$رۆژهەڵاتی کوردستان$
- بەپێی ئامارەکانی وەزارەتی تەندروستیی ئێران، لە 24 کاژێری ڕابردوودا لە پارێزگای #کرماشان# سێ تووشبووی دیکەی کۆرۆنا گیانیان لەدەستداوە و 127 کەسیش تووشبوون؛ لە پارێزگای #لوڕستان#یش دوو کەسی دیکە گیانیان لەدەستدا و 88 کەسی دیکەش تووشی ڤایرۆسەکە بوون. لە پارێزگای #سنە# گیانلەدەستدانی کەسێک و تووشبوونی 69ی دیکە تۆمارکران، لە پارێزگای #ورمێ# تووشبوویەکی کۆرۆنا گیانی لەدەستدا و 85 تووشبووی نوێش ڕاگەیێندران، هاوکات لە #ئیلام# لە 24 کاژێری ڕابردوودا 15 کەس تووشی ڤایرۆسەکە بوون و چوار ڕۆژە لەو پارێزگایە کەس بەهۆی کۆرۆناوە گیانی لەدەستنەداوە.[2]
- لقی 5ی دادوەریی لێکۆڵینەوەی دادسەرای گشتی و ئینقلابی #سەقز#، هەڵگرتنی بڕیاری داواکردنی (منع تعقیب)ی بۆ مەحموود ساڵحی و عوسمان ئیسماعیلی لە چالاکانی کرێکاری ئەو شارە دەر کرد.[5]
- لە ئەنجامی تەقەی ڕاستەوخۆی هێزەکانی ڕژیم لە پایەگای “بێتووش” بەره و پۆلێک لە #کۆڵبەر#ان لە سنووری شاری #سەردەشت#، دوو کۆڵبەر برینداربوون. لە ئەنجامی ئەم ڕووداوە دوو کۆڵبەر بە ناوەکانی “مەنسوور” تەمەن 30 ساڵ و دانیشتووی ئاوایی “باغی” و “بەختیار” تەمەن 32 ساڵ و دانیشتووی ئاوایی “#شەڵماش#” بە سەختی بریندرابوون. شایانی باسە، ئەم دوو کۆڵبەرە بەمەبەستی چارەسەری پزیشکی ڕەوانەی ناوەندی دەرمانی شاری سەردەشت کراون.[9]
- هاووڵاتییەکی کورد بە ناوی ئیسلام ئەنباخوون خەڵکی گوندی کوڕانەی ناوچەی تەرگەوڕی ورمێ، لەلایەن هێزە لیباس شەخسییەکانەوە دەسبەسەر کرا. هێزە لیباس شەخسییەکان لە گوندی ماوانه ناوەندی دێهستانی #تەرگەوەڕ#، بە بێ بەڵگەی یاسایی هێرشیان کردووەتە سەر ماشینی ئەو هاووڵاتییە کوردە و پاش چەند تەقەیەکی هەوایی ناوبراویان دەسبەسەر کردووە و بۆ شوێنێکی نادیار ڕاگواستووە.[5]
$باشووری کوردستان$
- لە بەردەوامیی پشکنینەکان و گەڕان بەدوای گومانلێکراوان، پێنج تووشبووی دیکەی ڤایرۆسی کۆڕۆنای نوێ COVID-19 لە پارێزگای سلێمانی دەستنیشانکران، سێ ئافرەتی تەمەن 69 و 46 و 38 ساڵ و پیاوێکی تەمەن 44 ساڵ و کوڕێکی گەنجی 18.[6]
- نزیکەی هەفتەیەکە کەم ئاویی تەنگی بە بەشێک لە گەڕەکەکانی #هەولێر# هەڵچنیوە، دانیشتووانی بەشێک لە گەڕەکەکانی دەرەوەی شەقامی 120 مەتری هەولێر ڕۆژانە بەتەنکەر ئاو دەکڕن.[2]=KTML_ImageCaption_Begin==KTML_StyleDiv=width:25%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/382138/0009.JPG=KTML_ImageCaption_Title=لە تۆڕە کۆمەڵایەتییەکانەوە: 21-05-2020=KTML_ImageCaption_CaptionStyle=000000=KTML_ImageCaption_Caption=لە تۆڕە کۆمەڵایەتییەکانەوە: 21-05-2020=KTML_ImageCaption_End=
- #یەکێتیی نیشتمانیی کوردستان# دوای ڕێککەوتنی لەگەڵ ئیدارەی #کەرکووک# بڕیاریدا سەرجەم دەستگیرکراوانی سنووری پارێزگاکە کە لە زیندانەکانی پارێزگای #سلێمانی# دان، ڕادەستی ئیدارەی کەرکووک بکاتەوە، ئەمڕۆ ئەو زیندانییانە گەیشتوونەتە کەرکووک.[2](بڕوانە فایلی پەیوەندیدار)[3]
- #وەزارەتی ناوخۆ# ڕەتیدەکاتەوە ڕادەستکردنەوەی 176 تۆمەتباری تیرۆریست لە سلێمانییەوە بۆ کەرکووک بە هەماهەنگی و ئاگاداری حکومەت کرابێت و ڕایدەگەیێنێت، بابەتی ڕادەستکردنەوەیان بەدەر لە میکانیزمەکانی نێوان هەولێر و بەغدا کراوە.[2]
- لە کۆی هەشت دەستگیرکراو جگە لە #بەدەل بەرواری#، دادوەری دادگای #دهۆک# ئەمڕۆ بڕیاری ئازادکردنی حەوت لە دەستگیرکراوانی خۆپیشاندانەکەی دهۆکیدا.[1]
- دوێنێ #هەپەگە# شەهیدبوونی پێنج شەهیدی ڕاگەیاند، لە نێویاندا #دانیار کامیل#، ناسراو بە #سەربەست جاف# خەڵکی شارۆچکەی #شارەزوور# بوو، ئەمڕۆ پرسەی ئەو شەهیدە لە شارەزوور بەڕێوەچوو، تێیدا تەڤگەری ئازادیی و کۆمیتەی شەهیدان بە ڕێپێوان بەشدارییان کرد، هەروەها بنەماڵەکەی دەڵێن: شانازیی بە کوڕەکەمانەوە دەکەین و هیوادارین ببێتە هەوێنی ئازادیی.[8]
- ڕێبەر ئەحمەد وەزیری ناوخۆی حکومەتی هەرێم، لە کۆنگرەیەکی ڕۆژنامەوانی هاوبەشدا لەگەڵ وەزیری تەندروستی ڕاگەیاند، قەدەغەی هاتوچۆی تەواوەتی لە ڕۆژانی جەژندا بۆ بەرگرتنە لە بڵاوبونەوەی ڤایرۆسی کۆرۆنا و پێویستە هاوڵاتیان پابەندی بن تائێستا بەشێوەیەکی باش ڕوبەڕوی ڤایرۆسی کۆرۆنا بوینەتەوە، بەڵام ترسی کۆرۆنا لە ئارادایە ئەو حاڵەتانەی لە چەند ڕۆژی ڕابردودا تۆمارکراون، جێی نیگەرانییە و هەڵوەستەی جدی لەسەر دەکرێت.[4]
- دلێر سەمەد، ئەندامی شانەی قەیرانەکان لە پارێزگای کەرکووک ڕایگەیاند، ڕۆژانی قەدەغەی هاتووچۆی بۆ جەژنی ڕەمەزان دیاریکراون و لە ڕۆژی یەکشەممە 24-05-2020 تاوەکو ڕۆژی پێنجشەممە 28-05-2020 دەبێت.[2]
- دوای ئەوەی شەوی ڕابردوو تیرۆرستانی #داعش# بەهاوەن گوندی ئوم حنتەیان لە#جەلەولا# بۆردومان کردبوو، ئەمشەویش جارێکی تر پەلاماری سوپای عیراقیان دا.[7]=KTML_Photo_Begin=https://www.kurdipedia.org/files/relatedfiles/2020/382138/0018.JPG=KTML_Photo_Alt=لە مانشێتەکانی ئەمڕۆ: 21-05-2020=KTML_Style=width:30%;height:20%;float:left;=KTML_Photo_Target_Link=https://www.kurdipedia.org/files/relatedfiles/2020/382138/0018.JPG=KTML_Photo_End=
- 22 کەسایەتی سیاسی لە چوار حیزبی تورکمانی، مانەوەی ڕاکان سەعید لە پۆستەی بە مەترسی دەزانن و داوایان لە مستەفا کازمی، سەرۆکوەزایرنی عێراق کردووە، کەرکووکیش بخاتە نێو لیستی ئه و 12 پارێزگایەی، که دە یەوێ پارێزگارەکانیان بگۆڕێت.[2]
- بەشی پەیوەندییەگشتیەکان و ڕاگەیاندنی فڕۆکەخانەی نێودەوڵەتی سلێمانی، لە ڕاگەیەندراوێکدا بە ئاماژەدان بە بڕیاری دەسەڵاتی فڕۆکەوانی شارستانی عێراقی، درێژکردنەوەی ڕاگرتنی گەشتە ئاسمانییەکانی عێراقی ڕاگەیاند. لە ڕاگەیەندراوەکەدا هاتووە: لە ئاگاداری نامەیەکدا دەسەڵاتی فڕۆکەوانی شارستانی عێراقی بڕیاری ماوەی ڕاگرتنی گەشتە ئاسمانییەکانی لە سەرجەم فڕۆکەخانەکانی عێراق تا 31-05-2020 درێژکردەوە.[8]
$رۆژئاوای کوردستان$
- سوپای تورک و چەتەکانی گوندەکانی هۆشان و خالدیە لە ڕۆژئاوایی عەین عیسا و سەر ڕێگای نێونەتەوەیی ئێم 4 تۆپبارانکرد. بەهۆی ئەو تۆپبارانەوە زەوییە کشتوکاڵییەکانی هاووڵاتییانی ئەو گوندانە ئاگریان تێبەربوو. بەهۆی زۆریی ئاگرەکەوە ڕێگای ئێم 4 داخرا و هاوکات فڕۆکەی جەنگی بە ئاسمانی عەین عیسادا دەسوڕێنەوە.[1]
- سوپای تورکی داگیرکەر و چەتەکانی ئاگریان بەردایە گوند و زەوییە کشتوکاڵییەکانی گوندەکانی #گرێ سپی# لە باکوور و ڕۆژهەڵاتی سوریا.[1]
- سوپای فاشیست داگیرکەری دەوڵەتی تورک و چەتە چەپەڵەکانی، زەوییە کشتوکاڵیەکانی گوندی هەربەلی شەهبایان تۆپباران کرد و لە ئەنجامدا ئاگریان لە بەرهەمە کشتوکاڵیەکانی ناوچەکە بەردا.[1](بڕوانە فایلی پەیوەندیدار)
$دەرەوەی کوردستان$
- ناسر بەندەر، وەزیری نوێی گواستنەوەی عێراق ڕایگەیاند، داهاتی فڕۆکەخانەکانی هەرێمی کوردستان دەچن بۆ چەند لایەنێکی نادیار و دەڵێت، تائێستا یەک دینارمان لە داهاتی فڕۆکەخانەکان بەدەست نەگەیشتووە.[4]
- وەزارەتی گەنجینەی ئەمەریکا ڕایگەیاند، ئابڵوقە دەخاتە سەر وەزیری ناوخۆی ئێران بەهۆی پێشێلکردنی مافی مرۆڤ، ئەم هەنگاوەش لەکاتێکدایە ئیدارەی دۆناڵد ترەمپ گەورەترین کەمپەینی لەدژی تاران دەستپێکردووە.[3]
- وەزیری تەندروستیی تورکیا ڕایگەیاند، لە ماوەی 24 کاژێری ڕابردوودا 27 کەسی دیکە به ڤایرۆسی #کۆرۆنا# گیانیان لەدەستداوە؛ ژمارەکەش بەراورد بە ڕۆژی ڕابردوو کە 23 تووشبووی کۆرۆنا گیانیان لەدەستدابوو، زیادیکردووە.[2]
- وەزارەتی تەندروستیی عێراق ڕایگەیاند، شەش تووشبووی دیکەی ڤایرۆسی کۆرۆنا گیانیان لەدەستداوە، بەمەش کۆی گشتیی ئەو تووشبووانەی کۆرۆنا کە تاوەکو ئێستا گیانیان لەدەستداوە گەیشتووەتە 140 کەس.[2]