$باکووری کوردستان$
- ئەو ئاگرەی لە دارستانەکانی #دێرسیم# بەهۆی بۆردومانی سوپای تورکیاوە کەوتووەتەوە تاوەکو ئەمڕۆ بەردەوامیی هەیە. ئاگرەکەش بە ناوچەکانی بالی دەرەسی، مالی مەزارسی، موشکیرەک، باکر داغلەر و چرتک دەرەسی لە ناوەندی دێرسیم بڵاوبووەتەوە. دەوڵەتی تورکیا هیچ ناکات بۆ کوژاندنەوەی ئەو ئاگرەی کە سوپاکەی بەریداوەتەوە دارستانەکانی دێرسیم.[4]
- لە ناوچەی قسلە لە #دەرسیم# تەقینەوەیەک ڕوویدا. لە ئاکامی ئەو تەقینەوەیەشدا ژنێک بە سەختی بریندار بوو.[4]
- تەرمی دیلەک ئادسان ئەندامی دیوانی هاوسەرۆکایەتیی کەجەدە لە نەخۆشخانەوە بە کەژاوەیەکی ئۆتۆمبێل برایەوە بۆ شاری ئێلح و لە مەراسیمێکدا بەخاکسپێردرا.[4]
$باشووری کوردستان$
- لە یەکەم ڕۆژی جەژنی قورباندا باڵیۆزی تورکیا لە عێراق سەردانی #کەرکووک#ی کرد و نوێژی جەژنی له و شارە کرد و پەیامی ئەوەی دا کە شاری کەرکووک بەشێکە لە خاکی تورکیا و باووباپیرانیان.[4]=KTML_Photo_Begin=https://www.kurdipedia.org/files/relatedfiles/2018/152220/0007.JPG=KTML_Photo_Alt=فاتیح یڵدز باڵیۆزی تورکیا لە عێراق، بەمەبەستی نوێژی جەژنی قوربان سەردانی شاری کەرکووکی کرد=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/152220/0007.JPG=KTML_Photo_End=
- ژمارەیەک لەئەندامانی پەرلەمانی کوردستان لە فراکسیۆنە جیاوازەکان، واژۆ بۆ درێژکردنەوەی تەمەنی پەرلەمان و دواخستنی هەڵبژاردنی پەرلەمانی کوردستان کۆدەکەنەوە، دەستەی سەرۆکایەتی پەرلەمانی کوردستانیش لەوبارەیەوە بۆچوونی جیاوازیان هەیه و جێگری سەرۆکی پەرلەمان پڕۆژەکەی بەشێوەیەکی زارەکی ڕەتکردۆتەوە.[3]
- لە بەیاننامەیەکدا مەکتەبی سیاسی یەکێتی بەفەرمی داوای لێبوردن لە بزوتنەوەی گۆڕان دەکات بەهۆی تەقەکردن لەمەکۆی سەرەکی بزوتنەوەی گۆڕان لە 12ی ئایاری ئەمساڵ و وتەبێژی یەکێتیش دەڵێت لە کاتیخۆشیدا داوای لێبوردنمان لە بزوتنەوەی گۆڕان کردووە.[3]
- سەرۆکی جڤاتی گشتیی #بزووتنەوەی گۆڕان# لەبارەی پەیامەکەی یەکێتی بۆ جەژنی قوربان ڕایگەیاند، هەر هەوڵێکیان پێباشە کە ببێتە هۆی یەکڕیزی نێوان لایەنەکان.[1]
- حکومەتی هەرێمی کوردستان وەڵامی ڕاپۆرتێکی وەزارەتی دەرەوەی ئەمریکا لەبارەی بازرگانیکردن بە مرۆڤەوە دەداتەوە و ڕایدەگەیێنێت، حکومەت بە جیدی کاردەکات بۆ بەرەنگاربوونەوەی هەر جۆرە تووندوتیژییەک دژی ئافرەتان و بازرگانیکردن بە ئافرەتان و منداڵان و بەتووندی سزای ئەو کەسانە دەدات، کە ئەو تاوانانە ئەنجامدەدەن.[1]=KTML_Photo_Begin=https://www.kurdipedia.org/files/relatedfiles/2018/152220/0006.JPG=KTML_Photo_Alt=پڕۆژەیەک بۆ ئاشتەوایی نیشتیمانی ڕادەگەیەنرێت=KTML_Style=width:30%;height:20%;float:left;=KTML_Photo_Target_Link=https://www.kurdipedia.org/files/relatedfiles/2018/152220/0006.JPG=KTML_Photo_End=
- درەنگانێکی شەوی ڕابردوو، لە ناوچەی زەرگەی ڕۆژئاوایی شارۆچکەی #خورماتوو#-ی سەر بە پارێزگای سەلاحەدین، چەتەکانی #داعش# هێرشیان کردە سەر سوپای عێراق.[2]
- فیدڕاسیۆنی ڕێکخراوەکانی کۆمەڵی مەدەنی لە #سۆران# ڕایانگەیاند کە بەئامانجی لێکنزیکردنەوەی لایەنە سیاسییەکان و هەنگاونان بۆ ئاشتەوایی نیشتیمانی ئه و پڕۆژەیەمان ئامادە کردووه و ئومێد دەکەین سەرجەم لایەنە سیاسیەکان بەجددی بەپیر ئه و پڕۆژەیەوە بێن.[3]
$رۆژئاوای کوردستان$
- لە کۆڵانی ڕاجۆی شاری #عەفرین# بۆمبێک کە لە زبڵدانێکدا دانرابوو تەقییەوە، بەهۆیەوە 3 هاوڵاتیی سیڤیل ژیانیان لەدەستدا. ڕاگەیەنرا کە چەند کەسێکی دیکەش بریندار بوون و بە ئامبولانس ڕەوانەی نەخۆشخانە کراون.[4]
$دەرەوەی کوردستان$
- حەسەن ڕوحانی سەرکۆماری ئێران ڕایگەیاند کە ئەمریکا بوێری ئەوەی نابێت هێرش بکاتە سەر وڵاتەکەی لەبەر ئەوەی دەزانێت باجەکەی قورس دەبێت.[3]
- کۆمپانیا ڕووسییەکەی بەرهەمهێنەری s-400 وادەی ڕادەستکردنی سیستەمی مووشەکی بەرگریی ئاسمانیی لە جۆری S-400 بۆ تورکیا ئاشکرادەکات و ڕایدەگەیێنێت، ساڵی 2019 سیستەمەکە ڕادەستی تورکیا دەکرێت.[1]
- یەکەمین فڕۆکەی شەڕکەری بەرهەمی ئێران، فڕۆکەی کەوسەرە، فڕۆکەکە پەردەی لەسەر لادرا و دواتر بە ئامادەبوونی حەسەن ڕووحانی، سەرۆککۆماری ئێران تاقیکرایەوە.[1]

ژووری چالاکییەکانی توڕەیی زەیتون لەبارەی چالاکیی #شەڕڤان#ان لە دژی سەر چەتەیەکی گروپی بەرەی شامی لە #عەفرین# بڵاکردەوە.
لە ڕاگەیاندراوەکەی ژووری چالاکییەکانی توڕەیی زەیتون دا هاتووە ڕۆژی 18ی ئابی 2018 یەکەیەک لە شەڕڤانەکانمان لە دژی محەمەد محۆ سەر چەتەیەکی بەرەی شامی (جەبهە شامییە) خەڵکی گوندی حەیانێ، کە بە ناوی محەمەد حەیانی دەناسرا، ئەنجامدا.
چالاکییەکە نێوان گوندەکانی شەدود و بارۆزا ئەنجامدرا. لە ئەنجامدا ئەو سەر چەتەیە کە کردەوەی قێزەونی زۆری لە دژی گەلەکەمان ئەنجامدابوو کوژرا. عەفرین چاوەڕێ بکە تۆڵە دەکرێتەوە.[1]
#21-08-2018#

ناوەندی ڕاگەیاندن و چاپەمەنیی هێزەکانی پاراستنی گەل (#هەپەگە#) لەبارەی چالاکیی هێزی گەریلا و ئۆپراسیۆنەکانی سوپای تورکیا بڵاوکردەوە.
لە ڕاگەیاندراوەکەی هەپەگەدا هاتووە:
لە #شەمزینان# 2 سەرباز کوژران
هێزەکانمان لە چوارچێوەی هەڵمەتی شۆڕشگێڕیی شەهید پیرۆز و شەهید ئاگری دا لە ڕۆژی 20ی ئابی 2018 و لە کاتژمێر 20:30 لە ناوچەی شەهید سەرحەد لە هەرێمی گۆڤەند لە شەمزینانی جۆلەمێرگ چالاکییەکیان لە دژی سوپای کۆماری تورکیای داگیرکەر ئەنجامدا. لەو چالاکییەدا 2 سەرباز کوژران.
سەربازانی تورکیا لە دێرسیم ئاگریان بەردایە دارستانەکان
سوپای کۆماری تورکیای داگیرکەر ڕۆژی 18ی ئابی 2018 لە دەورووبەری ناوچەکانی خاچالی، ڕەنگیول و بالی مەزرا لە ناوەندی دێرسیم دەستیان بە ئەنجامدانی ئۆپراسیۆنێکی بەرفراوانکرد. لە ئۆپراسیۆنەکەدا فڕۆکەی بێفڕۆکەوان و کۆپتەری جۆری کۆبرا بەکارهێنران. ئۆپراسیۆنەکە هەر ئەو ڕۆژە کۆتایی پێهات. سوپای کۆماری تورکیا لە کاتی ئەنجامدانی ئۆپراسیۆنەکەدا بە ئەنقەست ئاگری بەردایە چەندین ناوچەی دارستانی. ئەو ئاگرە تاوەکو ئێستا بەردەوامیی هەیە و ئاگرەکە نەکوژێنراوەتەوە.
ئۆپراسیۆنەکەی #موش#بێ ئەنجام بوو
ئێوارەی ڕۆژی 18ی ئابی 2018، سوپای کۆماری تورکیای داگیرکەر لە ناوچەی شەهید #ئامەد# و شەهید ئاخین لە موش دەستی بە ئەنجامدانی ئۆپراسیۆن کرد. ئۆپراسیۆنەکە تاوەکو ڕۆژی 20ی ئابی 2018 بەردەوامیی هەبوو و بە بێ ئەوەی ئەنجامێکی لێ بکەوێتەوە کۆتایی پێهێنرا.[1]
#21-08-2018#