$پێناسە$
#کوردیپێدیا#، پڕۆژەیەک بۆ کۆمڤەکرنا هەر پێزانینەکا گرێدای ب کورد و کوردستانێ ڤە و ب وێ هیڤیێ یە د پاشەڕوێ دا ببیتە پڕ پێزانینترین ژێدەرێ کوردی و ب ڕێییا وێ ب ساناهی بهێتە زانین کو کی، کییە و کیڤە، کیڤەیە و چ، چییە؟!..
ڕێکخراوا کوردیپێدیایێ ل ساڵا 2008 ژ لایێ هاوڕێ باخەوانی ڤە هاتییە دامەزراندن.
کوردیپێدیا پەیڤەک لێکداییە و ژ کوردی و پێدیایێ پێکهاتییە. پەیڤا پێدیا، پەیڤا دوویێ یا پەیڤا لێکداییا گریکیا ئەنسیکلۆپێدیایێ (encyclopedia) یە، ب ڕامانا نیاسین یان زانینێ یانژی پێزانینێن گشتی دهێت. پەیڤا کوردیپێدیایێ ژیک ژوێ هاتییە داتاشین و دشێت ڕامانا کوردناسی، کوردیناسی، کوردزانین یان پێزانینێن کوردی بدەت. بۆ ئێکەمجار پەیڤا کوردیپێدیایێ ژ لایێ دامەزرێنەرێ کوردیپێدیایێ ڤە هاتییە ئافراندن.
$ژێدەرێن کوردیپێدیایێ$
- ئەو تۆمارێن کو هەڤکارێن کوردیپێدیایێ د ناڤ ماڵپەڕێن ئینتەرنێتێ پەیدا دکەن و ل یەک ژ پۆلێن کوردیپێدیایێدا زەنگینتر دکەن و هندەک جاران ژی هەوڵ ددەن ڕێنڤیسێن شاش یێ وی بابەتی ڕاست بکەن و ب شێوەیەک درست تۆمار بکەن، بێی کو ناڤەرۆکا بابەتان بهێتە دەستکاری کرن. هەر بابەتەک ژ هەر ماڵپەرەکێ بهێتە وەرگرتن، وەک ئامانەتەکە زانستی ناڤێ ئەوی ماڵپەڕی د لیستا ژێدەراندا دهێتە تۆمارکرن.
=KTML_Quote_Begin==KTML_Style=width:30%;float:right;=KTML_Quote_Icon=❞ =KTML_Quote_Content=کوردیپێدیایێ، هیچ پەیوەندییەک ب ویکیپێدیا ئان هەر ڕێکخراوەکا دیڤە نینە، پڕوژەیەکێ سەربخوەیە و ئەرکەکێ تایبەت یێ ڕێکخراوا کوردیپێدیایێ یە.=KTML_Quote_End=
- ئەو بابەتێن کو مێهڤانێن کوردیپێدیایێ بۆ مە دهنێرن و ب ڕێیا فۆرما تۆمارکرنا وی بابەتیڤە دهێنە ئامادەکرن. هەر بابەتەکێ ژ لایێ هەر مێهڤانەکی ڤە بگەهیتە دەستێ مە، ناڤێ وی مێهڤانی دبیتە ژیدەرێ وی بابەتی. هیڤییە هەر کەسەکێ نەڤێت ناڤێ وی د لیستا ژێدەرێن کوردیپیدیایێ دا بهێتە دیارکرن، بلا مە ئاگەهدار بکەت.
- ئەو نامەیێن تایبەت کو ب دەست کوردیپێدیایێ دگەهن و گرێدایی ب ژیان و کارناما وان کەسانە کو دڤێن وەک بابەتەکی بهێنە ناڤ کوردیپێدیایێ.
- ئەو بابەتێن کو هەڤکارێن کوردیپێدیایێ د چوارچوڤەیێ بابەتێن پارڤەکریدا زەنگینتر دکەت و پۆلێن دکەت.
- ئەو دیمانە یان هەڤپەیڤینێن کو هەڤکارێن کوردیپێدیایێ دگەل کەسەکیدا ئەنجام ددەن، ب مەبەستا نڤێسینا بیۆگرافیا کەسەکی، جهەکێ، ڕێکخراو و وەشان یان هەر تشتەکێ دی کو پەیوەندی ب کورد و کوردستانێ ڤە بیت.
- سەرجەم بابەتێن پۆلا ڕێکەفت و ڕویدانان (کڕۆنۆلۆژیا) حەتا ساڵا 2010 د داتابەیسا هاوڕێنامەی هاتییە وەرگرتن، بەرا خوە بدە: #هاوڕێنامە بۆ مێژووی کوردستان و کورد# – دانانا: #هاوڕێ باخەوان# - چاپا ئێکێ – بنگەهێ وەشان و #پەخشی سەردەم# - زنجیرە (16) - چاپخانەیا ڕوون – سلێمانی – 1999.
هەر تۆمارەکا بهێتە ناڤ کوردیپێدیایێ، ب شێوەیەکی ژ شێوان پەیوەندی ب کورد و کوردستانیاڤە هەیە، هیچ بابەتەک ژ دەرڤەیێ وان تەوەران ناهێنە تۆمارکرن، هەر ل دیف وێ چەندێ هندەکجاران ژیان و کارناما کەسەک نە کورد دبیت تو ببینی، ئەو کەس ئان کوردناسە و خودانێ باسێکە ل سەر کورد و کوردستانێ، ئان گرێدایی ب ڕوویدانەکە کوردستانیی یە.
کوردیپێدیایێ، هیچ پەیوەندییەک ب ویکیپێدیا ئان هەر ڕێکخراوەکا دیڤە نینە، پڕوژەیەکێ سەربخوەیە و ئەرکەکێ تایبەت یێ ڕێکخراوا کوردیپێدیایێ یە.
هیڤییە ئەگەر هەر زانیارییەک ل وی داتابەیسیدا بۆ جەنابێ وە یێ نەگونجاوە و هوین ناخوازن ڤێرە بمینیت، کوردیپێدیایێ ژێ ئاگەهدار بکەن.
کوردیپێدیا هەر زانیاری و وێنەیەکێ ل هەر ژێدەرەکێ وەربگریت، بۆ مەبەستا بازرگانی بکار نائینیت.
کوردیپێدیا بەردەوامە ل سەر پاقژکرنا بابەتان و وەرگێڕانا ساڵێن کۆچی و هەتاوی بۆ ساڵا زایینی ب شێوەیەک درست، هیڤییە ژ شاشی و کێم و کاسییان ببوورن.
هەر زانیارییەک کو ژ کوردیپێدیایێ دهێتە وەرگرتن، پێدڤییە ناڤێ ژێدەرا وێ و ناڤێ کوردیپێدیایێ بهێتە نڤێسین.
ماڵپەڕ و داتابەیسا کوردیپێدیایێ ب دۆت نێت - C شاڕپ و SQL تایبەت بۆ ڕێکخراوا کوردپێدیایێ هاتییە ئامادە و بەرنامەکرن، ئو بەردەوام ل باشتربوون و گەشەکرنێدایە. هەروەسا ڕۆژانە ل سەر دوو سێرڤەرێن جوودا بەکئەپا داتا و وێنەیان تێتەکرن، داکو پارێزراو بمینن ژ هێرشا هاککەران.!
ماڵپەڕێ کوردیپێدیایێ ل سەر براوسەرێن ئینتەرنێت ئێکسپلۆرەر، فایەر فۆکس، سەفاری، ئۆپێرا و گووگڵ کرۆمێ ب تمامی هاتینە تێست کرن و بێی هیچ کێشەیکێ کار دکەت، هیڤییە ئەگەر هەر ئاریشەیەک د دەمێ بکار ئینانێدا هاتە پێش، مە ئاگەهدار بکەن.
ب هەول و تەکۆشینێن هەڤکارێ مە کاک #هەڤاڵ نەژاد#، کوردیپێدیا ل ڕۆژا #11-11-2013# بوویە ڕێکخراوەکە فەرمی و ل #هەولێر#ێ ل فەرمانگەها #ڕێکخراوە ناحکومییەکان# هاتە تۆمار کرن.
لۆگۆیا کوردیپێدیایێ ب تایبەت ژ لایێ کۆمپانیا لۆگۆ-لەڤ-ی ڤە هاتییە ئامادەکرن، کۆپی ڕایتا فەرمی هەیە و ژ بلی کوردیپیێدیایێ یان ئاماژە ب کوردیپیدیایێ، مافێ هیچ کەس و لایەنەکێ نینە بکار بئێنیت.
ب هیڤییا هندێ کو کوردیپێدیا ببیتە پڕزانیاریترین ژێدەرا کوردی و بانکا زانیاریا نەتەوەییا کورد!. [1]
Kurdipedi Archivare:
ئاراس ئیلنجاغی |
ئاراس حسۆ |
ئەسعەد ڕەشید |
ئەمیر سیراجەدین |
ئەڤین تەیفوور |
بەناز جۆڵا |
زریان سەرچناری |
زریان عەلی |
سارا سەردار |
سارا کامەلا |
سروشت بەکر |
سەریاس ئەحمەد |
شادی ئاکۆیی |
شەنە بەکر |
میلانۆ محەمەد ساڵح |
هاوڕێ باخەوان |
هومام تاهیر |
هەژار کامەلا |
ڕۆژ هەژار |
ڕۆژگار کەرکووکی |
ڤەژەن کشتۆ |
کاروان م. ئاکرەیی |
کشمیر کەریم ...
Kurdipedia Mitglieder
دامەزرێنەرێ کوردیپێدیایێ: هاوڕێ باخەوان
2008 - =KTML_Year=
=KTML_Link_Twitter_Begin=https://twitter.com/kurdipedia=KTML_Link_Twitter_Between=تویتەرێ ڕێکخراوا کوردیپێدیایێ=KTML_Link_Twitter_End=
=KTML_Link_Facebook_Begin=https://www.facebook.com/kurdipedia=KTML_Link_Facebook_Between=فەیسبووکا: ڕێکخراوا کوردیپێدیایێ =KTML_Link_Facebook_End=