خرایە سەر یەکێتی نەتەوەیی کورد، هەروەها پشتگیریی بەرخۆدانی عەفرین کرا و ڕاگەیەندرا:داگیرکاریی لە کوردستان دا لە ناو دەچێت.[4]
- تۆپباران و بۆردوومانەکانی سوپای تورک بۆ سەر هاوڵاتیانی مەدەنیی بەبێ وەستان بەردەوامە و سەدان دووکانی شارۆچکەی ڕاجۆی #عەفرین# لە ئەنجامیدا ڕووخاون.[2]
- وەزارەتی ناوخۆی تورک ناوی #ساڵح موسلیم# خستە لیستی سوور و بڕی 4 ملیۆن لیرەی تورکی (ملیۆنێک و 40 هەزار دۆلاری ئەمریکی) وەک خەڵات دەستنیشانکراوە بۆ ئەو کەسەی شوێنەکەی ئاشکرابکات.[3]
- سوپای تورک و چەتەکانی لە شارۆچکەی شەرا-ی سەر بە عەفرین، سێ هاوڵاتی مەدەنییان ڕفاند و تاوەکو ئێستاش چارەنووسی ئەو سێ هاوڵاتییە دیارنییە.[4]
- فڕۆکە شەڕکەرەکانی سوپای تورک گوندی عەین حەجەر لە سنووری شارەدێی مابات لە عەفرین بۆ ڕدوومان دەکەن، کە شوێنێکی مەدەنییە و هاوڵاتیان دەکەنە قوربانی.[4]
- فڕۆکە شەڕکەرەکانی سوپای تورک گوندەکانی دێر بەلوت و گرێ دێوا لە جندرێسی سەربە عەفرین بۆردوومان دەکەن، هاوکات لە سنووری گوندی دێر بەلوت لە نیوان شەڕڤانان و سوپای تورک و چەتەکانی سەر بەو سوپایەدا شەڕێکی سەخت بەڕێوەدەچێت.[4]
- سوپای تورک پاڵاوگەی ئاوی چیای کەفەر سەفرای جندرێس-ی سەربە عەفرینی کردە ئامانج و لە ئەنجامدا ئاوی خواردنەوەی پێنج هەزار خانەوادە بڕا.[4]
- ناوەندی ڕاگەیاندنی یەکینەکانی پاراستنی گەل لەراگەیەنراوێکیدا ئاماژە بەوە دەکات کەشەوی ڕابردو لەهەردو ناوچەی عەزاز و شەرا لەکانتۆنی عەفرین، شەرڤانان ڕوبەروی سوپای تورکیا بونەتەوە و توانیویانە، 4 تانک و جبەخانەیەکی چەک و تەقەمەنی سوپای تورکیا بتەقێننەوە، ئاشکراشیدەکەن شەوی ڕابردو 28 سەربازی سوپای تورکیا بەدەستی شەرڤانان کوژراون و ژمارەیەکی دیکەشیان بریندار کراون.[5]
- شەڕڤانانی یەپەگە شارۆچکەی ڕاجۆ-ی عەفرین، فڕۆکەیەکی سیخوڕیی سوپای تورکیان خستەخوارەوە و ڤیدیۆی فڕۆکەکەشیان بە تێکشکاویی بڵاوکردەوە.[4]

رونکردنەوەیەک بۆ ڕای گشتی
بەپێویستی ئەزانم لەڕێی ئەم ڕونکردنەوەیەوە خەڵکی کوردستان بە گشتی و ئەندامان و لایەنگرانی #بزووتنەوەی گۆڕان# بە تایبەتی ئاگادار بکەمەوە سەبارەت بە پرسی خۆکاندیدکردنەوەم بۆ هەڵبژاردنی ئەنجومەنی نوێنەرانی عێراق بۆ ساڵی 2018.
لێرەو لەوێ ناوی بەندە لەنێو ئەو ناوانەدا باس ئەکرێ بۆ دوبارە خۆکاندیدکردنەوەمان، ئەمەوێ ئەوە ڕابگەیەنم لەماوەی چوار ساڵی ڕابردودا بەوپەڕی لەخۆبردویی و دڵسۆزییەوە دوای وەرگرتنی متمانەی مامۆستای گەورەمان ڕەوانشاد کاک نەوشیروان بۆ سەرۆکایەتی لیستی پارێزگای سلێمانی و وەرگرتنی پۆستی جێگری سەرۆکی ئەنجومەنی نوێنەرانی عێراق، سەرکەوتنێکی گەورەمان لەگەڵ هاوڕێکانم لە هەڵبژاردنەکان و پوستەکەشدا بەدەستهێنا، کە بە ئیعترافی دۆست و دوژمن توانیمان سەرەڕای ئەرکی قورس و دۆخی نالەباری سیاسی و ئابوری کوردستان و ئاڵۆزبونی کێشە سیاسیەکانی نێوان هەرێم و بەغدا، جوانترین نمونەی کاری پەرلەمانی و هاوڕێیانەو دۆستانە مان چ لەناوخۆمان و ئەوەشی پێمان کرابێت لەگەڵ لیستە کوردستانیەکانی تر و پێکهاتەکانی تری ناو پەرلەمان ئەنجاممان داو بۆ یەک چرکەش درێغیمان نەکردوە لە داکۆکی و شەڕکردن لەسەر مافە ڕەواکانی خەڵکی کوردستان و مافە دیموکراتیەکانی گەلانی عێراق.
لە سۆنگەی هەستکردن بە بەرپرسیارێتی و خوڵقاندنی دەرفەت بۆ هاوڕێیانی ترمان لەناو بزوتنەوەی گۆڕان، کە دڵنیام پڕیەتی لە کادری بەتوانا و چالاک و لێهاتو، وەک کاک نەوشیراون وەصفی کردوە پڕیەتی لە شێرە ژن و پیاوی جوامێر، کە ئەتوانن هەمو ئەرکێک بەڕێوە ببەن، ئەوەتان پێ ڕائەگەیەنم کە بەندە لە ڕۆژی چوارشەممەی ڕابردو ڕێکەوتی 7ی شوباتی 2018ەوە بە فەرمی هاوڕێیانم لە لیژنەی باڵای هەڵبژاردن ئاگادارکردۆتەوە کە وێڕای دەستخۆشی و هیوای سەرکەوتنم بۆیان لەم ئەرکە قورسە، بەندە بەنیاز نیم خۆم کاندید بکەمەوەو دەرفەت ئەدەم بە هاوڕێیانی تر ئەسپی خۆیان لەم گۆڕەپانەدا تاو بدەن.
لە کۆتاییدا وێڕای سوپاسی بێ پایانم بۆ خەڵکی کوردستان و هەڵسوڕاوانی بزوتنەوەی گۆڕان، کە لەرابردودا متمانەیان بەمن بەخشی، ئەمەوێ ئەوەش دوپات بکەمەوە کە ئامادەم بزوتنەوەکەم هەر ئەرکێکی ترم پێ بسپێرێت بەوپەڕی دڵسۆزییەوە بەجێی بگەیەنم و بەشانازیەوەهەر وەک خویندکاری ڕیبازی ماموستاو ڕیبەری گەورەمان ئەمینینەوه
براتان
#ئارام شێخ محەمەد#
#12-02-2018#

Dieser Artikel ist gemäss Kurdipedia noch nicht finalisiert