[1]

#مەسعود بارزانی# بۆ کۆچی دوایی مامۆستا مەلا عەبدوڵڵا قەڵاتی پەیامێکی سەرەخۆشی بڵاوکردەوە و هاوخەمی بۆ بنەماڵە و کەسوکاری و مامۆستایانی ئایینی کوردستان دەربڕی.
=KTML_Bold=دەقی پەیامی سەرەخۆشیی سەرۆک بارزانی بۆ کۆچی دوایی مامۆستا مەلا عەبدوڵڵا قەڵاتی:=KTML_End=

بەناوی خودای مەزن و دلۆڤان
بەداخێکی زۆرەوە هەواڵی کۆچی دوایی کەسایەتیی ئایینی و زانای ناوداری کوردستان مامۆستا (مەلا عەبدوڵڵا قەڵاتی)یم بیست.
پرسە و سەرەخۆشیی خۆم ئاراستەی بنەماڵە و کەسوکاری مامۆستا مەلا عەبدوڵڵا قەڵاتی و مامۆستایانی ئایینی کوردستان دەکەم و خۆم بە هاوبەشی خەمیان دەزانم.
لەخودای گەورە داواکارم ڕۆحی مامۆستا عەبدوڵڵا قەڵاتی بە بەهەشتی بەرین شاد بکات و سەبر و ئارامی بە هەموو لایەک ببەخشێت. [1]

انا لله و انا الیە راجعون
مسعود بارزانی
15ی کانوونی یەکەمی 2023
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

=KTML_Bold=سەرۆکی حکومەتی هەرێمی کوردستان پەیامێکی بۆ کۆچی دوایی شێخ نەواف ئەحمەد جابر ئەلسەباح، ئەمیری کوێت بڵاوکردەوە.=KTML_End=
ئەمرۆ شەممە #16-12-2023#، #مەسرور بارزانی#، سەرۆکی #حکومەتی هەرێمی کوردستان#، پرسەنامەیەکی بەبۆنەی کۆچی دوایی ئەمیری کوەیت لە پێگەی فەرمی خۆی لە تۆڕی کۆمەڵایەتیی (ئێکس) بڵاوکردەوە و نوسیوویەتی: بەداخ و پەژارەیەکی زۆرەوە هەواڵی کۆچی دوایی جەنابی شێخ نەواف ئەحمەد جابر ئەلسەباح ئەمیری کوێتمان پێگەیشت.
دەشڵێت: پرسە و سەرەخۆشی قووڵی خۆمان ئاراستەی بنەماڵەی ئەلسەباح و گەلی کوەیت دەکەین، داواکارین لە خوای گەورە کۆچکردوو بە بەهەشت شاد بکات، هەروەها سەبر و دڵنەوایی بە هەموو لایەک ببەخشێت. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

سەرۆکی هەرێمی کوردستان بە بۆنەی کۆچی دواییی میری کوێت، سەرەخۆشی لە گەلەکەی دەکات و دەڵێت: ئێمە لە هەرێمی کوردستانی ئێراق هاوبەشی خەم و پەژارەی وڵاتی کوێتی دۆستین لەم ساتە سەختەدا.
ئەمڕۆ شەممە #16-12-2023#، #نێچیرڤان بارزانی#، سەرۆکی هەرێمی کوردستان پەیامێکی سەرەخۆشی بە بۆنەی کۆچی دوایی میری کوێت بڵاوکردەوە و وتی: سەرەخۆشیی قووڵی خۆم ئاڕاستەی گەل و سەرکردایەتیی وڵاتی کوێتی دۆست دەکەم بە بۆنەی کۆچی دوایی شێخ نەواف ئەحمەد جابر ئەلسوباح.
سەرۆکی هەرێمی کوردستان دەشڵێت، ئێمە لە هەرێمی کوردستانی ئێراق هاوبەشی خەم و پەژارەی وڵاتی کوێتی دۆستین لەم ساتە سەختەدا. داواکارین لە خودای گەورە خوالێخۆشبوو بە بەهەشتی بەرین شاد بکات و سەبووری هەموو لایەک بدات. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

=KTML_Bold=#مەسعود بارزانی# بەبۆنەی کۆچی دوایی ئەمیری کوێت پەیامێکی سەرەخۆشی ئاراستەی گەل و سەرکردایەتیی کوێت کرد.=KTML_End=
ئەمڕۆ شەممە #16-12-2023#، سەرۆک بارزانی لە پەیامێکدا بۆ کۆچی دوایی ئەمیری کوێت بڵاوی کردەوە: بە داخێکی زۆرەوە هەواڵی کۆچی دوایی ئەمیری دەوڵەتی کوێت خوالێخۆشبوو (شێخ نەواف ئەلئەحمەد ئەلجابر ئەلسەباح)مان پێگەیشت، لەخوای گەورە دەپاڕێینەوە گیانی بە بەهەشتی بەرین شاد بکات و هاوخەمی و هاوسۆزی قووڵمان بۆ بنەماڵەی ئال سەباح و گەل و سەرکردایەتیی دەوڵەتی کوێت ڕادەگەینین.
سەرۆک بارزانی ڕاشی گەیاندووە: خوالێخۆشبوو شێخ نەواف ئەلئەحمەد کاروانێکی پڕ لە دەستکەوت و بەخشینی بۆ گەلەکەی گەیاندە مەنزڵگە و کۆچی دوایی کرد، ئێمە هاوبەشی خەمی برایانمان لە دەوڵەتی کوێتین و داوا لە خوای گەورە دەکەین کە سەبووری بە خێزانی ئال سەباح و گەلی کوێتی برا ببەخشێت و ئاسایش و سەقامگیریی بۆ دەوڵەتی کوێت و گەلەکەی بەردەوام بکات. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=