نامۍ: ژینا
نازنام: ئەمینی
نامۊ تاتەی: ئەمجەد ئەمینی
نامۊ ئەڎێ: موژگان
ساڵۊ پېڎابېیەی: #2000#ز.
ڕۊ مەرڎەی: #16-09-2022#ز.
یاگۊ پېڎابېیەی: #سەقز#
یاگۊ مەرڎەی: #تاران#
$ژیۋانامە$
ژینا ئەمینی ئەژناسیێ بە #مەهسا ئەمینی# پېڎابیۊ ساڵۊ 2000ز. جە شارو سەقزو وەرکۆتو کورڎەسانی، چە کاتو گەشتېۋېنە چنی خېزانەکەیش پەی تارانی، جە لایەنو ھیزە ئاساییشییەکا حکومەتیۆ بە بەھانەو پەیڕەۋنەکەرڎەی بنەماکا سەرتاپۊشی ئیسلامییۆ دەسبەسەرە کریا، ھەرچڼە ئەڎاو ژینای ئاماژەشدان، کە ژینا سەرتاپۊشە(باڵاپۊشە) بیېنە، بەڵام بە مەڵامەتو ئەشکەنجەدایش بە سەختیی زامڎارە بیېنە و ۋەرو سەختیی زامەکەیش دماو یەرۍ ڕۊۋا ئەۋەمەنەی جە خەسەخانەنە(نەوەشخانە)، ڕېکۆتو 16-09-2022ز. جە خەسەخانەو کەسراو تارانی گیانش بەرشییەن.
تیرۆرکەرڎەی ژینا ئەمینی ناڕەزایەتیېۋی فرەش جە ئێران و جە جەھانەنە ھۊرخېزنا. پا بۊنۆ ڕۊ 19-09-2022ز. جە وەرکۆتو کورڎەسانینە مانگېرتەی گرڎینەیی جاڕدریا. ھېزەکۍ دۆڵەتی چە وېنیشاندەرا تەقەشا کەرڎ و ئانەیچە بی بە مەڵامەتو گیانبەخشای و زامڎاربییەی فرە کەسا تەری و تەشەنەکەرڎەی ناڕەزایەتییەکا پەی گرڎو ھەرېمەکا ئێرانی و سەرەنجام ژینا ئەمینی بییە بە مەشخەڵۊ ناڕەزایەتی و ئازاڎیوازیی و خېزیای چۆسیایا چە سەرتاسەرو ئێرانینە و تەنانەت خېزیاو ئی جارەو شارەکا ئێرانی بە نامۊ ژینا ئەمینی ئەژناسنیا و جەھانەنە دەنگشداۋە.
[1]
Dieser Artikel wurde in (هەورامی) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Dieser Artikel wurde bereits 77,980 mal angesehen
Schreiben Sie Ihren Kommentar zu diesem Artikel!