لەماوەی 24 ڕۆژی ڕابردوودا لەنێو شاری #کەرکووک# 14 ئۆتۆمبێلی هاونیشتمانیان دزراون، هێرشکراوەتە سەر سێ ماڵ و پارە و زێڕیان لێبردراوە، پێنج کەسیش لەسەر ئەو تاوانانە دەستگیرکراون.
دوایین دزی هێرشکردنە سەر دووکاندارێک بوو لە گەڕەکی موسەڵای کەرکووک، زیاتر لە 400 هەزار دینار و ژمارەیەک کارتی موبایلی لێدەستێنێت و بە فیشەک برینداری دەکات.
دوای دوو ڕۆژ مانەوە لە نەخۆشخانە حوسێن گەڕاوەتەوە ماڵەوە و ئێستا دۆخی تەندروستی جێگیرە، ئەو دەڵێت کەسەکە بۆ دزیکردن هاتبوو، بەڵام ئەو ئامادەنەبووە پارەی پێبدات، بۆیە بە دەمانچە هێرشی کردووەتە سەر و برینداری کردووە.
دووکاندار حوسێن عەباس بە ڕووداوی ڕاگەیاند، داوای کارتی موبایلی لێکردم، کاتێک کارتەکانم دەرکرد پەلاماریدام و هەڕەشەی کرد کە دەبێ پارەی پێبدەم، بەڵام ڕازی نەبووم، بۆیه فیشەکێکی لێدام و پارەکانی برد و هەڵات.
هێزەکانی پۆلیس و ئاسایش هەفتەیەک دوای ڕووداوەکە بە تاوانی بەکارهێنانی چەک و دزی و بە ماددەی 442 ئەو کەسەیان دەستگیرکرد کە هێرشی کردبووە سەر دووکاندارەکە.
حوسێن محەممەد فەرەج، بەڕێوەبەری پۆلیسی نەهێشتنی تاوانەکان لە کەرکووک دەڵێت: بۆ دیاریکردن و بەڵگەی ڕووداوەکە هاتووینەتەوە دووکانەکە، دادوەری لێکۆڵینەوە و ئەفسەری ناوچەکەمان لەگەڵە، تاوانبارەکە دانی بە هەموو شتێکدا ناوە، لەنێو دووکانەکەش کامێرای چاودێری هەیە و دەرکەوتووە دزی دەکات و بە دەمانچە تەقەی لێدەکات.[1]
27-08-2017
Dieser Artikel wurde in (کوردیی ناوەڕاست - Central Kurdish) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 3,427 mal angesehen
Schreiben Sie Ihren Kommentar zu diesem Artikel!