ناڤ : ئازاد محەمەد عەبدوڵڵا حەمەد
ناسناڤ: ئازادی حەمە گەمحان (قەندیل)
ساڵا ژدایک بوونێ : 1950
جهێ ژدایک بوونێ : باژێڕوکێ #کۆیە#
ناڤێ هەڤژینا وی کوردستان خزایی مەحمود و ناڤێ زاروکێن وی گۆران، سۆران، بۆتان، مهاباد بووینە . د ژیێ (18) ساڵێ دە پەیوەندی ب شوڕەشا ئەیلولێ ڕە کرییە. د دەربارێ خوەندنێ هەیا پۆلا 5 یا ئامادەیی ل کۆیە خوەندییە و هەڤدەم تەڤی پێشمەرگایەتیێ ل چیا دبیتە ماموستا ژبو فێرکرنا زاروکێن وان گوندێن دەردۆرێ خوە کو خزمەتا پێشمەرگایەتیێ لێدکر.ل ساڵا 1975 ژبو ماوێ (6) مەهان ل دەرڤەی وڵات دمینیت و ژیانی ئاوارەیێ هەلدبژێریت.
ل ساڵا 1976 پەیوەندی ب شوڕەشا نو یا گەلێ کوردستانێ دکەت و دبیتە ئەندامەکێ کارا و پلە بلند ل ڕێکخستنێن دەڤەرێ. ناڤێ وی یێ نهێنی دناڤا ڕێکخستنێن شوڕەشێ دە قەندیل بوویە. ئەو دەمێ کوو کارێ ڕێکخستنێ کرییە گەلەک چالاکی ئەنجام داینە هەیا وێ چەندێ کوو کاریە چەندین خۆ فروشان ب سزایا گەل و نشتیمان بگەهینیت. ژبەر شەهرەزایا وی ل کارێ چاپێ دە وەکە نڤیسەرەکێ لاو چەندین بەلاڤۆک ل ئامادەییا کۆیە چاپ کرینە.
ل ساڵا 1978 پەیوەندی ب هێزا پێشمەرگەیێ کوردستانێ ڕە کرییە. ژبەر کوو کەسەکێ چالاک و ژێهاتی د بوارێ سەربازیدە بوویە پێشمەرگەیەکێ قەهرەمان ژی بوویە چەندین پلەیان سەرکەتییە.
پشتی شەهید بوونا شەهید سەرباز لە #15-04-1983# بوویە فەرماندەیێ کەرتا (4) هەیا دەماهیکا ساڵا 1983، ل دەستپێکا پرۆسەیا ئاشتی (مفاوزات) دهێتە ڤەگوهاستن ژبو تیپا (99) یا #بیتوێن# ب پلەیا جێگرێ تیپ کو وی دەمەی (غەریب سەعید) فەرماندەیێ تیپێ بوویە. پشتی هەیامەکێ کێم بوویە سەرتیپێ تیپا (99) یا بێتوێن. شەهید ئازاد ل ژیێ پێشمەرگایەتیێ دە کێم داستان و نەبەردی و چالاکی هەنە ل سنوری کۆیە و بیتوێن و خۆشناوەتی کوو ئەو تێدا پشکدار نەببیت و ڕۆلا کاراو پێشچاڤ تێدا نەگێرا بیت و بەشەکە هەرە زۆرا وانا وی بخوە سەرپەرشتیا وێ داستانێ یا کری. ب مخابنتیڤە دەمژمێر 6ێ سەرێ سوباهی یێ #09-10-1987# ل گوندێ قەرەنگوێ یێ سەر ب باژێڕوکێ #دۆکان# هاتە شەهید کرن. [1]
Dieser Artikel wurde in (کرمانجی) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dieser Artikel wurde bereits 258 mal angesehen
Schreiben Sie Ihren Kommentar zu diesem Artikel!