ئەندامێکی پەڕڵەمانی کوردستان ئاشکرایدەکات کە لە میانی سەردانێکیاندا بۆ لای بەرپرسێکی ئێرانی، بەڵێنی چارەسەری کێشەی گرتنەوەی ئاوی سنووری شارۆچکەی #پشدەر#یان وەرگرتووە.
#شوان قەڵادزەیی#، ئەنجامی پەڕڵەمانی کوردستان لە لێدوانێکدا بە (باسنیوز) ی ڕاگەیاند: بە مەبەستی چارەسەری گرفتی گرتنەوەی ئاوی #زێی بچوک# لە سنووری شارۆچکەی پشدەر و کاریگەرییە خراپەکانی لەسەر ئاوی خواردنەوەی دانیشتووانی سنوورەکە و بەرهەمی جوتیارانی دەشتی پشدەر و بیتوێن، ئەمڕۆ شەممە (24-06-2017) سەردانی کونسوڵخانەی کۆماری ئیسلامی ئێران مان کرد لە شاری #هەولێر#.
وتیشی: لە میانی گفوگۆیەکدا لەگەڵ سەرکونسوڵی ئێران، بابەتی گرتنەوەی (زێی بچوک) مان تاوتوێ کرد کە ماوەی 3 ڕۆژە لەلایەن بەرپرسانی کۆماری ئیسلامی ئێرانەوە گیراوەتەوە، خۆشبەختانە ئەوان بەڵێنیدا بەپەلە لەگەڵ بەرپرسانی باڵای وڵاتەکەیان و و پارێزگاری #ورمێ# وشارەداری #سەردەشت# گفتوگۆبکەن وکۆتایی بەکێشەکە بهێنن، بۆیە لە ئێستادا چاوەڕێی وەڵامی کردارین ئەوانین.
ماوەی 3 ڕۆژە، لەلایەن کۆمار ئیسلامی ئێرانەوە ئەو ئاوەی کە لە سنووری شاری سەردەشتی ئێرانەوە دێتە سنووری شارۆچکەی پشدەری هەرێمی کوردستان گیراوەتەوە بەوەش کاریگەریی لەسەر سامانی ماسی و ئاوی خواردنەوەی هاووڵاتییان و جوتیارانی سنووری شارۆچکەی پشدەر درووستکردووە.[1]
24-06-2017
Kurdipedia ist nicht verantwortlich für den Inhalt dieser Aufnahme, sondern der Eigentümer. Gespeichert für Archivzwecke.
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 9,422 mal angesehen
Schreiben Sie Ihren Kommentar zu diesem Artikel!