هەوار ئیسماعیل
#پەروین بوڵدان# دوای کۆبوونەوەکەیان لەگەڵ ئۆجەلان، ڕایگەیاند داوای دیدار لەگەڵ پارتە سیاسییەکان و سەردانکردنەوەی ئیمراڵی دەکەن.
پەروین بوڵدان، پەڕڵەمانتاری دەم پارتی لە بانەی وان، ئەمڕۆ (یەکشەممە، 29ی کانوونی یەکەمی 2024) دوای بڵاوکردنەوەی ئەنجامی دیداریان لەگەڵ عەبدوڵڵا ئۆجەلان، ڕێبەری زیندانیکراوی پەکەکە ڕایگەیاند، دوای سەری ساڵ داواکاریی پێشکەشی پارتە سیاسییەکان دەکەن بۆ ئەنجامدانی دیدار و لەگەڵ سری سوورەیا ئۆندەر، پێکەوە سەردانی پارتە سیاسییەکان دەکەن.
ئەو پەڕڵەمانتارەی دەم پارتی گوتی، عەبدوڵڵا ئۆجەلان بەرپرسیاریێتی ئەنجامدانی دیداری لەگەڵ ئۆپۆزسیۆن، خستە ئەستۆمان و ئێمەش ئەمە دەکەین.
ئاماژەی بەوەشدا، دوای ئەنجامدانی دیدارەکانیان، بە ئەگەرێکی زۆرەوە لە ماوەیەکی نزیکدا، جارێکی دیکە لەگەڵ ئۆندەر سەردانی ئیمراڵی دەکەنەوە.
گوتەکانی پەروین بوڵدان لە دوای کۆبوونەوەکەی دوێنێی شاندەکەی دەم پارتییە لەگەڵ عەبدوڵڵا ئۆجەلان، ڕێبەری زیندانیکراوی پەکەکە لە گرتووخانەی ئیمراڵی.
شاندەکەی دەم پارتی کە پێکهاتبوو لە پەروین بوڵدان و سری سورەییا ئۆندەر، ئەمڕۆ ڕاگەیێندراوێکی لەبارەی ناوەرۆکی کۆبوونەوەکە بڵاوکردەوە کە تێیدا هاتووە تەندرووستیی ئۆجەلان باشە و ورەی بەرزە.
ئۆجەلان لەبارەی پڕۆسەی ئاشتییەوە بە شاندەکەی گوتووە ئەو پاڵپشتییەی پێویستی بێت، دەیکەم.[1]
Kurdipedia ist nicht verantwortlich für den Inhalt dieser Aufnahme, sondern der Eigentümer. Gespeichert für Archivzwecke.
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 228 mal angesehen
Schreiben Sie Ihren Kommentar zu diesem Artikel!