کورد دلې چەرخەکا تاریخینە
هۊرگېڵنای و ئاماڎەکەرڎەی: ئەسعەد ڕەشید
بەشەی: چوارسەڎ و حەفتا و یەرەمە
* تاریخو (#27-03-1991#ز.) داگیرکەرڎەیۆ شارو کەرکوکی بە فەرمانو دەسەلاتو داگیرکاری ئېراقی، کە گردۆ حۆتێ بې بە دەسو جەمئاوەری خېزیاو کورڎەسانی ڕزگار کریابې، ئا هۊتەرې ڕژېمیە پەی سەرو کەرکوکی بی بە مایې شەهیڎبییەی سەڎان کوردا و فرەو خەڵکو ناوچەکەیچ ڕوەو کەش و کۊ و مەرزەکا جیاشائاست و ڕەمێ و پا شېوە ئاوارەیی خەڵکو کورڎەسانی دەسش پەنەکەرد، کە بی بە ناڕەزایێ جەمئاوەری و قۊمیێوە تاریخی و نزیکەو (3) یەرې ملیۊن کوردا دلېشە بەشدارې بېنې.
* تاریخو (#28-03-1991#ز.) وەڵابییەیۆ ئا درۊدەلەسەیە دلې شارو هۆلېرینە، کە گوایا ڕژېمو بەعسی هۊتەرە مارۊن سەرو کورڎەسانی و بە چەکی هەمەجۊر پەلامارە مڎۊن.
* تاریخو (#30-03-1991#ز.) ڕېکوزیێ ڕامیاریې و کەلتووریې کورڎی و جەهانی جە هۆڵەندا، ئەرەنیشتێشان کەرد پەی هامکاری و پیلاڼیارەی پەی هەرمانەو دماڕۊیشان، ئا ڕېکوزیێچە ئینې بېنې: یەکیەتی هەرمانبەرا کورڎەسانی، یانەی کورڎی جە ئەمستردام (میدیا)، کۊنگرەی نیشتیمانی کورڎەسانی، مەڵبەندو ڕۊشنویری کورڎی جە هۆڵەندا، فیدراسیۊنو کۊمەڵە کوردیەکا جە هۊڵەندا، کۊمەڵەو مافو مروڤو کورڎی، بەرەی کورڎەسانی، کۊمەڵەو کورڎەسانی _ هۊڵەندا، کۊمەڵەو هەرمانبەرانو کورڎی جە ئەمستەردام (ئاڤاک)، ئەنجومەنو کەلتوری کورڎی جە ئەڵمیرە، پارتو سوشییالیستو کورڎەسانی تورکای، ئەمنیستی ئنتەرناشناڵ _ کۊمیتەو وەرکۆتی میانی، دەزگاو هۊڵەندای _ کوردەسان، کۊمەڵەو کەلتووری کورڎی جە ئەیندهۆڤن و بېلایەنەکې کورڎی جە هۊڵەندا.
* تاریخو (#31-03-1991#ز.) ئەرەمەرزنای کۊمەڵەو هونەرمەڼانو کورڎەسانی.
* تاریخو (#31-03-1991#ز.) داگیرکەرڎەیۆ شارو هۆلېری و ناوچەکانو چواردۆریش، بە مەڵامەتو ئا پەلامارې دژمەنی خەڵکێ فرە جە ناوچەکانو شېخ هۆمەو و پیرمام و سەرو ڕەشی بە بوردمانو کۊپتەرو دژمەنی شەهیڎې بیې، شایانو باسین داگیرکاری ئېراقی قەڵای کۊنەو هۆلېریش تۊپواران کەرڎە.
* تاریخو (#31-03-1991#ز.) پېڎابییەی چن دەسێ سەر بە داگیرکاری ئېراقی دلې شارو هۆلېرینە، کە تەقە ئەو خەڵکی مەکەرېنې و ئاساییشو شاری مەشېونېنې.
* تاریخو (#00-04-1991#ز.) دلېڕاسەو ئی مانگې، بەرەی کورڎەسانی بڕیارەو بنیاڎنیای چن داڎگێوە تاییبەتتېش بەرەکەرڎە، کە گرڎشان خزیێنە چېرو چەمڎاری بەرەی کورڎەسانیۆ، دلېشەنە حۆت داڎوەری ئاماڎې بېنې.
* تاریخو (#00-04-1991#ز.) واتە و واچو بەرەی کورڎەسانی چەنی داگیرکاری ئېراقی دەسش پەنەکەرد، وەڤدی کورڎی سەرو کەلاوە وڕێکې کەرکوکیرە لوێ پەی بەغڎای و چڼیین ملیۊن کوردېچ ئەپا کەش و کۊرە تەرسەو بەعسینە ئاوارې بیې.
* تاریخو (#00-04-1991#ز.) دلېڕاسەو ئی مانگې، هېزە هامپێمانەکې بە تاییبەت ئەمەریکا و بەریتانیا و فەڕەنسا، دەسشان کەرد بە جابەجاکەرڎەی پروسەو کیانای سەرڕەحەتی (ئاسووڎەیی) پەی ئاوارە کوردەکا.
* تاریخو (#00-04-1991#ز.) دکتور خورشید شۆکەت ڕەواندزی، بە نامی کورڎیۆ جە تورکیا چەمش بە (جیمس بېکەری)، شالیارو بەرو ئەمەریکای و (هێر هانس دیتریش گینشەر) شالیارو بەرو ئەڵمانیای کۆت، چاکاتەنە کە سەردای ئاوارە کوردەکا مەکەرېنې.
* تاریخو (#02-04-1991#ز.) خەڵکو شارو سلېمانی ئەچی کاتەنە ورەشان وەردا و شارەکەشان جیائاست.
* تاریخو (#03-04-1991#ز.) ئەنجومەنو ئاساییشی قەرارو (687)یش دژو داگیرکاری ئېراقی بەرشنی، پەی دلېنەبەردەی چەکە قورس و قەڎەغەکریاکاش.
* تاریخو (#03-04-1991#ز.) هېزو پېشمەرگەو کورڎەسانی، پاکشېش دلې شارو سلېمانینە کەرڎە، ئانەیچ دمای قەرارو وڵاتە زلهېزەکا کە خەتەی پارېزگارییەشا پەی پارېزنای خەڵکو کورڎەسانی دەسنیشانە کەرڎە کە شارو سلېمانیش نەبې چەنە.
بەشێ جە کتېبو هاوڕێنامەی، نویستەی هاوڕێ باخەوان، هۊرگېڵنای پەی سەرو زوانی هۆرامی: ئەسعەد ڕەشید. [1]